Magaara JAK Ɓiiriɗta 3:9 - Boy Lonana

⁹ Aygi gi deɓ Bu Suuna Buygi ni u ndaɗu, gi vunna maŋ suu Lona minisi ko tamba nana ni u ndaɗ lay.

Magaara JAK Ɓiiriɗta 3:9 ပူးပေါင်းရင်းမြစ်များ

SOOLLA 10:7

Vunum hoɓi u givunna u mbaɗta, u dlara kulna may, dla jivi ka kal ay ki funumbi.

SOOLLA 62:4

Agi hin hinigi dlara tok kay sa ma dewna kini saɓage? Ko gulumun ma hal a bow kina na, ko goŋ mayra wak kira na, ɗowba ko liw mayra hawaɗ ki gara na.

SOOLLA 59:12

Casi kiɗi, kay a suu mansina maa ki kasiɗi, geŋeɗesi u saɓak maŋŋa, pukusi gaa. Bu Suuna aŋŋi mbari mamina.

URA TIN AYRA 9:6

Sa ma vo busu sana kina, sa hin voom busuɗum kini voy may. Kay Lona li sana ko tamba na.

SUNDA 2:26

Kay ndaɗta hurun oy u jivira, boy manna an damma oy u furira, lini u maŋira vi mbalatan lay ni an juɓ u ɗigilla.

2 SAMUEL 19:21

Kay saaŋ ma sunda wi ana, an li suluku. May karam an mba ki fok jew suu vi Yosefna a hoŋ ŋgaf vok malanna, mulnara.»

URA TIN AYRA 5:1

Gola ni sem suu njaf suu vi Adamma. Hu li ma Lona min suu warna, ni nam lasi ko tamba na.

1 KORINTNA 11:7

Sa njufna ka baa yambi kay nam tli tammi u Lona, nammi bibiŋilla vi Lona lay. Cara bibiŋil maɗta ni maŋ njufuɗu.

ROMMA 3:14

Vunusi oy u boy co ma gala ma ba sana kina.

MATIYE 26:74

Piyer gijaŋ suu tam ana, «Lini an ka ni boyna ni, Lona gan daŋgayna. An ka wi sa nammaɗi.» Vunum ndi kaŋga may ni, tlekŋa hel gaw.

MATIYE 5:44

Anu, an dagi ana, Minigi suu babali magisina. Cen Lona kay suu lasagina.

EZAYI 29:13

Bu Suuna di ana, suu asina ɦuɗ tasi ay egenni u boy ma dira ɦawaa, asi ŋgaanni u vunusi ɦawaa. Na may hurusi kurufu ni ha ki day egenu, Ndaa ma asi lam konna ni u gaɗta vi suu warnara ɦawaa, ni dlara asi haɗaɗta ɦawaa.

DI BOLLA 7:22

Kay huruŋ ndak daŋ lay, aŋ ŋgul suuna ay coco ni ko ndaɗta na lay.

SOOLLA 108:1

Soolla vi David.

SOOLLA 71:24

Sinin hu buuna halaŋ njaɗ ni kay ɗegee maŋga, zolona tok kay suu halan dlara hahawra ay kanna wa.

SOOLLA 63:4

Na daŋ may ɗegee maŋga dlaɗ ŋgol su iirira, vunun ka geleɗeŋŋi aŋu.

SOOLLA 57:8

Hurun cuk kaŋga wa, hurun cuk wa Loonna, an min gi soolla geleɗeŋu.

SOOLLA 51:14

Ҥan furira a kal hu suɗ maŋga, hin a ŋgussa jivira takan voɗta.

SOOLLA 35:28

Na ɗaŋgi, sinin hin di ki ni ɗegee maŋga, an hin ŋgaaŋ hu buuna halaŋ.

SOOLLA 34:1

Soolla vi David, nam mbuɗ tam fok Abimelek ko sa ma puluɗina na. Nam dikimu, David tuɗ may. Ŋgoo dagan David hin gi sool ndaɗta ni na.

SOOLLA 30:12

Aŋ mbuɗun yoo manda ki furira. Mbuɗun baraw bol manna ki u baraw ma luuna.

SOOLLA 16:9

Hurun ka u furira, ŋgus manda ka u ayra, tliw tan tam koɗi u heɓpa.

1 DLAŊ MULINARA 29:20

David di suu tokina halaŋ olo ana, «Gagi deɓ Yawe, Loogina.» Suu tokina halaŋ gi deɓpa maŋ Yawe, Lo ma vi somoyosina. Asi goɓ kaŋga u vok givisi fok Yawe, fok mulna.

1 DLAŊ MULINARA 29:10

David gi deɓpa maŋ Yawe fok suu tokina di ana, «Ko suuna ŋgaaŋŋi seŋu, Yawe, Lona vi suu Israelna, bumi ma ay day day a fafaɗtana.

2 SAMUEL 16:5

Mulna David tew ki hu Bahurim hu li ma sana dew kal ay kina. Nammi hu deera vi Solla, sem ana Simey. Nammi goŋ Gerana. Hu kalla nam kal ay kira ni nam gi vunna ni na gaw.

SUU KAƁAKŊA 9:27

Suu asina halaŋ tuɗ ki ŋgoo bagi hu senena a em veŋ masina. Asi em sum veŋŋa may, tin luuna a li furira may. Asi mbay hu ziŋ loogi masisina ti may, ci may, pan Abimelek may.

EFESNA 1:3

Geleɗeygi Lona, Bu Bu Suuna mayna, Yesu Kristu, nam ma paɗ vunum ki kay taɓ maygira u Kristura, nam ɦaygi paɗvunna vi Musukka kay tlesuu kolona halaŋ.

SOOLLA 145:21

Vunun dini dlara geleɗ Yawe, suuna halaŋ geleɗem sem ma teteɗna ha na gak gak a fafaɗta.

SOOLLA 145:1

Soolla geleɗta vi David. Loonna, mul manna, an geleɗeŋu, an gi deɓpa u seŋ na gak gak.

1 PIYER 1:3

Geleɗeygi Lona, Bu Bu Suuna Yesu Kristu kay jivi mamba ŋgolla nam ɦaygi iirira wilira hu li ma nam col Yesu Kristu ki kolo iiri duk suu miɗina. Ni kay ndaɗta ay ka maa kay juɓpa juɓumbaɗi.

Magaara JAK Ɓiiriɗta 1:27

Vira gasi u voɗoɗta, ta Lona Buna goloɗ ko bay cora egeɗta na, ni gol gor suu kuyuna u boyogi suu donona hu wihaw masira jiviya, gol tam jivi ko dlara hu duliyara ka mbuɗ tam njenjeɗi may.

Magaara JAK Ɓiiriɗta 3:10

Boy ma gideɓpa u boy ma givunna halaŋ kal ay ki ni hu vun ma dewna. Gorsenna dla ndaɗta wanni ka a li naɗi.