Boy Ma Ayra Ma LUK Ɓiirimma 8:21 - Boy Lonana

²¹ Yesu hoŋosi dira ana, «Sun u gorsenna ni suu hum boy ma vi Lona, vi um mayna.»

Boy Ma Ayra Ma LUK Ɓiirimma 8:21 ပူးပေါင်းရင်းမြစ်များ

MATIYE 17:5

Vunum bay ndi kaŋga tu may ni, ɗugulla weleɗta kuluɓ ŋgusna kasiya. Asi hum della ɓak ay dukuɗ ana, «Ni Goron ma an minim ɦayna. An furiyum u hurun halaŋ. Agi vam vunumu.»

MATIYE 25:40

Mulna hoŋosi dira ana, «An dagi ni u voɗoɗu, jivira agi laɗ eg sa maa dew duk gorsen suu hahawra, ni agi landa ay ni man anu.»

MATIYE 25:45

Nam hin hoŋosi dira ana, An dagi ni u voɗoɗu, jivira agi laɗ ka maŋ sa maa dew duk suu hahawraɗira, agi landa kaɗi ni man an na may.

MATIYE 28:10

Yesu dasi ana, «Lagi ndaaɗi. Tuɗ dagi maŋ gorsenna asi tuɗ ha Galile. Ni li ma asi hin wan huna.»

Boy Ma Ayra Ma LUK Ɓiirimma 8:15

Ii njaf ma waɗ kay ndaŋgara jivira ni suu hurusi ndaki, jiviya hum Boy ma vi Lona, li umu, vam hurusi lay, tuɗ fok u nam gak gak. Boy namma zul hurusi coco may.»

Boy Ma Ayra Ma LUK Ɓiirimma 8:20

Asi jok vunna ha maŋ Yesu ana, «Suŋ u gorseŋŋa ka bunsu, halaŋ a ŋgaf u aŋu.»

Boy Ma Ayra Ma JAŊ Ɓiirimma 13:17

Cecemmi agi wi kiyo, agi li dla ndaɗta na ni, hurugi hin furiya.

Boy Ma Ayra Ma JAŊ Ɓiirimma 20:17

Yesu daɗ ana, «Ŋgen kok egenɗi an bay tuɗ ay eg Bun tuwa. Ndak tuɗ di gorsenna ana an tuɗ kolo eg Bunu, nammi Bugi may eg Lo manna, nammi Loogina may.»

2 KORINTNA 5:16

Ni ami ka golomi suuna ko suu warna na oloɗi. Lini ami gol Kristu ay jew ko sa warna na lay, cemi ami ka golom na oloɗi.

2 KORINTNA 6:18

An hin li ni a bugiya, agi hin lini a goryon u gorɓii mansina, Bu Suuna ma Saɓakŋa Kom Belna di boy namma ni namu.»

Magaara JAK Ɓiiriɗta 1:22

Ganyam tagi u humba hum Boy Lonana u furira ɦawaɗi, li ummi lii na ɗow.

1 JAŊ 2:29

Agi wi kagi ana Kristu ni sa ɗegeena, agi wi kagi ana sa ma li dlara ɗegeera ni goŋ Lonna.

3 JAŊ 1:11

Banan ma an miniŋŋa, sa ma cona aŋ tlam dlaambaɗi sa ma li jivina aŋ tlam dlaamba. Sa li jivina ni sa vi Lonna, sa li dla cora wi Lona kaɗi.