Boy Ma Ayra Ma LUK Ɓiirimma 6:42 - Boy Lonana

⁴² Aŋ hin di wayaŋŋa ana, Hinin an tlaŋ usu ma iriŋŋa kiyo, ni gu ma iriŋ taŋgana aŋ ka wambi may ni amege? Aŋ sa ma giniŋŋa, tli gu ma iriŋŋa ki jewe, iriŋ mbuɗ wi ki jivi wani, aŋ hin tli usu ma ii wayaŋŋana ki tuwa.»

Boy Ma Ayra Ma LUK Ɓiirimma 6:42 ပူးပေါင်းရင်းမြစ်များ

VUN ŊGOLNA 18:17

Sa ma gijaŋ a ɓak kay dlara jewna gol ana boy mamma ni ɗegee, may sa ma babalira varak ay wa ni hin mbuɗum boy mamma ki cora may.

MATIYE 26:75

Piyer humum gam kay boy ma Yesu damma jewna ana, «Tlekŋa bay hel tu ni, aŋ hin tin vunuŋ ki yaŋŋa hindi ana aŋ ka wanɗi.» Piyer kal ki, tii u simina irimu. Hurum haɗ cocoo.

MATIYE 7:3

Aŋ gol usu ma ii wayaŋŋana ɗow ni, ka gol gu ma iriŋŋa ki fok jewɗi amege?

MATIYE 7:4

Aŋ di wayaŋŋa ana, Hinin an tlaŋ usu ma iriŋŋa kiyo, ni gu ma iriŋ taŋga aŋ ka wambi may ni amege?

Boy Ma Ayra Ma LUK Ɓiirimma 13:15

Bu Suuna hoŋom dira ana, «Suu hurugi mbambana agiya, hu buu ma vi Lonna gegelay ni vi mbutl mamma ɗowba koro mamba a haɗ yona naɗi su?

Boy Ma Ayra Ma LUK Ɓiirimma 22:32

May ni an joɓ Lona kaŋu ana huruŋ ma tinina kaɗakaŋgi. Hu li ma aŋ hin hoŋ ay egen wanni mbuɗ gorseŋŋa ki saɓak may.»

Boy Ma Ayra Ma LUK Ɓiirimma 6:41

«Aŋ gol usu ma ii wayaŋŋana ɗow ni, ka gol gu ma iriŋŋa ki fok jewɗi amege?

Boy Ma Ayra Ma LUK Ɓiirimma 6:43

«Gu ma jivina ka vuɗ vuɗ gu ma conaɗi, gu ma cona ka vuɗ vuɗ gu ma jivinaɗi may.

SUNDA 13:10

Dam ana, «Sa ma cona, huruŋ oyra u honira, goŋ Satannana, gonokka u tlesuu jivina bel. Aŋ ka ɓalak ki wanni voɗta vi Bu Suuna ta jiviraɗi su?

SUNDA 2:38

Piyer hoŋosi dira ana, «Jokogi hurugi ki zeɗ, gege gegelay dukugi ni mba mbus ki batemma u sem Yesu Kristu. Kay coogira hin bulum kiyo, agi mba fi ɦala vi Lonara ni Musuk Lonara.

SUNDA 8:21

Va ma ndoloŋ dukŋa ni mege? Boy maŋŋa ka huɗi, kay huruŋ ka tini ɗegee fok Lonaɗi.

ROMMA 2:1

Aŋ sa ma kaɓakŋa kay suuna, vunuŋ hin vaŋ may. Hu li ma aŋ kaɓakŋa kay suuna, aŋ li ko asi na lay, ni aŋ kaammi kay taŋga tok.

2 KORINTNA 5:18

Dla ndaɗta halaŋ mbay ni ko Lona, nam Kristu taɓaygi duk ɦoŋoygi u namu, ɦay sunda a mbaa suuna a taɓ duk ɦoŋga u nam may.

2 TIMOTE 2:21

Lini sa ma mbuɗ tam ki jivi pasiyak ko cora an ɓak kaɗ wanda, nam hin fi ni sun mamba kay tamu kay nam ɦal tam ki ni maŋ malamma bel, nam irim jiviya, nammi tok a ɦam sunda gaw, kay nam minimu, ni kay sunda jivira bel.

2 PIYER 1:9

Lini sana ka u tle asina hurumbi nam u wira gedeŋga hurum ko sa ma dugina na, humum maa ki kay mbuɗ mamba nam mbuɗ ay ki teteɗ kay coomba jewra.