Boy Ma Ayra Ma LUK Ɓiirimma 4:18 - Boy Lonana

¹⁸ «Musuk Bu Suunara ka kanu, nam ŋgaɓan a di Boy ma Ayra maŋ suu hahawra. Nam sunun ay a di boyna, cuk suu daŋgayna kiyo, a suu dugina irisi mbuɗ wi lay. A suɗ suu asi lasasina ki lay.

Boy Ma Ayra Ma LUK Ɓiirimma 4:18 ပူးပေါင်းရင်းမြစ်များ

URA TIN AYRA 3:15

An hin tin gonokka dukugi u cara, duk ɦoŋ suu hu njaf carana u maŋsina may. Njaf cara hin tooŋ yaŋ kiyo, aŋ hin eɗem diŋ diŋilim may.»

2 DLAŊ MULINARA 34:27

kay ana boy namma ŋgeneŋ huruŋu. Aŋ hoŋ yaŋ kaŋga fok Lona may hu li ma aŋ hum dla ndaɗtana, aŋ haa barawi maŋsina ki lay, tii taŋ fokon coco lay, an may ni an humuŋ wa. Di ni Yawe, Lona.

SOOLLA 102:20

Ay kolo hu Ziim ma Teteɗna Yawe gi yam ay ga gol suu ka kay ndaŋgarana,

SOOLLA 147:3

Nammi sa ma min huu ma ki ɓeŋina, nammi sa ma njunusi mbilisina.

SOOLLA 2:2

Muli suu kay ndaŋgarana min tasi a duuna, goryoŋ muli suu ŋgolona taɓ u tasi a duu Yawe u sa ma Lona Fuurumma.

SOOLLA 2:6

Nam di ana, «An mbuɗ mul manna ki teteɗ ni anu, tinim kay ɦinira Siyon, ɦini mayra teteɗta ɦini manda.»

SOOLLA 34:18

Asi ka sawalla, Yawe huma, nam suɗusi ki hu las masira.

SOOLLA 45:7

Mulla Lona haŋgara kak na din din, aŋ ti mulla kay suuna ni u ɗegeera.

SOOLLA 51:17

Bu Suuna, malan vunun kiyo, hinin an gi ni soolla ŋgaaŋga.

EZAYI 32:3

Ii suu may suu wina ka duk oloɗi, hum suu may suu humma ka ŋgel oloɗi lay.

EZAYI 35:5

Ni ii suu dugina mbuɗ wiya hum suu ŋgelina mal ki lay.

EZAYI 42:7

Aŋ hin mal ii suu dugina kiyo, aŋ cuk suu ay hu daŋgaynana ki kiɗiki. Suu ay duk ndufundana aŋ hin cukusi ay kiyo.

EZAYI 45:13

An u ɗegee manda buɗ sa ma agi wam wanna ay ki ni anu. An hin minim voɗta ha ki fokom halaŋ. Nammi sa ma hin minin ɦoŋzi man ma Yerusalemma kolona. Nam hin cuk suu ay ki ŋgayrana ay ki ni ka u warakgi lay. Yawe ma Saɓakŋa Kom Belna di na.

EZAYI 49:9

A di suu ka hu daŋgaynana ana, «Selegi ay kiyo.» Suu ka duk ndufundana tak tasi ay ki kiɗiki. Asi mbuɗ ni ko yoori suu ka taarasi hu li ma haɗ ma jivina na, ka fi tiisina halaŋ.

EZAYI 50:4

Bu Suuna Yawe haɗan dlara an daɗta ni namu, kay a an ɗil ii suu ki loɓina, a an dam boy mamma maɗiiya, maɗiiya tew tew. Nam minin humun ki a humba ko suu haɗina humba na.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

EZAYI 59:21

Yawe hin di suu mamsina hu ana, gola ni galamba an vaɗ u agira, an hin fo Musuk manda kagiya. An kalagi gaɗ manda ki hurugi halaŋ halaŋ, kal boy manna ki funugi may. Agi hin haɗam ka maŋ goryogiya, maŋ gor ŋgologi magisina, maŋ goryoŋ gor ŋgologi magisinana lay. Di ni Yawe ha cemi ta ta hu daɓ nduŋga.

EZAYI 61:1

Musuk Bu Suuna Yawera ka kanu, Yawe ŋgaɓan a di boy ma ayra maŋ suu hahawra, ɗil ii suu hurusi ki ɓalakina, nam sunun ay a di boyna cuk suu hu daŋgaynana kiyo. Suu ay ki vii balnana tuɗ ki voo.

EZAYI 66:2

Olo ni, tle asina halaŋ kon lasi ni namu, asi halaŋŋi varanu. Yawe di na ni namu. Asi halaŋ an ka golosiya, suu may suu hahawra suu ka lasna halaŋ. Suu ka dlak ndaana ko boy mannana.

