Boy Ma Ayra Ma LUK Ɓiirimma 6:21 - Boy Lonana

²¹ Furira ka kagi agi suu mayra cagi cecemma, agi hin fi ti ma ka daɓ kiɗina. Furira ka kagi agi suu tii cecemma, kayme agi hin mbuɗ sana.

Boy Ma Ayra Ma LUK Ɓiirimma 6:21 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 6:35

Yesu dasi ana, «Anni fu ma iirina, sa mba egenna mayra ka cam oloɗi, sa tin hurum kanna laara hin ka cam oloɗi lay.

MATIYE 5:6

Furira ka kay suu hal a li u minda vi Lona u hurusi halaŋŋa, nam hin hoɓosi u boy mamma.

Magaara JAK Ɓiiriɗta 1:12

Furira ka kay sa ma kak ɗili hu tuk mambana, kay ŋgoo tukka dagani nam hin fi jumba mulla vi iirira, ni va ma Lona vi vunum kam a ɦam maŋ suu minimma.

Boy Ma Ayra Ma LUK Ɓiirimma 1:53

Suu mayra casina nam hoɓosi kiyo, suu begera nam dikisi ki u kosi ma vadlna.

MATIYE 5:4

Furira ka kay suu tii tasina, Lona hin ɗilisi irisiya.

WIRA ŊGAYRA 7:16

Mayra ka casi oloɗi, laara ka lasi oloɗi lay, fatɗa ka ŋgalasi oloɗi, zamalla ka lasi oloɗi may.

Boy Ma Ayra Ma LUK Ɓiirimma 6:25

Hahawra ka kagi agi suu ka u tlena kogi cecemina, mayra hin cagiya. Hahawra ka kagi agi suu san cecemina, hahawra hin mba kagiya, agi hin tii lay.

1 KORINTNA 4:11

cecemi lay ni mayra camiya, laara camiya, baraw ma cuk tami kaɗi lay, suuna poŋomi lay, ami ka kak hu li ma dewɗi lay,

Boy Ma Ayra Ma JAŊ Ɓiirimma 4:10

Yesu hoŋoɗ dira ana, «Lini ndak wi tlesuu Lona ɦasina ni, ndak wi sa joɓok yo ma cira may ni, ndak a joɓ yona ko sa namma ni ndak ɗow. Nam hin ɦak yo ma iirina.»

JEREMI 31:9

Asi mbay u tiina. Asi yi kolo ana, «Oora.» Ni an zuɗusiya. An tuɗusi hu ɦuɗugum mayra laɓi jivira, hu voɗta dewra ka sesi daɓ eg vaɗi. Gasi an mbuɗ ki ni bu Israel, Efrayimmi goron ma ŋgolna may.

EZAYI 30:19

Na daŋ may, agi suu Siyonna, suu cuki hu Yerusalemma agi ka tii oloɗi. Lini agi yi koloo ni nam lagi oora, Nam humugi delegi wa ni nam ndak hoŋ dira.

SOOLLA 107:9

Kay nam ɦal yona maŋ suu laara casina, hoɓ hay suu mayra casina may.

SOOLLA 17:15

Anu, anni sa ma jivina, kay ndaɗta an hin waŋu. Hu li ma an dliɗ ki kolona, an furiya kay an waŋ iriŋu.

URA TIN AYRA 21:6

Sara di ana, «Lona mbuɗun dlaanda ki sanda furira, gegelay ma humun dlaandana hin sana.»

URA TIN AYRA 17:17

Abraham cok yam kaŋga hin san hurum kurufu di ana, «Sa ma basaɗam ki kisna ndak vuɗ goo olo su? Sara basaɗaɗ ki dok-dleeŋe ni ndaɗ vuɗ goo olo su?»

WIRA ŊGAYRA 21:3

An hum della di ay kay dlamba mulla eŋga ana, «Cecemi li kakŋa vi Lona ka duk suuna, nam hin kak u asiya, asi hin lini suu mamsina may, Lona tamba hin lini a Loosina, asi hin li a suu mamsina may.

2 KORINTNA 12:10

Ni kay ndaɗta an li furira kay maŋira, ŋgulla, wihawra, lassa, u yoora halaŋi an fasi ni kay sem Kristu kay hu li ma an maŋiya doyɗi ni anni saɓaki.

2 KORINTNA 11:27

An li sunda loɓma u dlara nekka fan tew tew, an buu bay senna tew tew lay, mayra u laara can lay tew tew, ni an kak bay ti vaa, semeɗna can ŋgolo ka fi baraw ma cuk kaɗi lay.

2 KORINTNA 6:10

Asi lami dlara yoora egemi ŋgolo ni ami ka furi tew tew, golomi ko suu hawra na ni ami ɦizi u suuna, ami gol ko ka fi vaɗina ni a gasira tlena ka komi halaŋ.

Boy Ma Ayra Ma JAŊ Ɓiirimma 11:35

Yesu tiira.

EZEKIYEL 9:4

Yawe dam ana, «Tuɗ ha duk hu ɦoŋzina hu ɦoŋzi ma Yerusalemma, ɓii lomorora ki vok suu may suu ka yoo tasi ko dla cora li dukusi wanda halaŋ halaŋ.»

EZEKIYEL 7:16

U suu hin dew dewna pii ki may. Asi tuɗ kolo kay yam ɦinira ko ndal gugukka na. Suu daŋŋa tuɗ ga hu ɦuɗugumba may, ko suluk masina.

JEREMI 31:25

An laɓ vun suu laara mbuɗusi ki maŋiina, an hin mbuɗ suu maŋiina ki saɓak lay.

JEREMI 13:17

Lini agi ka humbi ni, an hin mbuɗ tan ki hahawra hu liinna, kay ana dla ndaɗta ndakan wa, irin hin tii simina, tiira, mbus ki u simina, yoori suu vi Yawena tuɗ ki ni hu daŋgayna.

JEREMI 9:1

Li ni li ma buu ka gin kan hu fulla duk suu tuɗ koyra ni, an hin suu mansina ki huwa. Asi halaŋŋi suu li zoŋga, suu dlasi cona.

EZAYI 66:10

Furiyugi u Yerusalem, ayagiya, agi suu maɗsina halaŋ, agi suu li tii kay Yerusalemma furiyugi u ndaɗ cocoo.

EZAYI 25:6

Yawe, ma Saɓakŋa Kom Belna, hin tin luuna kay ɦini ndaɗta maŋ suuna halaŋ. Ni luu ma ti tliw ma mbulna u sum veŋ ma basina. Tliw ma mbulna ma yulumma u sum veŋ ma jivina.

SOOLLA 143:6

An baa kon ha ni maŋu, gola, an fokoŋŋi ko ndaŋgara ki sooyra na laara laɗu.

SOOLLA 119:136

Irin ka ɓaɗ simina ko mbona na kay suuna ka li u gaɗ maŋgaɗi.

SOOLLA 65:4

Hu li ma coomira su kamiya, aŋ bulumumi coomira ki wa.

SOOLLA 28:7

Yawe ni sa ma golonna, nammi mbari manna, hurun tini ni kam dew, nam njunun wa. An ŋgaam u hurun halaŋ, an gam deɓpa u soolla.

Boy Ma Ayra Ma LUK Ɓiirimma 6:20

Yesu gol suu haɗi mamsina hin di ana, «Furira ka kagi agi suu wi hawra, Mul Lonara ni magira.

Boy Ma Ayra Ma LUK Ɓiirimma 6:22

«Furira ka kagiya, agi suu suuna noyogi kina, ŋgulugi lay, gologi ko suu puluɗina na kay sem Goŋ Sana.