Boy Ma Ayra Ma LUK Ɓiirimma 7:19 - Boy Lonana

¹⁹ cukusi eg Yesu ana asi joɓom ana, «Aŋŋi sa ami juɓ ana nam hin mbana ɗowba ami juɓ mi sa daŋ su?»

Boy Ma Ayra Ma LUK Ɓiirimma 7:19 ပူးပေါင်းရင်းမြစ်များ

URA TIN AYRA 22:18

Suu kay ndaŋgarana halaŋ hin fi paɗvunna ni u njafaŋu kay aŋ humun vununu.»

URA TIN AYRA 3:15

An hin tin gonokka dukugi u cara, duk ɦoŋ suu hu njaf carana u maŋsina may. Njaf cara hin tooŋ yaŋ kiyo, aŋ hin eɗem diŋ diŋilim may.»

URA TIN AYRA 49:10

Tokolora mulla hin li ni ko Yuda, ndaɗ hin li coli ni fokom gak gak malaɗna hin mba faɗu. Nammi sa ma suuna hin hum umma.

EZAYI 11:1

Na may ko sari gu ma ay gana na, mul ma daŋŋa col ay hu njaf Jese.

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

MISE 5:2

Kay ndaɗta Lona hin noyosi ki ta ta hu li ma ca mayra a vuɗ goonara vuɗum kira. Ɗaŋŋi suu usi hin ko gorsesinana hin taɓ ko tasi u goryoŋ Israelna.

Magaara Vi Sa Jok Vun Lona AGE 2:7

Yam mbassa halaŋ hin dlaka, begera kay yam mbassara halaŋ hin yow liŋŋa, an hin oy hu zi ndaɗta u jivira Jawe ma Saɓakŋa Kom Belna di na.

ZAKARI 9:9

Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.

MARK 6:7

Nam yi suu doogo yam mbana ay egemu, gijaŋ cukusi ki u tasi mba' mba'. Nam ɦasi saɓakŋa a dik fuli suu cona ki lay.

Boy Ma Ayra Ma LUK Ɓiirimma 10:1

Ŋgoo daganda Bu Suuna ŋgaɓ suuna dok kiɗisiya yam mba', nam sunusi u tasi mba' mba' ha fokom hu zi ma nam tuɗ huna halaŋ.

Boy Ma Ayra Ma LUK Ɓiirimma 11:1

Fali taa dew Yesu a li cenda hu li maa dew. Nam daɓ cenda ki daɓmi, sa maa dew duk suu haɗi mamsina dam ana, «Bu Suuna, haɗami cenda ko Jaŋ haɗ suu haɗi mamsinara na may.»

Boy Ma Ayra Ma LUK Ɓiirimma 11:39

Bu Suuna dam ana, «Gola agi suu Farisenna ni na. Agi mbus ŋgoo ŋgotta, hurugi oyra u dlara kulna may boy ma cona may.

Boy Ma Ayra Ma LUK Ɓiirimma 12:42

Yesu hoŋ dira ana, «Sa li sun mamba jivi yalaɗ irimma ni gege? Ni sa bu ziimma ɦam tlesuu hu ziimma kom halaŋ, tinim a nam ɓorow tina maŋ ndarayamma mayna.

Boy Ma Ayra Ma LUK Ɓiirimma 13:15

Bu Suuna hoŋom dira ana, «Suu hurugi mbambana agiya, hu buu ma vi Lonna gegelay ni vi mbutl mamma ɗowba koro mamba a haɗ yona naɗi su?

Boy Ma Ayra Ma LUK Ɓiirimma 17:5

Suu haɗina di Bu Suuna ana, «Ҥuɗumi u hurumi ma tini kaŋŋa foko.»

Boy Ma Ayra Ma LUK Ɓiirimma 17:6

Bu Suuna hoŋosi dira ana, «Lini hurugi ma tini kanna, goo ko ii seweena na lay ni, agi ndak a di maŋ ŋgus ma wanna lay ana, aŋ paɗ u sariyaŋu, tuɗ gi taŋ ha ki duk mbo lumma ŋgolna lay ni, nam ndak a humugi vunugi lay.»

Boy Ma Ayra Ma LUK Ɓiirimma 18:6

Yesu hin di hu ana, «Agi humugi boy ma vi sa ma co ma kaɓakŋa damma ɗaŋ,

Boy Ma Ayra Ma LUK Ɓiirimma 19:8

Nam Zake col kolo di maŋ Yesu ana, «Aŋ hum haa, Mala Haɗta. An ɓorow tlegeyen ki duk gaya gaya, suu hiŋŋa an ɦasi ki maŋ suu hawra. Sa ma an lam irim u gursu mambana, an hoŋom na ga ga fiɗi.»

Boy Ma Ayra Ma LUK Ɓiirimma 22:61

Bu Suuna pereɗ irim gol Piyer na ni, Piyer humum gam kay boy ma nam damma ay jewna ana, «Aŋ hin tin vunuŋ kan yaŋŋa hindi jew tlekŋa a hella, ana aŋ ka wanɗi.»

Boy Ma Ayra Ma LUK Ɓiirimma 24:34

Njaɗ ana, «Bu Suuna paɗ ki kolo gasi. Gasi Simon wam lay.»

Boy Ma Ayra Ma LUK Ɓiirimma 7:13

Bu Suuna waɗ na ni, ndaɗ mbuɗ irim hahawi. Nam daɗ ana, «Tiiɗi.»

Boy Ma Ayra Ma LUK Ɓiirimma 7:20

Asi tew eg Yesu tewni, dam ana, «Jaŋ ma mbus batemma sunumi ay egeŋ ana, ami joɓoŋ ana aŋŋi sa hin a mbayna ɗowba ami juɓ sa daŋ su?»

Boy Ma Ayra Ma JAŊ Ɓiirimma 11:2

Mari ni ca mayra vo mbul ma hisna kay sem Yesura, hin saɗam ki u tlimiɗ yaɗta. Wayaɗna Lazar tam tammi namu.

Boy Ma Ayra Ma JAŊ Ɓiirimma 4:1

Bu Suuna wi ana, suu Farisenna hum ana suu vi Yesuna bolow su suu vi Jaŋ ma mbus batemma, nam mbus suuna batemma coco su suu vi Jaŋŋa lay.

Boy Ma Ayra Ma JAŊ Ɓiirimma 4:25

Cara dam ana, «Sa Lona Fuurumma (yam ana Kristu) hin mbaa nam mba wa ni, hin daygi u tlena ki halaŋ.»

Boy Ma Ayra Ma JAŊ Ɓiirimma 6:23

Hu li namma suuna yow ay hu zi ma Tiberiyadna u lumba usi bolow cocoo, tew hu li ma Yesu gi deɓpa maŋ Lona kay funa ɦam maŋ suuna na.

JOSUWE 2:1

Josuwe ma goŋ Nunna ay hu Sittim wanni cuk suuna ay ŋgay gumun mba', dasi ana, «Tuɗugiya nda gologi mbassa aya, suu bella ni agi gol ni Yeriko.» Asi hin tuɗ may, ii cuk hu ziŋ cara gawlaŋga dew yaɗ ana Rahab, buu varaɗu.

WIRA ŊGAYRA 11:3

An hin cuk suu man suu dikina mba' asi hin cuk baraw ma mbumbu bolna tasiya, asi hin mba di Boy Lonana ki buuna bup duk kis kis mba' duk dok karkiya.