Boy Ma Ayra Ma LUK Ɓiirimma 6:12 - Boy Lonana

¹² Fali ndaɗta Yesu ɗuŋ kolo kay ɦinira a cen Lona. Nam fo lina ay kay ɦinira a cenda.

Boy Ma Ayra Ma LUK Ɓiirimma 6:12 ပူးပေါင်းရင်းမြစ်များ

SOOLLA 22:2

Loonna, Loonna, aŋ noyon ki ni kay mege? An yi kolo ana, njununu, aŋ ɦuɗ ha ki egen na day ni amege?

EZAYI 26:9

Duk njeŋgera lay an pereɗ iiri manda ha ni egeŋu, ŋgus manda hurun kurufura halaŋŋi aŋu. Hu li ma ɓak maŋŋa ka ka hu duliyara, suu kay ndaŋgarana halaŋ ka haɗaŋ ɗegee maŋga.

DANYEL 6:10

Hu li namma mulna Dariyus tin kom kay gaɗta doo suuna u ndaɗta.

MATIYE 5:1

Yesu wi ana suuna mol ŋgolo ni, nam taɓa kolo kay ɦinira, kak kaɗu. Suu haɗi mamma mbay egemu,

MATIYE 6:6

Aŋu, aŋ li min a cen Lona ni, kal hu ziiŋga, dug vun goŋga kaŋu, joɓ Buŋ Lona hu li aŋ ŋgay huna. Aŋ li na ni, Buŋ Lona wi ni nam doy hol, aŋ hin fi va komu.

MARK 1:35

Ŋgarapii i lina ndufun nde nde tu wanni, Yesu col koloo, kal ki buruwa, tuɗ hu fulla a cen Lona hu li namma.

MARK 3:13

Ŋgoo daganda Yesu ɗiŋ kay ɦinira, di ana suu hurum minisina asi mbaya, asi hin tuɗ ha egemu.

MARK 6:46

Dukusi wal ki wal ni, nam ɗiŋ kolo kay ɦinira a cen Lona.

Boy Ma Ayra Ma LUK Ɓiirimma 5:16

Yesu hin suu molina ha ki tani, tuɗ ha ki ŋgoo bagi a cen Lona.

Boy Ma Ayra Ma LUK Ɓiirimma 6:11

Suu ɦiw wi na ni hurusi mbuɗ yara eg Yesu. Asi gijaŋ ɓak duk tasi a hal mbeleŋ ma vi Yesuna.

Boy Ma Ayra Ma LUK Ɓiirimma 6:17

Yesu ɗuŋ ay ki kaŋga kay ɦinira ɗuŋŋi, tuɗ hu li suu haɗi mamsina moli huna. Suu ay hu mbassa Yudera mbay hu coco may, suu Yerusalemma u zi keŋ lumma, Tir u Sidon may.

Boy Ma Ayra Ma LUK Ɓiirimma 9:18

Hu buu maa dew Yesu cen Lona kay tam wanni, suu haɗi mamsina ɦuɗ tasi egemu. Nam joɓosi ana, «Suuna di kan ana anni gege?»

Boy Ma Ayra Ma LUK Ɓiirimma 9:28

Ŋgoo dagan boy ma nam damma va ma buu kiɗisiya ni, Yesu tay gi Piyer u Jaŋ u Jak umu. Nam tiŋ u asi kolo kay ɦinira a cen Lona.

Boy Ma Ayra Ma LUK Ɓiirimma 9:29

Nam a cen Lona wanni, irim jok ki zeɗ. Baraw mamma mbuɗ weleɗ coco lay.

Boy Ma Ayra Ma JAŊ Ɓiirimma 6:3

Yesu ɗuŋ kolo kay ɦinira, kak kaŋga u suu mam suu haɗina.

KOLOSNA 4:2

Cenegi u ɗegeera, kakagi saɓak hu cenda, cen Lona u gi deɓpa.

HEBRENA 5:7

Yesu hu iiri mamba wanni nam cen Lona mbuɗ tam ki hahawara na ɗow, sawalla kolo u simina irim kay nam ndak suɗum ki hu miɗna. Lona humum cen mamba ni kay hoŋga nam hoŋ yam kaŋga umba.

1 SAMUEL 15:11

«An hom kay dlara an mbuɗ Sol ki mulnara kay ana nam noyon ki, van boy manna ka kambi.» Samuel hahawra vamu, nam yi Yawe kolo u delem eŋga njeŋgee.