Boy Ma Ayra Ma LUK Ɓiirimma 24:44 - Boy Lonana

⁴⁴ Nam hin dasi ɗaŋ, «Agi gola ni dla mayra an dagira ay ki fok jew an ay u agi tura, boy ma ɓiiri kan hu magaara gaɗta vi Moizza, u ma vi suu jok vun Lona u ma hu magaara Soolla, dla ndaɗta a li ki ni halaŋ.»

Boy Ma Ayra Ma LUK Ɓiirimma 24:44 ပူးပေါင်းရင်းမြစ်များ

URA TIN AYRA 14:18

Melkisedek mul ma Salemma mbay u komnjoɗira u summa may, nam ay ni mul ma li ɓivunna vi Lo ma Kolona.

URA TIN AYRA 22:18

Suu kay ndaŋgarana halaŋ hin fi paɗvunna ni u njafaŋu kay aŋ humun vununu.»

URA TIN AYRA 3:15

An hin tin gonokka dukugi u cara, duk ɦoŋ suu hu njaf carana u maŋsina may. Njaf cara hin tooŋ yaŋ kiyo, aŋ hin eɗem diŋ diŋilim may.»

URA TIN AYRA 49:10

Tokolora mulla hin li ni ko Yuda, ndaɗ hin li coli ni fokom gak gak malaɗna hin mba faɗu. Nammi sa ma suuna hin hum umma.

SOOLLA 118:22

Ҥinira suu min goŋga noyoɗ ki kaŋgara, hin mbuɗ a jiv goŋga ki ni ndaɗu.

EZAYI 28:16

Na may Bu Suuna Yawe di ana, gola an gi ɦini ma tuk suuna belna ka hu Siyon. Ni ɦini ma gi u zina kamma, ɦini ma jivi ɦayna. Sa ma tin hurum kamma ka mbuɗ zoloɗi.

EZAYI 52:13

Bu Suuna di ana, saan ma sunda suuna hin ŋgaamu, dlara nam a laɗta nam hin faɗu.

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

JEREMI 23:5

Buuna hin mbaa, Yawe di na, ma an hin ɦal goona hu njafna vi Davidna. Nam hin ti mulla u saɓakŋa. Nam hin njun kay ma ɗegeena u ma jivina hu mbassa.

JEREMI 33:14

Buuna ka mbaa, Yawe di ana nam hin li dlara nam vi vunum kaɗ a suu Israelna u suu Yudana may.

EZEKIYEL 17:22

Bu Suuna, Yawe, di ana, An hin kus yam gu ma yam ana sedrena ta dukka. An hin paɗu. Gogor koɗ ma hu fun kolona an kusumu, an hin pam ga ni u tanda, ha kolo kay yam ɦinira fiyek su ndaryaɗnara.

EZEKIYEL 34:23

An hin tin sa ma a taaran yoori mansinana ni na dew daŋ. Nam hin taarasiya, hin li ni saan ma sunda David. Nam hin taarasi ni namu. Nam hin li ni a sa ma taa yoorina.

DANYEL 2:44

Doli ɗaŋŋi hu buu ma vi muli suu asina wanni Lo ma ay kolo huulonana hin tin mul ma ka ɓeŋ kiɗina, ma mul mamba hin ka ɦaɗ ki maŋ suu daŋ oloɗina. Nam hin luɗusi kiyo, hin bulum muli suu asina ki halaŋ, nam hin hinni a fafaɗta.

DANYEL 7:13

An gol irin ha hu tlesuu an wasi hu doyra njeŋgena, gola ni ay duk ɗugulla kolo huulonara sana ka mbay ko goŋ sanana na. Nam mba tew ki eg sa ma maana, asi hin ɦuɗumma ay egemu.

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

AMOS 9:11

Hu buu namma ni an hin tli yam zira vi Davidta bowira kiyo, an hin miniɗ iriɗ ma bow kina lay. Min tlesuu ɓeŋ kina lay, an hin hoŋoɗ minda ko ndal ndaɗ ay jewra na.

