Boy Ma Ayra Ma LUK Ɓiirimma 6:23 - Boy Lonana

²³ Lini dla ndaɗta laki na lay ni, furiyugiya, warak magira ha juɓugi kolo huulona. Somoyosi las suu jok vun Lona ay jew ni na daŋ may.

Boy Ma Ayra Ma LUK Ɓiirimma 6:23 ပူးပေါင်းရင်းမြစ်များ

2 SAMUEL 6:16

Doli ɗini hu li ma Zanduk Yawera kal ay ki hu Ҥoŋzi Davidna, Mikal ta goŋ Solla tin iriɗ ay ki ii zira. Ndaɗ wi mulna David weɗ koloo, luu njoŋŋa fok Yawe, huruɗ ɓeŋ ki egemmi na gaw.

1 MULINA 18:4

Hu li ma Jezabel ci suu jok vun Lona kina ni Obadiya yow suu jok vun Lona kis ŋgayasi kiyo, ɓorowosi irisi ki dok-vadl dok-vadl hu zul ɦinira, ɦasi funa may, yona may.

1 MULINA 19:10

Nam hoŋom dira ana, «Yawe Lo ma Saɓakŋa, an hurun miniŋ cocoo. An ka ndak a siɓ dlara suu Israelna laɗtaɗi. Asi bus galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

1 MULINA 19:14

Nam hoŋ dira ana, «Yawe, Lo ma Saɓakŋa, an hurun miniŋ cocoo, an ka ndak a siɓ dlara suu Israelna laɗtaɗi. Asi bus Galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

1 MULINA 19:2

Jezabel gi sana a vun sunda eg Eli dam ana, «Vin maɗii ko wanda na aŋ li ka iiri tuwa, an caŋ ka ki ko ndal aŋ ci suu joɓpa ki wandara naɗi ni logina lan cora egenu.»

1 MULINA 21:20

Akab di Eli ana, «Aŋ sa ma babali manna, fan wa daŋ su?» Nam hoŋom dira ana, «An faŋ wa kay aŋ gus taŋ ki ni u busu sana kay dla cora aŋ laɗ fok Yawe wanda.

1 MULINA 22:27

Agi tuɗ dasi ana, Mulna ɓak ay ana gagi sa namma daŋgayna. Ҥammi u fu ma hin kina u yona may ta ta juɓ buu ma an hoŋ ay ki vo ɦawa va lan kaɗina tuwa.»

1 MULINA 22:8

Mul ma Israelna di Josafat ana, «Sa ma ka tani dew ma ay ndak a tuɗ joɓ Yawe ay funumma. Na may an ka minim dlaambaɗi kay nam ka dan dlara jivi kanɗi, di ni dla cora sak sak. Ni Mise, ma goŋ Yimlana.» Josafat di ana, «Ka mulna ɓak ko ndaɗta naɗi.»

2 MULINA 6:31

Nam di ana, «Cemi ni yam Elize ma goŋ Safatna yam hin kolo kam wa ni, ko Lona lan dlara daŋ ki egenu.»

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

NEHEMI 9:26

«Na may asi mbuɗ ki honira, li yara u aŋu. Asi noyoŋ gaɗ maŋga ki ŋgoorosi dagan na day, asi ci suu jokoŋ vunuŋ kina, suu neesi ana asi hoŋ egeŋuna kiyo. Asi li suluk ma ŋgolona egeŋ cocoo.

SOOLLA 58:11

Suu ɗegeena hin furi cocoo hu li ma asi wi Lona saasi sukulusiya. Asi hin mbus sesi ki ni u busu suu cona.

EZAYI 35:6

Suu dalira pii weɗta ko ndal dugina na. Suu vunusi ndumuna mbuɗ sawalla ha koloo. Li ma haw mbona, yona mbuɗ law huwa. Lumma wak ki ŋgoo bagi hu fulla lay.

JEREMI 2:30

An poŋogi goryogi ni a wassa. Asi ka humun haɗ mandaɗi. Ŋgew magira cagi suu magi suu jok vun Lona ko ndal dlo ma vi mburina na.

MATIYE 5:12

Furiyugiya, ayagiya kayme warak magina ha juɓugi kolo huulona. Asi las suu jok vun Lona ay fokogi jew ni na may.»

Boy Ma Ayra Ma LUK Ɓiirimma 1:41

Ndaɗ Elisabet hum deɓpa vi Mari na ni, goona gijaŋ ŋgen tam huruɗ gaw. Musuk Lonara oy ki hu Elisabet.

Boy Ma Ayra Ma LUK Ɓiirimma 1:44

An humuk deɓ makka na ni, goron ma hurunna gijaŋ furira ŋgen tam gaw.

