Boy Ma Ayra Ma LUK Ɓiirimma 23:2 - Boy Lonana

² Hu li namma asi gijaŋ kaam boyna kam ana, «Sana wanni ami fam aya, nammi sa ɓeŋ suuna kina, nam doo suuna ki ana asi ɦal taara maŋ Sesarɗi. Nam di olo ana nammi Sa Lona Fuurumma, Mul Ŋgolna.»

Boy Ma Ayra Ma LUK Ɓiirimma 23:2 ပူးပေါင်းရင်းမြစ်များ

1 MULINA 18:17

Hu li ma Akab wi Eli na ni, nam dam ana, «Ni aŋ ma mbaa wihawra ay kay suu Israelnana ɗaŋ su?»

SOOLLA 35:11

Suu di dlara kaboyna yow kolo wa, asi joɓon kay dlara an ka waɗɗira.

SOOLLA 62:4

Agi hin hinigi dlara tok kay sa ma dewna kini saɓage? Ko gulumun ma hal a bow kina na, ko goŋ mayra wak kira na, ɗowba ko liw mayra hawaɗ ki gara na.

JEREMI 20:10

An hum boy ma tiitara ma suuna ɓakamma. Suuna halaŋ halaŋ ki mbuɗi ndaana. «Gagina um kiyo.» «Gasi daŋ may ami gam um kiyo.» Banayan suu minin ɦayna halan cemmi ni dlaanda cora na ɗow. «Kala nam hin viɗ tam u nuh nuh mamba hin ndi kaŋga ami hin faɗ vun dla ndaɗta kiyo, sa sugulumi ki may.»

JEREMI 38:4

Suu ŋgolo suu sunda di mulna ana, «Caygi sa namma kiyo, kay ana nam ɓeŋ saa suu duu suu hu hoŋzi nammana ki lay, suu wara suu ɦawana lay u boy ma nam njaɗamma. Sa namma ka hal ni dlara jivira vi suunaraɗi, may halasi kasi ni dla cora.»

AMOS 7:10

Mul ma li ɓivunna hu Bethelna, Amassiya, sun ha ana tuɗ di Jeroboam ma mul ma Israelna, «Amos ka laŋ boy cona egeŋ kay mulla hu Israel. Suu hu mbassana ka vi tasi kay boy ma nam damma oloɗi. Kay Amos di anaba.

ZAKARI 11:8

Na ɗaŋŋi an ci suu taa yoori suu hindina ki hu til ma dewna. An viɗ siɓpa ki u asi may, asi may ni hinin ki gaw.

MATIYE 17:27

Kay a ɓeŋ huu suu asina ki ɗir ni, aŋ yow jambat maŋga koŋu, tuɗ hu lumma. Kuluf ma aŋ vam fok jewna, aŋ vamu, ŋgoom vunum kiyo. Aŋ hin fi gursu ma warak kay taa mayra ay funumu. Tli gursu namma, warakasi taa mayra ha kiyo.»

MATIYE 22:21

Asi hoŋom dira ana, «Ni Sesar.» Yesu dasi ana, «Vaŋ Sesarna ɦam maŋ Sesar, vaŋ Lonna aŋ ɦam maŋ Lona may.»

MATIYE 27:11

Yesu fok Pilat wanni, Pilat joɓom ana, «Aŋŋi mulna vi suu Juifna su?» Yesu ana, «Aŋ di ni aŋu.»

MARK 12:17

Yesu dasi ana, «Vaŋ Sesarna ɦam maŋ Sesar, vaŋ Lonna aŋ ɦam maŋ Lona may.» Asi mbuɗ lakira na jim ko boy ma Yesu hoŋosinana.

MARK 15:2

Nam joɓom ana, «Aŋŋi mulna vi suu Juifna su?» Yesu hoŋom dira ana, «Aŋ di na.»

Boy Ma Ayra Ma LUK Ɓiirimma 23:14

Nam dasi ana, «Agi mbaaran sana ay ana nam cuk suuna kay tasiya. Agi gola an joɓommi, fi va ma co ka funumbi.

Boy Ma Ayra Ma LUK Ɓiirimma 23:5

Asi gijaŋ sawalla ha kolo ni saay na ɗow ɗow ana, «Nam cuk suuna kay tasi u boy mamma, nam gijaŋŋa ay hu mbassa Galilera u mbassa Yudera gak gak tew ki karam tani u boy mamma.»

Boy Ma Ayra Ma JAŊ Ɓiirimma 18:29

Kay ndaɗta wanni, mulna Pilat kal ay ki egesiya, joɓosi ana, «Sa wanna agi vam ay ni nam ɓeŋegi mege?»

Boy Ma Ayra Ma JAŊ Ɓiirimma 18:30

Asi hoŋom dira ana, «Lini nam li va co ay kaɗi ni, ami ka mbaaram fokoŋ tanɗi.»

Boy Ma Ayra Ma JAŊ Ɓiirimma 19:12

Hu li namma gaw ni, Pilat hal mbeleŋŋa a gi Yesu kira. Suu Juifna tum soora ana, «Lini aŋ gi sa namma ki wa ni, aŋ ka banaŋ Sesarɗi. Sa ma di ana nammi mulna ni babali Sesar.»

SUNDA 24:13

Suu asina ndak ka a di ki kay dla mayra asi mba seken kaɗ koyniraɗi lay.

SUNDA 24:5

Ami wi ana sana wanni sa ŋgol ma dlam ki saɓaki co ɦayna, nam mba dlara duk suu Juifna suu hu ndaŋgara halaŋ, nam ɓeŋesi ki ni namu, nammi mulna fok suu Nazaretna.

ROMMA 13:7

Warakagi halaŋ va ma asi joɓogiya, warakagi taara maŋ sa ma joɓ taara may, warakagi va ma sana tinigina kagina maŋ sa namma may. Hoŋ yaŋ kaŋga fok sa ma min ana aŋ hoŋ yaŋ kaŋga fokomuna may. Sa ma min geleɗta agi geleɗem may.