ZAKARI 12:10

An hin njay ŋgus mayra saara jivira u giyamba kaŋgara kay ziŋ Davidna u suu Yerusalemma. Na ɗaŋŋi asi hin golonu sa asi cokomma. Asi hin tiirim matam ko ndal goo ma dewna na. Asi hin tii kam ko suuna tii kay goo ma vuɗ jewna na.

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

ZAKARI 14:4

Hu buu namma nam hin col sem kay ɦinira Conora mayra vok taɗ u Yerusalem u maɗiinara. Ҥinira Conora hin wak ki duk ay u maɗiina ta ta fiɗigina, mbuɗ ki ɦuɗugum ŋgolla. Keŋ ɦinira maa dew hin ɦuɗ ha ki dali may, koɗ ma hiŋŋa hin ɦuɗ ha ki mbayaw may.

ZAKARI 6:12

Aŋ hin dam ko wanda na, Yawe, ma saɓakŋa kom belna, di ana, Gola ni sa sem ana gogorguna na tlena halaŋ hin day kaŋga u semu. Nammi sa hin min ziŋ Yawera.

ZAKARI 9:9

Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.

NDUMBA 21:8

Yawe dam ana, «Aŋ yoo guy kawi ma tlawna, ɓalam ki kolo fun guna, sa ma guyna eɗem ayna hin mba gol irim kolo um wa ni, nam hin suɗ kiyo.»

NDUMBA 35:25

Suu tokina ndak a suɗ sa ma ci maɗnana ki ko sa ma sa sukulna, tuɗum ki hu ɦoŋzi ma ŋgayra nam tuɗ ŋgay tam ha ki huwa. Nam kak ha hu gak gak juɓmi buu ma mul ma asi fuurum u mbulna a li ɓivunnana miɗna tuwa.

MATIYE 1:22

Dla ndaɗta li wa na ni, faɗ ki ni vun boy ma sa jok vun Lona ma di ana,

MATIYE 16:21

Hu li namma Yesu gijaŋ njaɗ maŋ suu haɗi mamsina ana, «Lini nanagelay ni ko an tuɗ Yerusalem. Hu li namma suu ŋgolona u muli suu li ɓivunna u suu wi magaara gaɗta hin lasan cocoo. Asi hin can ki lay. Hu buu ma hindina an hin paɗ ki kolo iiriya.»

MATIYE 26:54

Li a doo kanu ni, boy ma ɓiiri hu magaarana ka liɗi. Faɗ ki wanni namu.»

MATIYE 26:56

Dla ndaɗta mba kan na ni, a faɗ ki ni vun boy ma suu jok vun Lona ɓiirim ay hu magaarana.» Suu haɗina hinim tani njay liŋŋa halaŋ gaw.

MARK 9:31

Nam haɗ suu haɗi mamsina, dasi ana, «Goŋ Sanna, sa hin di kolokŋa kamu, suuna hin vamu, cam kiyo, buuna hindi ŋgoo miɗ mamma, nam hin paɗ ki kolo iiriya.»

Boy Ma Ayra Ma LUK Ɓiirimma 21:22

Buu namma hin li ni buu ma wi hawra. Li ni boy ma ki ɓiiri fok jewna.

Boy Ma Ayra Ma LUK Ɓiirimma 22:37

An dagi anaba. Boy ma ki ɓiirina vunum faɗ ki ni u anu. Asi ndumum ki ni duk suu li dla cora, ni dla mayra ay ɓiiri kanda hin li ki ni na.»

Boy Ma Ayra Ma LUK Ɓiirimma 24:46

Nam hin dasiya, «Ki ɓiiri ana, Sa Lona Fuurumma hin wi hawra, nam hin paɗ ki kolo iiri hu bu ma hindina.