Boy Ma Ayra Ma LUK Ɓiirimma 6:35

Minigi suu babali magisina, lasi jiviya, ɦasi tlena, tin hurugi ana asi hin hoŋogisina ay ni saɓagera naɗi lay. Agi hin fi warakka ŋgolla, hin mbuɗugi ki goryoŋ Lo ma kolona. Nam li jivira maŋ suu hurusi cona u suu hurusi jivina lay.

SUNDA 14:10

Pol dam u delem kolo eŋga ana, «Col koloo, ɗoɓ taŋ ki kay seŋ ɗegee.» Sana weɗ kolo na vikŋi gi tam tuɗta gaw.

SUNDA 3:8

Nam col kolo weɗ na vikŋi gi tam tuɗta gaw. Nam kal ko tam u asi hu Ziŋ Lonara u tuɗa, weɗ kolo geleɗ Lona.

SUNDA 5:41

Suu vovoɗta cuk ki hin suu ŋgolo suu kaɓakŋana ka tani, tuɗ ni u furira kay Lona wasi asi ndaki a li lassa u ŋgulla kay sem Yesu.

ROMMA 5:3

Su bella wanni lini aygi ka hu wihawra lay ni aygi furiya. Aygi wi ana wihawra hin mbuɗ ɗigil ira.

2 KORINTNA 12:10

Ni kay ndaɗta an li furira kay maŋira, ŋgulla, wihawra, lassa, u yoora halaŋi an fasi ni kay sem Kristu kay hu li ma an maŋiya doyɗi ni anni saɓaki.

KOLOSNA 1:24

Cecemi an li furira hu wihawra an ka faɗ kagira. Wihaw mayra an ka faɗ eg mbalatan wanda, ni an faɗ ki ni vun wihaw mayra li ka eg Kristu tuɗira kay mbalatamu. Mbalatam ni suu vi Kristuna.

2 TIMOTE 2:12

Lini aygi kak ɗiliya aygi hin taygi mulla u namu, lini aygi hinim kiyo, nam hin hiniygi ki may.

HEBRENA 11:26

Nam furi kay ŋgulla vi Kristu irim saɓak su begera Egiptera, nam saa mamba tini kay warak ma fokŋa.

HEBRENA 11:6

Bay vira sana ka gol ii Lona jiviɗi. Kay ndaɗta sa ma min mba eg Lonna vi ki kam ana Lona kaa, nam warak suu ka halamma.

Magaara JAK Ɓiiriɗta 1:2

Gorsenna, njaf ndemba fagi zeɗ zeɗta agi ŋgaɓaɗ ni ko furira na ɗow.

1 PIYER 4:13

Furiyugiya ni ko agi dlaɓ u wihawra vi Kristu na kay a agi mba li u ayra coco hu li ma ŋgol mamba hin mba tak taɗ kina.

WIRA ŊGAYRA 2:17

Lini sa ma humum ka huma ni hum boy ma Musuk Lonara dam maŋ suu vi Kristuna jiviya. Suu col eŋ na gak gak suu kay ndaŋgarana an hin ɦasi manna ma ka ŋgayna. Duk suu asina an hin ɦasi goyra haɓpa semma wilina ɓiiri huruɗna, wammi sa ma famma doy hol.

WIRA ŊGAYRA 2:26

Suu col eŋŋa gak gak su kay ndaŋgara hin tuɗ fokŋa gak gak tew fun daɓpa li u dlara an miniɗta, an hin ɦasi saɓak ma bun ɦanna ayna. Hu li namma an hin ɦasi saɓakŋa kay suuna, asi hin mba waɗasi u tokolo kawina hin mba toosi ki ko suuna to doy luɓuna na. An hin ɦasi vel ma maɗiina.

WIRA ŊGAYRA 2:7

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya. Suu col saɓak gak gak hin tina wanni ana an hin ɦasi eŋga a ti vuɗ gu ma iirina ma ka hu Paradis Lonna.

WIRA ŊGAYRA 21:7

Sa tina, an hin ɦam tle asina, an hin li a Loomma, nam hin li a goonna may.

WIRA ŊGAYRA 3:12

Sa ma su kay ndaŋgarana an hin colom duk Ziŋ Loonara, nam hin ka kal ki oloɗi. An hin ɓiirim sem Loonna kamu, ɓiirim sem ɦoŋzi ŋgolna vi Loonana kam lay. Yerusalem ma wilina ma hin col ay kolo eg Loonana. An hin ɓii sen ma wilina kam hu may.

WIRA ŊGAYRA 3:5

Suu col eŋ su kay ndaŋgarana hin cuk tasi ni baraw haɓma ko ndaɗta na. An ka bulumusi sesi ki hu magaara vi iiriraɗi. An hin di ki kasi fok bun u suu sun mamsina ana asi ni suu mansina.