Boy Ma Ayra Ma LUK Ɓiirimma 7:12 - Boy Lonana

¹² Asi tew ha del kaana may ni, suuna ŋgafasi ay u sa miɗina kasi a pamba. Goo namma ni goŋ ca donora, koɗ na dew daŋ. Suu ay hu zi nammana moli egeɗ cocoo.

Boy Ma Ayra Ma LUK Ɓiirimma 7:12 ပူးပေါင်းရင်းမြစ်များ

URA TIN AYRA 22:12

Sa sunda vi Yawe dam ana, «Hin goona, lam va egembi, kay cemmi an wi ana aŋ li ndaa Lona. Aŋ doo ka kay goroŋ ma dewna a ɦanna kiraɗi».

URA TIN AYRA 22:2

Lona dam ana, «Tay goroŋŋa, Isaak, ma dew ma aŋ minimma, tuɗ hu mbassa Moriya, ha ki hu li namma aŋ lan ɓivun ma ŋgalam kina u goroŋŋa kay ɦinira an hin takaŋgara».

2 SAMUEL 14:7

Na ɗaŋŋi njaf suuna halaŋ yow duuna u caaŋga sunda. Asi di ana, duuruygi wayaygina. Aygi hin cam ki kay iirira vi wayamma ta nam caɗ kira. Aygi hin bulum sa ma a yow gin jonana ki ni na gaw. Asi hin tew murus kura hin gin konda kiyo, ka hin njaf njufun ma yam sem kay ndaŋgaraɗi.»

1 MULINA 17:12

Ndaɗ hoŋom dira ana, «U sem Yawe, Looŋŋa, komnjoɗi ha ka konɗi. U fuɗta hin ha hu gegelna ni duk kon na dew, mbulna hu gegelna ni na ew daŋ may. An njun gin guna wa ni, an tuɗ li tle asina tami u goronna ti ni, juɓumi ni miɗimiya.»

1 MULINA 17:18

Cara di Eli ana, «Va ma ndolon u aŋŋa ni mege? Aŋ mbay varan a gan u coonda ki can goona ki wanni kay mege?»

1 MULINA 17:23

Eli tli gogoona hoŋ ay ki ga u nam hu zira, mba ɦam maŋ sumu. Eli daɗ ana, «Gola goorokŋa ka iiriya.»

1 MULINA 17:9

«Col kolo, tuɗ hu ɦoŋzi ma Sareptana, ni hu mbassa Sidonda. Aŋ tuɗ kak ha ki huwa. An di cara donora dew ha huwa ni ndaɗ hin ɦaŋ tina.»

2 MULINA 4:16

Elize daɗ ana, «Daa ko ndal wanda na ni ndak vi goona ki u tlawaku.» Ndaɗ dam ana, «Ҥawaa, sa ŋgol manna, di dlara kaboyna maŋ caaŋga sunda naɗi.»

2 MULINA 4:20

Sa ma sunda tlam tani, mbaam ay maŋ sumu. Goona kaki ɓal sum gak gak tew faaliya, hin dug irimmi na gaw.

JOB 29:13

Paɗvun ma vi sa ma miɗ kina mbay ki ni kanu. Boyogi suu donona an mbuɗusi hurusi ki furira.

ZAKARI 12:10

An hin njay ŋgus mayra saara jivira u giyamba kaŋgara kay ziŋ Davidna u suu Yerusalemma. Na ɗaŋŋi asi hin golonu sa asi cokomma. Asi hin tiirim matam ko ndal goo ma dewna na. Asi hin tii kam ko suuna tii kay goo ma vuɗ jewna na.

Boy Ma Ayra Ma LUK Ɓiirimma 7:11

Fali ndaɗta Yesu tuɗ hu zina yam ana Nain. Suu haɗi mamsina u suu daŋŋa tuɗ um may.

Boy Ma Ayra Ma LUK Ɓiirimma 7:13

Bu Suuna waɗ na ni, ndaɗ mbuɗ irim hahawi. Nam daɗ ana, «Tiiɗi.»

Boy Ma Ayra Ma LUK Ɓiirimma 8:42

Kayme goromba kom na dew basaɗaɗ doogo yam mba' hal a miɗa. Nam gi tam a tuɗta wanni suuna ɦeɓem duku, nam ka fi li ma musuk kosiɗi.

Boy Ma Ayra Ma LUK Ɓiirimma 8:52

Suuna halaŋ tii kaɗu, yoo tasi coco lay. Yesu dasi ana, «Tiirigiɗi. Ndaɗ ka miɗiɗi, buu ni senna ɦawaa.»

Boy Ma Ayra Ma JAŊ Ɓiirimma 11:19

Suu Juifna bolow cocoo mbay eg Mari u wayaɗta Marte a yoorosi kay wayasina.

SUNDA 9:39

Piyer vi yam kaɗi gi tam usi zak gaw. Nam mba tew egesi tew ɗaŋŋi asi tuɗum hu zira ha kolo kay ndaraɗtara. Boyogi suu donona halaŋ tok ay egem a tiina. Asi takam barawi suu Dorkas li ha cilisi hu li ma ndaɗ ha iiri tuna.

SUNDA 9:41

Piyer tlaɗ koɗ tani njun uɗ coloɗ ki kolo gaw. Nam yi suu vina ay u boyogi suu donona halaŋ takasira ni ndaɗ ki iiri nje.

Magaara JAK Ɓiiriɗta 1:27

Vira gasi u voɗoɗta, ta Lona Buna goloɗ ko bay cora egeɗta na, ni gol gor suu kuyuna u boyogi suu donona hu wihaw masira jiviya, gol tam jivi ko dlara hu duliyara ka mbuɗ tam njenjeɗi may.