Magaara JAK Ɓiiriɗta 3:5 - Boy Lonana

⁵ Sinda duk mbalatara ni va goo ko ndaɗta na may na ndaɗ ndak di boy ma ŋgal tara u tlena ŋgolo. Saaragi gige lamba ŋgolla kura goo ew daŋga ŋgalaɗ ki halaŋ.

Magaara JAK Ɓiiriɗta 3:5 ပူးပေါင်းရင်းမြစ်များ

VUN ŊGOLNA 18:21

Miɗna u kak ma kak iirina halaŋ col ay ni eg boy ma aŋ damma. Va ma aŋ lamma aŋ hin tammi vuɗum may.

VUN ŊGOLNA 12:18

Sa ma njaɗ cocona dlaamba dak tara ni ko ŋgewna na. May boy ma vi sa ma ɗegeena garaɗ sana kiyo.

VUN ŊGOLNA 15:2

Sa ma wi dlara ɓak boyna ni suuna humum boy mamma jivi cocoo. May sa ma tafaɗina njaɗ ni dlara uɗ kaɗira ɦawaa.

SOOLLA 17:10

Asi dug hurusi ki eg suuna, vunusi njaɗni njaɗta ŋga tara.

Magaara JUD Ɓiiriɗta 1:16

Suu asina tew tewni ka tii tasiya furi masira kaɗi, asi lini dlara u min masira, halni ŋga tara mbaɗ ii suuna kay a fi tlena kosiya.

JEREMI 18:18

Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

SOOLLA 10:3

Sa ma cona ka ŋga tam kay godlom mamba, sa ma yow tlena vi suuna hin Yawe kiyo, ŋgulum lay.

EZEKIYEL 28:2

«Goŋ sanna, aŋ tuɗ di mul ma Tirna ana Bu Suuna, Yawe, ɓak ay ana, Kayra aŋ ŋga taŋ coco ana, Anni Lona, aŋ kak kay dlamba mulla kay daara duk mbo lum ŋgolna. Doliɗi ni aŋŋi sa warna ɦawaa ka lonɗi. Ni kayra aŋ gol taŋŋi ko loogina nara.

2 PIYER 2:18

Asi ɓakŋi dlara ŋga tasira u boy ma bay umma, asi li sunda u min masira hu tliwna a ganyam suu hal a suɗ tasi ki duk suu hu dla corana.

DANYEL 4:30

Hu li namma gaw ni dla ndaɗta li ki eg Nabukodonosor. Asi dikim ki duk suuna. Nam ti haɗna ko mbutlina na, tam mbus ki u mbaɗagira huulonara ta ta, tlimiɗ yam si ko tlimiɗ ɓarawna na, liviɗ kom siira ko liviɗ layagina na.

JOB 22:17

Suu asina di Lona ana, «Ҥuɗ taŋ ha ki egemiya, hinimi na en.» Lona ma Saɓakŋa ndak a lami me egemi nige?

KALKIRA 15:9

Suu gonok mamisina di ana, ami dikisi usi tuɗ vasi ɗaŋ. Ami hin ɓorowosi tlegeyesi ki komiya, hoɓ hayami ki ɗaŋ. Ami guu sii ŋgewi mamisina komi ki mini a kara may.

DANYEL 3:15

Na ni cecem wanda agi tagi mini su? Hu li ma cecem wanna li ni agi humugi del tokolomma, del diffa, del diŋŋa, diŋ ma ŋgolna, dadarina u cakiyawra, u tlesuu bu suu zeɗ zeɗna wa ni agi a cuk vok givigi kaŋga a goɓ mbuu doonora an miniɗta su? Lini agi ka a goɓoɗɗi ni, hu li namma gaw ni hin cukugi ki hu zulla kura ŋgik ŋgikka. Lo ma hin buɗugi ki konna ni maanage?»

EZEKIYEL 29:3

Aŋ tuɗ ɓakasi ki ana, Bu Suuna, Yawe, di ay ana, Aŋ Faraw, mul ma Egiptena, an hin mbay kaŋu. Aŋ dragoŋ ma ŋgolna ma buuri duk mbo lum ma Nilna. Aŋŋi sa ma di ana mbo lum ma Nilna ni manna, an may ni li tanni kay tanuna.

KALKIRA 5:2

Faraw di ana, «Yawe namma nige a an humum vunum a hin suu Israelna tuɗ ki ŋgoo bagi nige? An ka wi Yawe nammaɗi. Kay ndaɗta an ka hin suu Israelna tuɗɗi.»

SOOLLA 39:1

Soolla vi sa ma fok suu gi soollana, soolla vi David gaɗ ni Yedutun.

VUN ŊGOLNA 26:20

Hu li ma gu ka oloɗina kura tew kiyo. Hu li ma sa ma ŋgeŋŋa ka oloɗina ni ɦonira seŋ kaŋga may.

Magaara JAK Ɓiiriɗta 3:4

Agi saaragi u lum kawina gige. Nam mam ŋgol coco lay ni, semeɗna zuɗumu, sa ma jaŋamma li min a tuɗ aragelay ni pereɗem zew ma njewem goo ew daŋŋa.