Boy Ma Ayra Ma LUK Ɓiirimma 9:22 - Boy Lonana

²² Yesu di na olo ana, «Goŋ Sanna suuna hin lasam cocoo. Suu ŋgolona u muli suu li ɓivunna u suu wi magaara gaɗta hin noyom kiyo. Asi hin cam kiyo, nam hin paɗ ki kolo hu buu ma hindina.»

Boy Ma Ayra Ma LUK Ɓiirimma 9:22 ပူးပေါင်းရင်းမြစ်များ

Boy Ma Ayra Ma LUK Ɓiirimma 24:7

Goŋ Sanna asi hin ɦam ki maŋ suu cona, asi hin ɓalam ki kolo hu gu garakŋa, hu buu ma hindina nam hin paɗ ki kolo iiriya.»

Boy Ma Ayra Ma LUK Ɓiirimma 9:44

«Cecemi an dagiya, tinigi boy namma ha kagi jiviya. Goŋ Sanna, sa hin di kolokŋa kamu, suuna hin vamu.»

1 PIYER 1:11

Asi so tasi a wi buuna u cokira Musukka vi Kristu takasi ay ki ana nam hin fi lassa, ŋgoo lassa daŋŋi nam hin fi ŋgol mamba tuwara.

MARK 9:31

Nam haɗ suu haɗi mamsina, dasi ana, «Goŋ Sanna, sa hin di kolokŋa kamu, suuna hin vamu, cam kiyo, buuna hindi ŋgoo miɗ mamma, nam hin paɗ ki kolo iiriya.»

MARK 8:31

Yesu gijaŋ haɗasi ana, «Goŋ sanna hin fi lassa cocoo. Suu ŋgolona u muli suu li ɓivunna u suu wi magaara hin noyom kiyo. Asi hin cam kiyo. Hu buu ma hindina nam hin paɗ ki kolo iiriya.»

MATIYE 17:12

An dagi ana, Elie mba ki wa da. Suuna wam kaɗi, lasam wanni ko hurusi minda na. Goŋ Sanna asi hin lasammi ko ndaɗta na may.»

1 KORINTNA 15:4

Nam ay ki pii kaŋgaa, paɗ ki kolo hu buu ma hindina iiri ko magaara dira na.

Boy Ma Ayra Ma LUK Ɓiirimma 24:26

Agi ka wi ana Sa Lona Fuurumma wi hawra wi, hin kal hu bibiŋil mamba tuwa naɗi su?»

MATIYE 17:22

Hu buu maa dew Yesu u suu haɗi mamsina tok Galile wanni, nam dasi ana, «Goŋ Sanna, sa hin di kolokŋa kamu suuna hin vamu,

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

DANYEL 9:26

Ŋgoo dagan cokira dok karkiya yam mbara, sa ma fuurina hin cam kiyo, may ka ni kay tambaɗi. Kay ɦoŋzina u li ma teteɗ ma ɓivunna, suu vi mul ma ka mbayna hin ɓeŋem kiyo, daɓ mamba hin mbay ni ko babaana na, ta ta daɓpa vi duuna ni hin di boyna kay ɓeŋ mamba.

URA TIN AYRA 3:15

An hin tin gonokka dukugi u cara, duk ɦoŋ suu hu njaf carana u maŋsina may. Njaf cara hin tooŋ yaŋ kiyo, aŋ hin eɗem diŋ diŋilim may.»

MATIYE 27:63

dam ana, «Mulna, humumi gami kay boy ma sa ma kaboyna wanna dam ay, bay nam miɗ tuna, ana, An hin paɗ ki kolo iiri hu buu ma hindina.

Boy Ma Ayra Ma LUK Ɓiirimma 17:25

Lini nanagelay nam wi hawra ki tuwa, suu cukunina noyom ki tuwa.

Boy Ma Ayra Ma LUK Ɓiirimma 24:44

Nam hin dasi ɗaŋ, «Agi gola ni dla mayra an dagira ay ki fok jew an ay u agi tura, boy ma ɓiiri kan hu magaara gaɗta vi Moizza, u ma vi suu jok vun Lona u ma hu magaara Soolla, dla ndaɗta a li ki ni halaŋ.»