Magaara JAK Ɓiiriɗta 1:9 - Boy Lonana

⁹ Wayagi ma hawra geleɗ Lona kay wulla Lona wulumba.

Magaara JAK Ɓiiriɗta 1:9 ပူးပေါင်းရင်းမြစ်များ

VUN ŊGOLNA 19:1

Sa ma hawra ma di dlara jivira ni jivi su sa ma ɦizi ma njaɗ dlara kaboyna.

2 KORINTNA 6:10

Asi lami dlara yoora egemi ŋgolo ni ami ka furi tew tew, golomi ko suu hawra na ni ami ɦizi u suuna, ami gol ko ka fi vaɗina ni a gasira tlena ka komi halaŋ.

WIRA ŊGAYRA 2:9

Wihaw maŋga an waɗu, haw maŋga an waɗ lay, u gasira ni aŋŋi sa ɦizina. An wi dla co mayra suu ana asi ni suu Juifna ni ka suu Juifnaɗi layna daŋga kaŋga, tok masira ni tokka vi Satanna.

Boy Ma Ayra Ma LUK Ɓiirimma 1:52

Suu kaki kolona nam dikisi ki kaŋgaa. Suu kaki kaŋgana nam jokosi ki koloo.

VUN ŊGOLNA 17:5

Sa ma pan sa ma hawra panammi malam ma lamma. Sa ma furi kay wihawra vi suunana ka suɗ ki fun ɓakŋaɗi.

SOOLLA 62:9

Agi suuna tin saa magira kam hu lina halaŋ, ɦagi hurugi mamu. Lona ni sa ma aygi ŋgay egemma.

GA 8ATAMBARA 15:11

Ka hin bay sa ma haw a hin li hu ɦoŋziiginaɗi, an dagi ha ni malagi hurugi ki eg suu wihawra u suu hawra, suu ka hu mbas magirana.

GA 8ATAMBARA 15:9

Gol taŋ jivi, hin huruŋ gonok eg wayaŋ ma hawraɗi, di taŋ ana, «Basara bulum balna kira hin tok may nige?» gijaŋ gol wayaŋ ma ɦaw namma u iira cora ka min a ɦam vaɗi, li ni nam yaŋ Yawe kaŋ wa ni aŋ li ni suluk ma cona.

GA 8ATAMBARA 15:7

Lini sa ma haw ka dukugi hu mbassa Yawe ɦagirara, sa namma li ni wayagina, ka hu ɦoŋzi ma agi huna ni, agi ɦam tlena dug hurugi ki egembi, aŋ ka mbek koŋ ki eŋga eg wayaŋ ma hawraɗi.

FILIPINA 3:14

An liŋŋi irin ŋgarasi kay va ma an liŋ kamma, a fi warak ma Lona yay ay kam hu Yesu Kristu ha kolona.

FILIPINA 3:3

Aygi ni suu tak gasira vi caw ɗiwra, ni ka asiɗi, aygi ni suu sun Lona u Musuk mamba, aygi col gasi maygira ni hu Yesu Kristu, aygi tin huruygi ni ka kay dlara vi sa warnaɗi.

ROMMA 8:17

Aygi ni goryomu, aygi hin faygi jona vi Lona ma nam ɦam maŋ suu mamsinana, aygi hin faygi ii ɓorow maygina ko taygi u Kristu, lini aygi taɓ hu wihawra u namu ni aygi hin kak u nam hu ŋgol mamba lay.

Boy Ma Ayra Ma LUK Ɓiirimma 10:20

Lagi ayra kay fulina hum ugiraɗi. Furiyugi ni kay segi ma ɓiiri kolo huulona na ɗow.»

Boy Ma Ayra Ma LUK Ɓiirimma 9:48

dasi ana, «Sa ma vi gogona varam u sen ko ma wan na na, nam van ni anu. Sa van varamma, vi ni sa sunun ayna may. Sa dukugi ko gogona na na, ni ma ŋgolna.»

1 SAMUEL 2:8

Nam hoŋ sa maŋina ay ki tlira kolo duk gugum ndaŋgara lay, taɗ sa hawra ay ki kay didiŋga lay, a asi kak ko tasi u goryoŋ mulinana a ɦasi li mulina kak huna kay ana saɓak ma kay ndaŋgarana ni vi Yawe. Nam tin u duliyara ni namu.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

EZAYI 29:19

Suu hoŋ yasi gana hin furi coco hu Yawe. Suu hawra hin furi kay sa ma Teteɗ ma vi suu Israelna.

Boy Ma Ayra Ma LUK Ɓiirimma 14:11

Kayme suu tli yasi kolona hin hoŋ ki kaŋgaa. Suu ka tli yasi koloɗina hin tuɗ ni foko.»