Boy Ma Ayra Ma LUK Ɓiirimma 6:29 - Boy Lonana

²⁹ Sa caŋ kiriŋiŋ ma njufna wani, aŋ pereɗem ma gulna may. Sa yowoŋ baraw maŋŋa wani, aŋ fokom ma hin egeŋŋa ha hu olo.

Boy Ma Ayra Ma LUK Ɓiirimma 6:29 ပူးပေါင်းရင်းမြစ်များ

HEBRENA 10:34

Agi fagi wihawra hu daŋgayna u yowra asi yowogi tlegeyegira, li ni tlena baay lay, agi vi kagi u furira, kay ki wi kagi ana bege ma gasina ma kak didinna ha foko.

2 KORINTNA 11:20

Lini sa gologi ko agi ni mborɓiina na lay ni agi siɓ u dlaamba ko va ma gusugi gusi na lay, sa ganagi yagi lay, lini sa ŋga tam kagi lay, lini cagi irigi lay,

1 KORINTNA 6:7

Dlara ɓak duk tagira ni ɓeŋ magira gaw. Agi ka siɓ dlara vi tagiraɗi hin tli kolo ni bay ɗegeera na ɗow ni kay mege? Lini na ni agi hinigi suuna yowogi tlegeyegiɗi kay mege?

Boy Ma Ayra Ma JAŊ Ɓiirimma 18:22

Hu li ma Yesu ɓak ha na may ni, sa asgaa ma coli egemma cam irim piŋ dam ana, «Aŋ ɓak fok mul ŋgol ma li ɓivunna eŋga na su?»

MATIYE 26:67

Ŋgoo dagan asi tofoɗom yoyona irimu, cam poŋga. Suu ɦiw cam kiriŋim may,

YOORA 3:30

Tin kiriŋiŋ maŋ sa a camma, ko ŋgulla su ki kaŋu.

EZAYI 50:6

An hin ŋgoron maŋ suu waɗanna, hin kiriŋin maŋ suu a paɗan njeren kina, an ŋgay tan ka ki ko ŋgulla vi suunaraɗi, an hin tan asi tofoɗon yoyona irin lay.

1 KORINTNA 4:11

cecemi lay ni mayra camiya, laara camiya, baraw ma cuk tami kaɗi lay, suuna poŋomi lay, ami ka kak hu li ma dewɗi lay,

Boy Ma Ayra Ma LUK Ɓiirimma 22:64

Asi dugum irim ki dugŋi, camu, hin joɓom ana, «Sa caŋŋa ni gege? Aŋ dami ay gige.»

SUNDA 23:2

Mul ŋgol ma li ɓivunna, Ana nias, di maŋ suu laki eg Polna ana asi cam kay vunumu.

MISE 5:1

Ndak, Betlehem ta Efratara, ndak goo coco a ndumuk duk njaf suu vi Yudana, saan ma ti mulla kay Israelna hin kal ay ki ni huruku. Umba col ayra hoŋ ha ki kaŋgana day, hu buu ma ay jew day dayna.

2 DLAŊ MULINARA 18:23

Na gaw ni Sedekiya ma goŋ Kenaanna ɦuɗ tam ay eg Mise cam irim na piŋ gaw dam ana, «Musukka vi Yawera kal ay ki hurun a tuɗ daŋ boy namma ha ki a aŋ ɓakamba su?»

2 SAMUEL 19:30

Mulna dam ana, «Ɓakŋi boy me fiyekka na ologe? An ɓak ana, aŋ u Siba agi hin ɓorowogi ndaŋgara duk tagiya.»

Boy Ma Ayra Ma LUK Ɓiirimma 6:30

Sa joɓoŋ va koŋ wani, aŋ ɦamu. Sa tlaŋ vaŋ wani, aŋ li ɓak u nambi.