Magaara JAK Ɓiiriɗta 1:8 - Boy Lonana

⁸ Nammi sa ma hurum ɓorowi ki mbamba hu poy mambana.

Magaara JAK Ɓiiriɗta 1:8 ပူးပေါင်းရင်းမြစ်များ

1 MULINA 18:21

Eli ɦuɗ tam ay eg suu halaŋŋa dasi ana, «Agi hin hinigi dlara yowoɗ kogi na mba' mbara ki ni saɓa tuge? Lini Yawe a Lona ni namu ni vagi um may. Lini Baal a Lona ni namu ni vagi um gaw may.» May suu Israelna sa ma hoŋom di na dew kaɗi.

MATIYE 6:24

«Sa ndak ka li sunda fok mulina mba'ɗi. Nam li min ma hiŋŋa ni hin maa ki dew. Nam li ɗegee u maa dew ni hin noy ma hiŋŋa may. Agi ndak a sun Lona may, gursura may na jakgi»

Magaara JAK Ɓiiriɗta 4:8

Ҥuɗugi tagi eg Lona tok nam hin ɦuɗ ay egegi tok may. Agi suu cona, mbusugi kogi kiyo, lagi hurugi ki jivi teteɗ agi suu hurugi mbambana.

EZAYI 29:13

Bu Suuna di ana, suu asina ɦuɗ tasi ay egenni u boy ma dira ɦawaa, asi ŋgaanni u vunusi ɦawaa. Na may hurusi kurufu ni ha ki day egenu, Ndaa ma asi lam konna ni u gaɗta vi suu warnara ɦawaa, ni dlara asi haɗaɗta ɦawaa.

2 PIYER 2:14

Irisi hal ni dlara zoŋga, cora ka ndakasi liraɗi, asi ganyam suu maŋina, hurusi oyra u kurufuk begera, givun ma vi Lonna ka kasiya.

2 MULINA 17:41

Ko ndaɗta na njaf suu zeɗ zeɗ asina li ndaa Yawe ha may, tokol fuli masisina ha hu gak may. Ni ko somoyosi li ay jewra na. Asi cemi ni li ni na lay.

2 PIYER 3:16

Hu magaara nam ɓiiriɗta ɓak kay boy namma hu magaara ndaɗta halaŋŋi, boy ma hum loɓma kaa, suu ka wiɗina u suu ka eŋgina ka dam u voɗombi ko asi di hu magaara vi Lonara daŋga na, ni asi lini dlara ba tasi ki kay tasi tokka.

2 MULINA 17:33

Hu li ma asi ka li ndaa Yawena lay ni, asi tuɗ fok a sun loogi masi suu ɦawana gak may, ko asi ay li vo hu mbas masira jewra na.

Magaara Vi Sa Jok Vun Lona OZE 10:2

Suu asina hurusi ki coo, cecem wanda asi hin waraka. Nam Yawe u tamba hin toosi otel masi ma li ɓivunna ki lay, ɓeŋesi ɦini masira asi ceɗeɗta ki lay.

MATIYE 6:22

«Iriŋŋi pindilla kay tliw taŋu. Iriŋ li jiviya ni, tliw taŋ ki ni kiɗik may.

SOOLLA 119:113

An ka min suu hurusi mbambanaɗi, may an miniŋŋi gaɗ maŋga u hurun halaŋ.

Magaara JAK Ɓiiriɗta 1:7

Sa ma ko ndaɗta nana saa ana nam hin fi va ko Bu Suuna naɗi.