Magaara JAK Ɓiiriɗta 4:3 - Boy Lonana

³ Lini agi joɓa ka fi va ma agi joɓ kammaɗi ni kay saa magira cora, tlesuu agi joɓ kasina min a lasi ni u min magira kay tagira.

Magaara JAK Ɓiiriɗta 4:3 ပူးပေါင်းရင်းမြစ်များ

1 JAŊ 5:14

Agi gola ni dlara aygi wi taygi gasi fok Lona ana aygi joɓom va maa u min mamba wa ni nam humuygiya.

1 JAŊ 3:22

Tlesuu aygi joɓom kasina aygi fasi halaŋ kayra ay hum u gaɗ mambara aygi li tlesuu ndi irimma lay.

Magaara JAK Ɓiiriɗta 4:1

Ciwayra u honira mbay dukugi ni arage? Asi mbay ni u minda cora, asi duu tasi tew tew huruygira.

MISE 3:4

Hu li ma asi hin tii ha eg Yawena nam hin ka hoŋosi diraɗi, nam hin ŋgay tam ki irisi hu li namma, kay suluk ma asi lamma.»

VUN ŊGOLNA 15:8

Ɓivun ma vi suu dlasi cona ka ii Yawe jiviɗi. Nam tin humummi kay cenda vi suu ɗegeena.

VUN ŊGOLNA 21:13

Sa ma ŋgel humum ki eg tii ma vi suu maŋinana. Nam tamba hin yi kolo ni ka fi hoŋ diraɗi may.

JOB 35:12

Sana ka yi koloo u tiina. Nam ka hoŋ diraɗi. Ni ko ŋga tara vi suu dlasi cona.

ZAKARI 7:13

Ni na may Yawe, ma Saɓakŋa Kom Belna, di ana, «An yasiya, asi humun kaɗi. Ni na may asi yan wanni an humusi kaɗi may.

Boy Ma Ayra Ma LUK Ɓiirimma 15:13

Buu dagan ca ni ma goona gus tlegeyem ki gusni, tuɗ u gursu mamba hu mbassa dayra. Nam ɓeŋ gursu mam ndaɗta ki halaŋ.

MARK 10:38

Yesu dasi ana, «Agi ka wi va ma agi joɓommaɗi. Agi ndak ci vaa cira ko an hin camba na su, ɗowba fi batem ma an hin fina su?»

MATIYE 20:22

Yesu hoŋ dira ana, «Agi ka wi va ma agi joɓommaɗi. Agi ndak ci va cira an hin camma su?» Asi dam ana, «Ami ndaka.»

JEREMI 11:14

«Aŋu, tli dlaŋ suu asinara kaŋgi. Yoo taŋ kasiɗi lay, cen kasiɗi lay, kay ana hu li ma asi hin yan an hin ka humbi, hu li ma hahawra mba kasina.»

VUN ŊGOLNA 21:27

Ɓivun ma vi suu dlasi cona ka jiviɗi. Kay asi li ɓivun masina ni u mbambara.

VUN ŊGOLNA 1:28

Asi hin yan lay ni an ka humusiɗi, asi hin halan lay ni, ka fanɗi lay.

JEREMI 14:12

Lini asi li laara lay, an ka humusi tii masinaɗi. Lini asi lan ɓivun ma ŋgalam kina u ma ɦawana lay ni, tle asina hurun ka vasiɗi. An hin casi ki u ŋgewra u baktara u tuguɗi bora.»

SOOLLA 18:41

Suu babali mansina mbuɗ zakaɗasi ki fokon halaŋ, an daɓ suu gonok mansina ki wa.

JEREMI 11:11

Na ɗaŋŋi, Yawe ɓak anaba, an hin mbaasi dla cora ay kasiya, asi hin ka ndak a taɗ tasi kiɗi. Asi hin yan ay ana an mbay njunusiya, an hin ka humusiɗi.

Boy Ma Ayra Ma LUK Ɓiirimma 15:30

Goroŋ ma tin yam ay ki na, basaŋ bege maŋga ay ki u gawlaŋina, mba karam may, aŋ ŋgaɗam mbutl ma aygi ɗooromma ki na gaw ni nanage?

1 MULINA 3:11

Lona hin dam ana, «Ko ndal aŋ joɓ wanda na, aŋ joɓ ka ana basaɗaŋ li kay ndaŋgara cocoo naɗi lay, joɓ ka ana ɦiziŋuraɗi lay, joɓ ka ana caŋ suu babali maŋsina kiyoraɗi lay, aŋ joɓmi ana ɦaŋ yal ma ɓorow ii jivira ki u cora, a ti mulla ni u ɗegeera.

Boy Ma Ayra Ma LUK Ɓiirimma 11:10

San li joɓpa ni, hin fiya. San li halla ni, nam hin fi may. Sa ma ci vun goŋga hin malam lay.