Hu li ma an tuɗ hiniŋ ka wa Musukka vi Yawera tlaŋ ki wa, an ka wi li ma aŋ tuɗ huna oloɗi lay, an hin tuɗ di Akab ha ki ana aŋ ka tani may, nam mba faŋ kaɗi ni, nam hin can ki ni anu. Doli ɗini saaŋ ma sunda li ndaa Yawe ay ni u zoŋ tam day.
Nam tamba tin irim ŋgoo bagi hu fulla, basa kay tuɗta. Nam tuɗ kak kaŋga u ŋgus guna ki vay dam na dew. Nam joɓmi miɗna gaw di ana, «Yawe an ka ndak oloɗi, tlan iiri manda kay an ka su somoyonɗi.»
Musuk Bu Suuna Yawera ka kanu, Yawe ŋgaɓan a di boy ma ayra maŋ suu hahawra, ɗil ii suu hurusi ki ɓalakina, nam sunun ay a di boyna cuk suu hu daŋgaynana kiyo. Suu ay ki vii balnana tuɗ ki voo.
«Musuk Bu Suunara ka kanu, nam ŋgaɓan a di Boy ma Ayra maŋ suu hahawra. Nam sunun ay a di boyna, cuk suu daŋgayna kiyo, a suu dugina irisi mbuɗ wi lay. A suɗ suu asi lasasina ki lay.
Agi wi ana Lona njay saɓakŋa vi Musuk mamba kay Yesu ma Nazaretna. Agi wi Yesu poy hu mbassa daŋga daŋga, li jivira ŋgolo, suu Satanna njunusi kaŋgana nam mbuɗusi ki jiviya, kay Lona ka u namu.