EZEKIYEL 9:4

Yawe dam ana, «Tuɗ ha duk hu ɦoŋzina hu ɦoŋzi ma Yerusalemma, ɓii lomorora ki vok suu may suu ka yoo tasi ko dla cora li dukusi wanda halaŋ halaŋ.»

DANYEL 9:24

Asi ŋga cokira na dok kiɗisiya kay suu maŋsina u ɦoŋziiŋ ma teteɗna a heɓ cora kira, a daɓ sulukŋa kira, a gi ii dla cora, a mba ɗegeera fafaɗta ayra, a gi u dlara tak taɗ ii suunara u dlara suu vovoɗta ɓakaɗta kiyo, a vo mbulna kay sa ma teteɗ ma vi suu teteɗnana.

SOFONI 3:12

Suu an hin hinisi varakŋa ni suu hoŋ yasi kaŋgana u suu hawra, asi hin hal li ma ŋgayra ni u sem Yawe.

ZAKARI 11:11

Boy namma um gi ki kolo hu buu namma. Suu li paa yoorina suu humunna wi ana gasi ni boy ma Yawe ɓakamma.

MATIYE 11:5

Suu dugina mbuɗ wiya, suu dalira mbuɗ tuɗa, suu liɓina mbuɗ ki jiviya, suu ŋgelina mbuɗ huma, suu miɗina paɗ ki kolo iiriya, Boy ma Ayra jok ki maŋ suu hawra halaŋ.

MATIYE 12:18

«Lona di ana, Gola ni sa an manam kay sun mandana. An minim cocoo, hurun furi kam may. An hin sirim Musuk manda ay kamu. Nam hin di dla kaɓak manna ki maŋ suuna halaŋ.

MATIYE 12:20

Cerew ma gunina nam ka kusum kiɗi, kura vi ew ewra nam ka caɗ kiɗi. Nam hin li na gak gak, ɗegeera mbuɗ su cora.

MATIYE 4:16

Agi njaf suu duk ndufundana, hin wi kiɗikka ŋgolla. Agi suu duk ndufunda ko suu zolina na na, kiɗikka hin fagi lay.»

MATIYE 5:3

«Furira ka kay suu wi tasi hawra hurusi fok Lonna, Mulla huulonara ni masiya.

Boy Ma Ayra Ma LUK Ɓiirimma 4:17

Asi ɦam magaara vi sa jok vun Lona Ezayi. Nam buɗ magaara kiyo, fi li asi ɓii kam huna ana,

Boy Ma Ayra Ma LUK Ɓiirimma 6:20

Yesu gol suu haɗi mamsina hin di ana, «Furira ka kagi agi suu wi hawra, Mul Lonara ni magira.

Boy Ma Ayra Ma LUK Ɓiirimma 7:22

Yesu di suu Jaŋ cukusi ayna ana, «Tuɗ njaɗagi maŋ Jaŋ kay tlesuu agi humusina u suu agi wasi u irigina lay. Suu dugina mbuɗ wiya, suu dalira mbuɗ tuɗa, suu liɓina mbuɗ ki jiviya, suu ŋgelina mbuɗ huma, suu miɗina paɗ ki kolo iiriya, Boy ma Ayra jok ki maŋ suu hawra halaŋ.

Boy Ma Ayra Ma JAŊ Ɓiirimma 1:41

Andre ŋgaf u wayamma Simon fok jew, dam ana, «Ami fi Sa Lona Fuurumma ha wa, ni ana Kristu.»

Boy Ma Ayra Ma JAŊ Ɓiirimma 12:46

Anu, an mba hu duliyara ni ko kiɗikka na, a suu may suu tin hurusi kanna lak hu ndufundaɗi.

Boy Ma Ayra Ma JAŊ Ɓiirimma 3:34

Sa Lona sunum ay na di ni boy ma vi Lonna, kayme Lona ɦam Musuk mamba cocoo.

SUNDA 10:38

Agi wi ana Lona njay saɓakŋa vi Musuk mamba kay Yesu ma Nazaretna. Agi wi Yesu poy hu mbassa daŋga daŋga, li jivira ŋgolo, suu Satanna njunusi kaŋgana nam mbuɗusi ki jiviya, kay Lona ka u namu.

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

SUNDA 4:26

Muli suu ŋgolo suu kay ndaŋgarana halaŋ col duuna, suu mulina halaŋ tok tasiya duu u Bu Suuna u Saam ma Suɗta lay.

SUNDA 4:27

Herod u Pilat taɓ vunusi u suu hu ɦoŋzi ma ŋgolna u suu daŋŋa, u suu hu njafna vi suu Israelna halaŋ duu saaŋ ma sunda Yesu ma aŋ manamma ni gasi.

KOLOSNA 1:13

Na nam buɗuygi ay ki hu saɓak ndufunda, cukuygi ki hu mulla vi gorom ma nam minimma.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.