Boy Ma Ayra Ma LUK Ɓiirimma 3:22 - Boy Lonana

²² Musuk Lonara sii ay kam ko gugukka na, della ɓak ay kolo huulona ana, «Aŋŋi goron ma an minim ɦayna. Aŋ irin jivi ɦay.»

Boy Ma Ayra Ma LUK Ɓiirimma 3:22 ပူးပေါင်းရင်းမြစ်များ

SOOLLA 2:7

An di gaɗta vi Yawera kiyo. Nam dan ana, «Aŋŋi goronna, karam an vuɗuŋ wa.

EZAYI 42:1

Bu Suuna di ana, Gola ni saan ma sunda ma an minimma, saan ma an manama ma an furiyumma, an gi Musuk manda kamu, nam hin tak ɓak ma vi njaf suunana ki halaŋ.

MATIYE 12:18

«Lona di ana, Gola ni sa an manam kay sun mandana. An minim cocoo, hurun furi kam may. An hin sirim Musuk manda ay kamu. Nam hin di dla kaɓak manna ki maŋ suuna halaŋ.

MATIYE 17:5

Vunum bay ndi kaŋga tu may ni, ɗugulla weleɗta kuluɓ ŋgusna kasiya. Asi hum della ɓak ay dukuɗ ana, «Ni Goron ma an minim ɦayna. An furiyum u hurun halaŋ. Agi vam vunumu.»

MATIYE 27:43

Nam ɦal hurum maŋ Lona nam di ana, Nammi Goŋ Lonna lay ni, aygi goloygiya, Lona hin mbay suɗum ki kalage.»

MATIYE 3:13

Yesu col ay hu mbassa Galilera tuɗ hu lumma yam ana Yurdanna mba eg Jaŋ ana nam mbusum batemma.

MATIYE 3:16

Yesu fi batemma fi ni, a ɗuŋ ay ki kolora wanni, huulona mal ki gaw. Nam wi Musuk Lonara si ay kam ko gugukka na.

MATIYE 3:17

Della ɓak ay kolo huulona ana, «Wanni goron ma an minimma. Nam irin jivi ɦay.»

MARK 1:11

Della ɓak ay kolo huulona ana, «Aŋŋi gooron ma an miniŋ ɦayna. Aŋ irin jivi ɦay.»

MARK 1:9

Hu buu namma Yesu ay Nazaret hu mbassa Galilera wanni, nam fi batemma fok Jaŋ duk lumma Yurdanna.

MARK 9:7

Ɗugulla kuluɓ ki kasiya. Asi hum della ɓak duk ana, «Ni gooron ma an minim ɦayna. Agi humum vunumu.»

Boy Ma Ayra Ma LUK Ɓiirimma 2:14

«Geleɗey Lo ma kolona. Nam ɦal heɓ mamba ay kay ndaŋgara maŋ suu nam minisina.»

Boy Ma Ayra Ma LUK Ɓiirimma 4:21

Nam gijaŋ ɓakasi ana, «Boy ma agi humum wanna li ni karam gaw.»

Boy Ma Ayra Ma JAŊ Ɓiirimma 1:32

Jaŋ di olo ana, «An wi Musuk Lonara ko gugukka na sii ay kolo huulona kak kamu.

Boy Ma Ayra Ma JAŊ Ɓiirimma 12:28

Bunu, ɦal geleɗta maŋ seŋu.» Della hum ay kolo huulona ɓak ana, «An ɦam geleɗta ki wa da, an hin ɦamba wili olo.»

Boy Ma Ayra Ma JAŊ Ɓiirimma 5:37

Bun ma sunun ayna ka di ay kan lay. Agi humum delem ka dewɗi lay, wam irim kaɗi lay.

SUNDA 10:38

Agi wi ana Lona njay saɓakŋa vi Musuk mamba kay Yesu ma Nazaretna. Agi wi Yesu poy hu mbassa daŋga daŋga, li jivira ŋgolo, suu Satanna njunusi kaŋgana nam mbuɗusi ki jiviya, kay Lona ka u namu.

KOLOSNA 1:13

Na nam buɗuygi ay ki hu saɓak ndufunda, cukuygi ki hu mulla vi gorom ma nam minimma.

1 PIYER 2:4

Ҥuɗugi ay tok eg Bu Suuna, ɦini ma iiri ma suu min zina noyom kina, Lona manam a ma jivi cocona.