Magaara JAK Ɓiiriɗta 4:4 - Boy Lonana

⁴ Agi suu ka ɗegeeɗina li galamba u duliyara ni sa ma gonokka u Lonnaɗi su? Sa ma li galamba u duliyara ni sa ma gonokka u Lonna.

Magaara JAK Ɓiiriɗta 4:4 ပူးပေါင်းရင်းမြစ်များ

ROMMA 8:7

Suu hum u mbalatara ni suu gonokka u Lona, asi ka a hoŋ yasi kaŋga u gaɗta vi Lonaraɗi ka ndak kaɗɗi lay.

GALATENA 1:10

Ni di ana an hal a li jivira ni ii suuna su? Ka naɗi, an hal a li jivira ni ii Lona na ni an li na a suuna golon jivira na su? Lini an hal a li jivira ni ii suuna ɦawaa ni an ka sa sunda vi Kristu oloɗi.

Boy Ma Ayra Ma JAŊ Ɓiirimma 15:19

Agi li ni maŋ suu hu duliyarana ni, asi hin minigiya, kayme agi ki ni masisina. An ŋgaɓagi ay ni anu, ɓaɗagi ay ki ko suu hu duliyara na ni agi ka masi oloɗi. Ni kay ndaɗta, suu hu duliyarana noyogi ki, ni na.

MATIYE 6:24

«Sa ndak ka li sunda fok mulina mba'ɗi. Nam li min ma hiŋŋa ni hin maa ki dew. Nam li ɗegee u maa dew ni hin noy ma hiŋŋa may. Agi ndak a sun Lona may, gursura may na jakgi»

Boy Ma Ayra Ma JAŊ Ɓiirimma 17:14

An ɦasi boy maŋŋa wa. Suu hu duliyarana noyosi kiyo, kay asi ka varasiɗi, ko an ka varasiɗira na may.

Magaara JAK Ɓiiriɗta 1:27

Vira gasi u voɗoɗta, ta Lona Buna goloɗ ko bay cora egeɗta na, ni gol gor suu kuyuna u boyogi suu donona hu wihaw masira jiviya, gol tam jivi ko dlara hu duliyara ka mbuɗ tam njenjeɗi may.

ROMMA 5:10

Aygi ay jewni suu gonokka u Lonna, nam hin taɓaygi egemmi u miɗna vi Goromma. Ni kay ndaɗta nam hoŋ taɓaygi cecemi u namu, ay hin suɗuygi kini u iirira vi Goromma.

MATIYE 16:4

Agi njaf ma cona, hurugi ka tini kay Lonaɗi, joɓ dlara mbuɗta ni amege? Dlara mbuɗta daŋ ta sa takagi sura vi Jonassa kaɗi.» Nam hinisi tani, tuɗ gaw.

Magaara Vi Sa Jok Vun Lona OZE 3:1

Yawe dan ana, «Tuɗ olo, min ca mayra sa daŋŋa miniɗta ta ɦal ki a li zoŋgara. Kay ana minda vi Yawe kay goryoŋ Israelna ni na. Asi may ɗaŋŋi pereɗ irisi eg loogi suu daŋŋa. Asi minni komnjoɗi ma vi loogi suu ɦawanana.»

Boy Ma Ayra Ma JAŊ Ɓiirimma 7:7

Suuna halaŋ hurusi ka egegi coɗi. Anu, asi hurusi egen coo kayme an di ana dlara asi laɗta ni coo.

SOOLLA 73:27

Na daŋ may suu tuɗ ha ki egeŋ dayna hin ba kiyo, aŋ hin ɓalak suu goɓ lo ma ɦawana kiyo.

Boy Ma Ayra Ma LUK Ɓiirimma 19:27

Suu ka min ana an kak kasi a mulnaɗina, yowonsina aya, ŋgaɗasi ki kaŋga fokon tani.»

MATIYE 12:39

Yesu hoŋosi dira ana, «Agi njaf ma cona, hurugi ka tini kay Lonaɗi, joɓ dlara mbuɗta ni a mege? Dlara mbuɗta daŋ ta an takagi sura vi sa jok vun Lona, Jonas, kaɗi.

SOOLLA 21:8

Na daŋ may mulna tin saaram halaŋŋi kay Yawe, ɗegeera vi Lo ma kolona ɦam eŋga a col saɓaki.

JEREMI 9:2

Sinisi ni ko ndal gu mbuurura ganira na. Sunda asi laɗ hu mbassara ni kaboyna, ka gasiraɗi. Asi li dla cora kay taɗ na gak gak. May an wanni asi ka wanɗi. Yawe di na.

EZAYI 57:3

Ҥuɗugi tagi ay tani agi goryoŋ suu li kumuna, agi njaf ma dalamba u suu gawlaŋina.

SOOLLA 50:18

Lini aŋ wi sa ma kulna wani, aŋ mbuɗ ni a banamma. Poy maŋga aŋ poy ni vi suu li zoŋga.

JEREMI 2:2

Tuɗ ci luluura hum Yerusalem. Yawe ɓak anaba, an ka njaɗak dlaakka ndak laɗ ay u gorokka, min mayra ndak min njufuk ma vak wilinara. Ndak tuɗ ay kay ceren hu fulla, kay ndaŋga mayra va ka wul huɗira.

URA TIN AYRA 3:15

An hin tin gonokka dukugi u cara, duk ɦoŋ suu hu njaf carana u maŋsina may. Njaf cara hin tooŋ yaŋ kiyo, aŋ hin eɗem diŋ diŋilim may.»

EZEKIYEL 16:32

Cara dalam ndakka hin dlara taɓ u njufukka ta ni hal ni njufii suu daŋŋa.

1 KORINTNA 1:20

Na ɗaŋi suu neeyna hin dini ana mege? Ni suu wi dlara hin dini ana mege? Suu ciwayra hu duliyara tanina hin dini ana mege? Lona di ana nera vi suu hu duliyara ni laɓara.

1 KORINTNA 1:21

Suu hu duliyara na ndak ka a wi Lona u neesira ana ni Lona gasiraɗi, kay ndaɗta Lona min suɗ suu tin hurusi kamma ki u boy ma puluɗi ma aygi damma.