Boy Ma Ayra Ma LUK Ɓiirimma 24:27 - Boy Lonana

²⁷ Ŋgoo daganda nam hin gasi u dlara ay ɓiiri kamba ki halaŋ, gijaŋŋa ay kay boy ma vi Moizna, hin jak ha kay dlara vi suu jok vun Lona halaŋ.

Boy Ma Ayra Ma LUK Ɓiirimma 24:27 ပူးပေါင်းရင်းမြစ်များ

URA TIN AYRA 12:3

An hin paɗ vunun ki kay suu paɗ vunusi kaŋŋa, an hin gi vunna maŋ suu gaŋ vunna may. Suu kay ndaŋgarana halaŋ hin fi paɗvunna ni uŋu.»

URA TIN AYRA 22:18

Suu kay ndaŋgarana halaŋ hin fi paɗvunna ni u njafaŋu kay aŋ humun vununu.»

URA TIN AYRA 26:4

An hin zuluŋ njafaŋ ko ciciwra kolo huulonara na. An hin hal mbas ndaɗta halaŋŋi maŋ njafaŋu. Suu kay ndaŋgarana halaŋ hin fi paɗvunna ni u njafaŋu.»

URA TIN AYRA 3:15

An hin tin gonokka dukugi u cara, duk ɦoŋ suu hu njaf carana u maŋsina may. Njaf cara hin tooŋ yaŋ kiyo, aŋ hin eɗem diŋ diŋilim may.»

URA TIN AYRA 49:10

Tokolora mulla hin li ni ko Yuda, ndaɗ hin li coli ni fokom gak gak malaɗna hin mba faɗu. Nammi sa ma suuna hin hum umma.

SOOLLA 132:11

Yawe suu tam fun David, ni gasira nam ka hin boy namma kiɗi, «An hin kak kay dlam maŋga mulla ni sa ma col ay hu njafaŋŋa.

EZAYI 1:23

Muli maŋsina mbuɗ ni suu babalira, taɓ vunsi ni u suu kulna. Asi halaŋ minni tlesuu suuna ɦasisinana. Asi cuɗ ni sem li ma a fi warakŋa huna. Asi ka li kem suu kuyuna jiviɗi, ka hum tii ma vi boyogi suu dononaɗi lay.

EZAYI 50:6

An hin ŋgoron maŋ suu waɗanna, hin kiriŋin maŋ suu a paɗan njeren kina, an ŋgay tan ka ki ko ŋgulla vi suunaraɗi, an hin tan asi tofoɗon yoyona irin lay.

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

EZAYI 8:17

An juɓmi Yawe ma ŋgay tam ki ii suu vi Yakobmana. An tin saa manda ni kamu.

EZAYI 9:1

Suu may suu ay poy duk ndufundana wi kiɗikka ŋgolla, kiɗikka li ki kay suu li cuki duk ndufundana.

EZEKIYEL 34:23

An hin tin sa ma a taaran yoori mansinana ni na dew daŋ. Nam hin taarasiya, hin li ni saan ma sunda David. Nam hin taarasi ni namu. Nam hin li ni a sa ma taa yoorina.

EZEKIYEL 37:25

Asi hin lakŋi hu mbassa an ɦaɗ maŋ saan ma sunda Yakobpa. Mbassa somoyogi ay jew cuki hura. Asi hin cuk huruɗ ni asiya. Goryosiya u goryoŋ goryosina lay lak huruɗ a fafaɗta. Saan ma sunda David hinni mul masina a fafaɗta may.

DANYEL 7:13

An gol irin ha hu tlesuu an wasi hu doyra njeŋgena, gola ni ay duk ɗugulla kolo huulonara sana ka mbay ko goŋ sanana na. Nam mba tew ki eg sa ma maana, asi hin ɦuɗumma ay egemu.

MISE 5:6

Suu vi Yakob suu usi hinna hin li duk ɦoŋ suu bolow cocona, ko ndal mbaɗagira col ay eg Yawera na, ko ndal lo ma si hum usuna na, ta ka juɓ va ko saɗira na, ka saa kay va ko suu warna naɗi layra na.

