Boy Ma Ayra Ma LUK Ɓiirimma 9:26 - Boy Lonana

²⁶ Lini sana li zolona kanu, kay boy manna may ni, Goŋ Sanna hin mbay u bibiŋilla vi Bumba u suu mam suu sunda huulona ni hin li zolona kam may.

Boy Ma Ayra Ma LUK Ɓiirimma 9:26 ပူးပေါင်းရင်းမြစ်များ

2 TIMOTE 2:12

Lini aygi kak ɗiliya aygi hin taygi mulla u namu, lini aygi hinim kiyo, nam hin hiniygi ki may.

ROMMA 1:16

An ka li zolo kay Boy ma Ayraɗi, nammi saɓak Lonna kay suɗ gegelay ma tin hurumma, ay jewni suu Juifna, hinni maŋ suuna halaŋ may.

MARK 8:38

Lini sana li zolona kanu, kay boy manna lay, fok suu cukunina ni, suu li zoŋgana lay, li cora lay, Goŋ Sanna hin li zolona kam may, falira nam mbay u saɓakŋa vi Bumma u suu mam suu sunda huulona may.»

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

MATIYE 16:27

Na daŋŋi Goŋ Sanna hin mbay u bibiŋilla vi Bumba u suu mam suu sunda huulona may, hu li namma nam hin warak gegelay u dlara nam laɗta.

MATIYE 25:31

«Mayra Goŋ Sanna hin mbay kay mul mambara wanni, suu sunda huulona umu, nam kak kaŋga kay dlam mamba mulla ta bibiŋilla.

Boy Ma Ayra Ma JAŊ Ɓiirimma 12:43

Asi min ŋgara vi suu warnara, su boy ma vi Lona na.

WIRA ŊGAYRA 20:11

Ŋgoo dagan an wi dlamba haɓpa mulla ta ŋgolla, sa ma kaki kaɗna ndaŋgara u huulona yow liŋŋa fokomu, sa ka wasi u irim oloɗi.

Magaara JUD Ɓiiriɗta 1:14

Henok ma hu njafna vi Adam a kiɗisiyana di ki kasi hu boy ma jok vun Lona mamma jew day anaba, «Humugiya Bu Suuna ka mbay u suu mam suu sunda huulona suu teteɗna va ma bup bup ŋgolo.

2 TIMOTE 1:12

Kay ndaɗta an vi wihawra kanu, an li zolo kay boy nammaɗi kay an wi sa ma an tin hurun kamma, an wi ki gasi ana nam ndaki a golon gak gak buu ma nam ŋgaamma, kay va ma nam ɦanna konna.

WIRA ŊGAYRA 3:5

Suu col eŋ su kay ndaŋgarana hin cuk tasi ni baraw haɓma ko ndaɗta na. An ka bulumusi sesi ki hu magaara vi iiriraɗi. An hin di ki kasi fok bun u suu sun mamsina ana asi ni suu mansina.

WIRA ŊGAYRA 1:7

Gologiya nam mba hu ɗugulla. Suuna halaŋ hin wamu, suu cokomma lay. Suu kay ndaŋgarana halaŋ halaŋ hin mbuɗ yoo kay boy mamma, ni dla ndaɗta hin a li ni na daŋ may, amin.

GALATENA 6:14

Lini kan anu ni an ka min a ŋga tan kay garakŋa vi Buu Suuna Yesuɗi, kay garakŋa vi Kristu ni tlesuu hu duliyara halaŋ ki miɗi kanu, an tanda ki miɗi kay tlesuu hu duliyarana may.

MATIYE 26:64

Yesu hoŋom dira ana, «Aŋ di ni aŋu. An dagi ha ana, Agi hin wi Goŋ Sanna kagi kay bik Lona ma njufna, ma saɓakŋa kom halaŋŋa. Agi hin wam nam hoŋ ay duk ɗugulla huulona.»

EZAYI 53:3

Suuna panam cocoo, sa ka caa yam kambi lay. Sa ma wihawra, haɗi u lassa, suuna wam na ni pereɗ irisi kiyo, panamu, sa ma saa kam kaɗi.

HEBRENA 13:13

Ay tuɗuygi doŋ kaana a siɓ panna ko namma may.

HEBRENA 11:26

Nam furi kay ŋgulla vi Kristu irim saɓak su begera Egiptera, nam saa mamba tini kay warak ma fokŋa.

2 KORINTNA 12:10

Ni kay ndaɗta an li furira kay maŋira, ŋgulla, wihawra, lassa, u yoora halaŋi an fasi ni kay sem Kristu kay hu li ma an maŋiya doyɗi ni anni saɓaki.

DANYEL 7:10

Mbo kura ɓaɗ sel ay ki fokomu. Suuna buɓ buɓ bulumi li sunda fokomu, suuna buɓ buɓ doogo coli fokomu. Sa kaɓakŋa kak kaŋga mal hu magaara kiyo.

Boy Ma Ayra Ma JAŊ Ɓiirimma 5:44

Agiya, agi hal ni geleɗ magira duk tagira, geleɗta col ay kolo ko Lo ma dewna, agi ka halaɗɗi. Agi hin tin hurugi gin kay Lona ni ana mege?

SUNDA 10:22

Asi hoŋom dira ana, «Sa ma ŋgol asgaana Korniye sunummi ay ni namu. Nammi sa ma ɗegeena ma vi u Lonna, suu Juifna halaŋ lay ni minimu. Sa sunda huulona tak tam irim dam ana, nam yaŋ ay varamu, aŋ hin mba dam boy ma huruŋŋa.»

1 TIMOTE 5:21

An suuruŋŋi fok Lona, fok Yesu Kristu u fok suu sunda huulona suu mansina hum u gaɗta ndaɗta bay ka iira, eg gege lay hu dlaaŋga aŋ laɗta.