Magaara JAK Ɓiiriɗta 3:1 - Boy Lonana

¹ Gorsenna, zulugi tagi ki a suu haɗ suuna belɗi. Agi wi anaba ami suu haɗ suuna hin fi ɓakŋa ni co su suu daŋŋa.

Magaara JAK Ɓiiriɗta 3:1 ပူးပေါင်းရင်းမြစ်များ

1 TIMOTE 1:7

Asi hal a mbuɗ tasi ki malayaŋ gaɗta vi Lonara, asi ka hum u boy masinaɗi lay ka wi va ma asi dammaɗi lay.

1 PIYER 5:3

Ni ka ana kak ŋgolla kay suu Lona ɦagisina a agi golosina naɗi, lagi jiviya a asi tli ugi na may.

1 KORINTNA 12:28

Ni kay ndaɗta duk suu vina Lona cuk suu vovoɗ mamba jewe, a mbara ni suu jokom vunumma, a hindira ni suu haɗta, ŋgoo daganda ni suu li dlara mbuɗta, hiŋga suu nam ɦasi saɓakŋa a garaɗ suu tuguɗira kina, hin ɦal suu njun u suuna u suu gol suuna, suu u ɦala a ɓak vun ma daŋŋa daŋŋa.

MATIYE 23:13

«Hahawra ka kagiya agi suu wi magaara gaɗta u suu Farisenna, agi ni suu mbambana, agi dug vun ziŋ Mulla Huulonara ki ii suuna. Agi tagira ka kal huɗi lay. Suu cuk huna agi ka hinisiɗi lay. [

1 TIMOTE 2:7

Ni kay ndaɗta nam van ki a sa di boyna a sa vovoɗta, kay a haɗ suu ka njaf suu Juifnaɗina kay vira u gasira, an ka kaboyɗi, di ni gasira.

EFESNA 4:11

Sa ma ɦal ɦala maŋ suunana suu ɦiw nam ɦasi a suu vovoɗta, suu hiŋŋa a suu jok vun Lona, suu ɦiw a suu di Boy ma Ayra, suu ɦiw a suu pastergina, u suu haɗ suuna.

2 KORINTNA 5:10

Aygi halaŋ hin mba ŋgaygi taygira hu ɓakŋa fok Kristu, kay gegelay mba fi va ma nam lamma, hu li ma nam ay hu mbalatam tuna, lini jiviya lini coo.

HEBRENA 13:17

Humugi u suu fokogina, hoŋ yagi kaŋga usiya, kay asi ka saa kay ŋgus magira tew tew, lini agi hum usiya ni asi ka joɓ Lona kagiya. Asi hin li sun masira ni u furira may, li ka naɗi ni asi li sun masira ni u yoora, ni agi ka fi va huɗi may.

Boy Ma Ayra Ma LUK Ɓiirimma 16:2

Sa ŋgol namma yam ay yi ni, dam ana, An hum boyna kaŋ na ni nanage? Aŋ van u tlena ay kiyo, aŋ ka a li a saan ma sunda oloɗi.

DLAŊ LEVIRA 10:3

Moiz di Aaron ana, «Yawe di ay ki jew jivi ana, An min ana suu a mbay egenna li u teteɗ manda. Asi ŋgaan ki ni fok suuna halaŋ.» Kay ndaɗta Aaron seŋ tam na yerek yerek.

2 TIMOTE 1:11

Lona tinin a an di Boy ma Ayra namma kiyo an ni sa vovoɗta a haɗ suuna may.

Boy Ma Ayra Ma JAŊ Ɓiirimma 3:10

Yesu hoŋom dira ana, «Aŋŋi sa ŋgolna vi suu Israelna may ni ka wi boy nammaɗi su?

MATIYE 10:24

«Sa haɗta ka ŋgol su sa haɗammaɗi. Gogoo ma sunda ka su malammaɗi.

Boy Ma Ayra Ma LUK Ɓiirimma 6:37

«Kaagi ɓakŋa kay ndarayaginaɗi. Sa hin ka kaagi ɓakŋa kaɗi may. Kaagi ɓak ma ba ndarayagina kinaɗi, Lona hin ka kaagi ɓak ma baagi kinaɗi may. Hinigi suu hiŋŋa, Lona hin hinigi may.

MATIYE 9:11

Suu Farisenna wi na ni, di suu haɗi mamsina ana, «Saagi ma ŋgolna ti funa u suu vi taara u suu cona ni nanage?»

MALASI 2:12

Sa li ko ndaɗta nana ko Yawe yowom goryom u suu mamma ay ki hu mbutluɓma vi Yakobma, li ni sa li ɓivunna maŋ Yawe, ma Saɓakŋa Kom Belna, lay.

SUNDA 13:1

Duk suu vi Kristuna hu Antiok ni suu jok vun Lona u suu haɗ suuna kaa, Barnabas u Simeon (ma asi yam ana Warna) Lusiyus ma Sirenna, Manaen, ma wul ay vo vi mulna Herodna, u Sol.

Magaara JAK Ɓiiriɗta 1:16

Gorsen suu an minigina ganagi yam tagiɗi.

Magaara JAK Ɓiiriɗta 1:19

Gorsen suu an minigina saaragi kay boy ma wanna, gegelay ni hum zak, di zakgi, li ya zakgi lay.

Magaara JAK Ɓiiriɗta 3:10

Boy ma gideɓpa u boy ma givunna halaŋ kal ay ki ni hu vun ma dewna. Gorsenna dla ndaɗta wanni ka a li naɗi.

MATIYE 23:14

Hahawra ka kagiya agi suu wi magaara gaɗta u suu Farisenna, agi ni suu mbambana. Agi yow tlesuu ko boyogi suu donona ki lay, cenegi cenda fiyekka ana agi ni suu jivina, agi hin fi daŋgay ma ŋgolna ni kay ndaɗta.]