Boy Ma Ayra Ma LUK Ɓiirimma 9:22

Yesu di na olo ana, «Goŋ Sanna suuna hin lasam cocoo. Suu ŋgolona u muli suu li ɓivunna u suu wi magaara gaɗta hin noyom kiyo. Asi hin cam kiyo, nam hin paɗ ki kolo hu buu ma hindina.»

Boy Ma Ayra Ma LUK Ɓiirimma 9:44

«Cecemi an dagiya, tinigi boy namma ha kagi jiviya. Goŋ Sanna, sa hin di kolokŋa kamu, suuna hin vamu.»

Boy Ma Ayra Ma JAŊ Ɓiirimma 3:14

«Ko Moiz gaɓ guy ŋgamina ki kolo hu fulla, suuna hin gaɓ Goŋ Sanna ki kolo ni na may.

Boy Ma Ayra Ma JAŊ Ɓiirimma 5:39

Agi haɗagi ɓiira hu magaarara, kayme agi saa ana agi hin fi iirira ka daɓ kiɗira huwa. Tle asina ɓakŋi kan daŋ may.

Boy Ma Ayra Ma JAŊ Ɓiirimma 5:46

Lini gasagi, agi tin hurugi kay boy ma vi Moizna ni, agi ndak tin hurugi kay boy manna may. Nam ɓii ni kay boy manna.

SUNDA 13:33

Nam li dla ndaɗta ni maygi aygi goryosiya, u colla col Yesu ki kolo iirira, ko ɓiiri hu magaara Soolla mbara na. Aŋŋi goonna, karam wanni an mbuɗ ni buŋu.

SUNDA 13:40

Gologi tagi jiviya kay dla mayra suu jok vun Lona di kaɗta mba li egegiɗi.

SUNDA 2:27

Aŋ ka hinin iiri manda ki duk suu miɗinaɗi, ka hin saaŋ ma teteɗna a loɗ kiɗi.

SUNDA 3:18

Dla ndaɗta li ki ni u va ma Lona dam ki fok jew fun suu jokom vunumma ana, Sa Lona Fuurumma hin fi lassa.

SUNDA 7:37

Moiz di maŋ suu Israelna olo ana, Lona hin sunugi sa ma jokom vunumma ko an na aya, sa namma hin lini sa ma hu njafagina.

HEBRENA 10:1

Gaɗta vi suu Juifna ni ka va ma tak gasira ki na ɗegee gawɗi, ndaɗ ni ŋgus dlara jivira hin ha fokka. Ndaɗ ka ndak a mbuɗ suu mba eg Lonna ki ɗegeeɗi, u ɓivun ma lam tew tew, na olo, na olo hu basara basara ka daɓbi layna ni ka ndaki.

HEBRENA 3:5

Moiz hu sun mamba ni nam ay ɗegee hu zira vi Lona halaŋ, nammi sa ma vun sunda a di ki kay va ma Lona hin a dam ha fokŋa.

HEBRENA 7:1

Melkisedek mul ŋgolna hu Salem, mul ma li ɓivunna vi Lo ma Kolo Dayna lay. Hu li ma Abraham ay duuna, ni nam ti mulina aya, a mba vora wanni Melkisedek ŋgafam vokomu paɗ vunum ki kamu.

HEBRENA 9:8

Musuk Lonara tak ki ana voɗta kay Li ma Saɓaki Teteɗna bay mal ki tuwa, ni ay hu li ma mbutluɓma jewna ka tuna.

1 PIYER 1:11

Asi so tasi a wi buuna u cokira Musukka vi Kristu takasi ay ki ana nam hin fi lassa, ŋgoo lassa daŋŋi nam hin fi ŋgol mamba tuwara.

WIRA ŊGAYRA 19:10

An goɓ kaŋga fokom a cenemba nam dan ana, «Li naɗi, anni sa sunda ɦawaa, ko aŋŋa may, ko gorseŋ suu u gasira Yesu takasira hurusina na may. Cen Lona!» Gasira Yesu takaɗ kira ni va ma suu jok vun Lona dam ay jewna.