MISE 7:20

Aŋ hin ɦal ɗegee maŋga maŋ Yakob, heɓ maŋga maŋ Abraham. Ni va ma aŋ vi vunuŋ ay ki u somoyomi hu buu ma ay jew dayna.

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

ZAKARI 9:9

Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.

NDUMBA 21:14

Kay ndaɗta di hu magaara duuna vi Yawe ana, «Zi ma Wahebma ni tok fun mbo lum ma Sufana u ma Arnonna.

MARK 4:34

Yesu ka ɓakasi bay tinisi ndal boyɗi. Ŋgoo daganda, nam hin gam um ki maŋ suu haɗi mamsina.

Boy Ma Ayra Ma LUK Ɓiirimma 24:25

Yesu dasi ɗaŋ ana, «Suu laɓa agina tagi nekka a tin hurugi kay dlara suu jok vun Lona dagira.

Boy Ma Ayra Ma LUK Ɓiirimma 24:44

Nam hin dasi ɗaŋ, «Agi gola ni dla mayra an dagira ay ki fok jew an ay u agi tura, boy ma ɓiiri kan hu magaara gaɗta vi Moizza, u ma vi suu jok vun Lona u ma hu magaara Soolla, dla ndaɗta a li ki ni halaŋ.»

Boy Ma Ayra Ma JAŊ Ɓiirimma 1:45

Ŋgoo daganda Filip ŋgaf u Natanael dam ana, «Sa Moiz u suu jok vun Lona di kamma ami fam wa. Ni Yesu goŋ Yosef ma Nazaretna.»

Boy Ma Ayra Ma JAŊ Ɓiirimma 12:41

Ezayi di na ni kayra nam wi ŋgolla vi Yesura, nam ɓakŋi kamu.

Boy Ma Ayra Ma JAŊ Ɓiirimma 5:37

Bun ma sunun ayna ka di ay kan lay. Agi humum delem ka dewɗi lay, wam irim kaɗi lay.

Boy Ma Ayra Ma JAŊ Ɓiirimma 5:39

Agi haɗagi ɓiira hu magaarara, kayme agi saa ana agi hin fi iirira ka daɓ kiɗira huwa. Tle asina ɓakŋi kan daŋ may.

SUNDA 10:43

Suu jok vun Lona halaŋ di ki kam ana sa ma tin hurum kamma u saɓakŋa vi semu co mamba hin bulum kiyo.»

SUNDA 3:18

Dla ndaɗta li ki ni u va ma Lona dam ki fok jew fun suu jokom vunumma ana, Sa Lona Fuurumma hin fi lassa.

SUNDA 3:22

Ko Moiz di ana Bu Suuna Loogina hin sunugi sa ma jokom vunumma ay dew ko an na. Sa namma hin li ni hu njaf magina agi hum u va ma nam damma halaŋ.

SUNDA 3:24

Suu jok vun Lona gijaŋŋa ay u Samuel day suu kay ceremma lay ɓak kay buu namma.

SUNDA 7:37

Moiz di maŋ suu Israelna olo ana, Lona hin sunugi sa ma jokom vunumma ko an na aya, sa namma hin lini sa ma hu njafagina.

SUNDA 8:35

Filip gijaŋ ɓakŋa kay boy ma ɓiiri hu magaara namma, nam dam Boy ma Ayra ma ɓii ay kay Yesuna.

GA 8ATAMBARA 1:45

Hu li ma agi hoŋ ayna agi mba tii fok Yawe, Yawe humugi tii magina kaɗi, nam tin yam ka kay tii maginaɗi.

GA 8ATAMBARA 18:15

Yawe Loogina hin sunugi sa ma jok vun Lona ko an nana ay dukugiya, ni duk gorsegina tok, sa namma agi hin humummi vunumu.

WIRA ŊGAYRA 19:10

An goɓ kaŋga fokom a cenemba nam dan ana, «Li naɗi, anni sa sunda ɦawaa, ko aŋŋa may, ko gorseŋ suu u gasira Yesu takasira hurusina na may. Cen Lona!» Gasira Yesu takaɗ kira ni va ma suu jok vun Lona dam ay jewna.