Boy Ma Ayra Ma LUK Ɓiirimma 21:34 - Boy Lonana

³⁴ «Gologi tagi jiviya. Hinigi hurugi tin ki kay luu ma ɦawanaɗi, kay guruɗta summaɗi lay, kay tlesuu kay ndaŋgaraɗi lay. Li ka naɗi ni buu namma hin kafagi kagi ni kafiya.

Boy Ma Ayra Ma LUK Ɓiirimma 21:34 ပူးပေါင်းရင်းမြစ်များ

URA TIN AYRA 19:32

mbay gurduy buy ki u summa, buuruy u namu kay a ɗok njaf buya, ka njaf buy ndi kiɗi.»

URA TIN AYRA 19:35

Njeŋge ndaɗta asi ɦal summa maŋ busi olo. Ta goora tuɗ buu u namu, nam wi ka ana ndaɗ mbay egemu hin hoŋ kiyoraɗi.

URA TIN AYRA 27:14

Yakob tuɗ yowosi, mbaarasi ay maŋ sumu, ndaɗ hin li ti ma jivina ko bum minda na.

SOOLLA 35:8

Ko lassa mba kasi bay asi waɗu, ko bay ma asi gunumma hoŋ vasiya, asi cuk hu hahaw ndaɗta may.

VUN ŊGOLNA 21:4

Ii mayra gol golla ŋga tara u huu ma ŋga tara ɦayna, saɓak ma vi sa ma dlam cona, halaŋ ca ni sulukŋa.

VUN ŊGOLNA 23:20

Kal taŋ duk suu ci summa guruɗ tasi kinaɗi. Tuɗ u suu godlom tliw ma komba ɦaynaɗi lay.

DI BOLLA 9:12

Sana ka wi buurumbi. Ni ko kulufna vi hu bayna ko suu ciwnara na, hu li ma nam kal hu baynana. Ko laygina vi hu baynara na, goryoŋ Adamma dlara yoora kafasi ni ko ndaɗta na may. Hu li ma ndaɗ mba kasina asi ka wiɗi.

EZAYI 28:7

Muli suu li ɓivunna u suu jok vun Lona viɗ ki u sum ma cira ni na lay. Asi daw kolo ni ka wi li ma asi tuɗ hunaɗi. Sum ma cira viɗisi ki wa, asi mbuɗ ki ni mborɓi summana. Wiisira ha fokka viɗ ki irisi lay. Hu li ma asi a di dlara ni ka di jivi oloɗi daɓ sesi wa.

Magaara Vi Sa Jok Vun Lona OZE 4:11

Dla cora u guruɗ summa viɗ saara jivira kiyo.

DLAŊ LEVIRA 10:9

«Agi u goryoŋ cagi sumbi, ci sum ma yaɗi lay. Ni hu li ma agi tuɗ hu Mbutluɓ ma Tokka ni agi ka miɗɗi. Gaɗ ndaɗta ni ka gaɗta hin kiɗi, gak gak basara u basara.

MATIYE 13:22

Ii njaf ma ndi duk wayara ni, suu hum Boy ma vi Lonna hummi, hurusi ki tinni kay tlesuu hu duliyarana, begera mbaɗasi hurusiya. Tlesuu asina muruɗusi Boy ma vi Lonna ki hurusiya. Boy namma zul ka hurusiɗi.

MARK 13:9

«Agi gologi tagi jiviya. Suuna hin tuɗugi fun ɓakŋa. Asi hin poŋogi u balafna hu Zira Tokka. Asi tuɗugi fok suu ŋgolona u mulina kay senu. Fokosiya agi ni suu vovoɗ manda.

MARK 4:19

hurusi ki tini kay tlesuu kay ndaŋgarana, begera mbaɗasi irisiya, asi gijaŋ saa kay tlesuu daŋŋa olo, tlesuu asina muruɗusi Boy Lonana ki hurusiya. Boy namma zul ka hurusiɗi.

Boy Ma Ayra Ma LUK Ɓiirimma 10:41

Bu Suuna daɗ ana, «Marte, Marte, ndak loɓ tak a hal tlena ŋgol coco na ni amege?

Boy Ma Ayra Ma LUK Ɓiirimma 12:40

Minigi tagi jiviya, Goŋ Sanna hin mba ni hu faɗta agi ka saa kambira.»

Boy Ma Ayra Ma LUK Ɓiirimma 17:3

Lagi tagi jiviya. «Lini wayaŋŋa laŋ dla cora egeŋ wa ni, aŋ tuɗ egem ɓakam na lam lam, lini nam jok dlaamba lira wani, aŋ daɓam coomba kiyo.

Boy Ma Ayra Ma LUK Ɓiirimma 21:35

Buu namma hin mba ŋguf kay suu kay ndaŋgarana halaŋ ko bayna na.

Boy Ma Ayra Ma LUK Ɓiirimma 21:8

Yesu di ana, «Gologi tagi jiviya, viɗigi ii tagiɗi. Kayme suuna hin mba u sen ŋgolo. Gegelay hin di ana nammi Sa Suɗta, lina ndak wa, ni agi tuɗugi usiɗi.

Boy Ma Ayra Ma LUK Ɓiirimma 8:14

Ii njaf ma ndi duk wayara ni suu hum Boy ma vi Lonna hummi, hurusi ki tini kay tlesuu kay ndaŋgarana, begera mbaɗasi hurusiya, tlesuu asina muruɗusi boy ma vi Lonna ki hurusiya, boy namma ka zul hurusiɗi.

1 KORINTNA 5:11

An min dagi anaba taɓagi u sa di kay tam ana nammi sa ma vina, hin li dla cora, ŋgiziɗ tlena vi suuna, cen lo ɦawana, ŋgul suuna, ma guruɗ u summa, ma kulna, taɓagi u nambi, ti fu u nambi lay.

1 KORINTNA 6:10

suu kulna, suu ŋgiziɗ tlen vi suuna, suu guruɗ u summa, suu ŋgul ndarayasina, suu kaboyna, asi halaŋ ka fi Mul Lonaraɗi.

GALATENA 5:20

Li ɓivunna lo ma ɦawana, u kumuna, suuna mbuɗ gonokka duk tasiya, asi yal tasiya tasiya, li honira duk tasiya, irsi ki ɓorowi cub cub.

GA 8ATAMBARA 29:19

Sa namma ni Yawe ka bulumum coomba kiɗi. Yara vi Yawera tokŋi kay sa namma na ɗow. Givun ma ɓiiri hu maga ndaɗtana tokŋi kam halaŋ halaŋ. Yawe hin bulumum sem ki duk suu kay ndaŋgarana.

FILIPINA 4:6

Lagi ndaaɗi, hu cen magira joɓogi Lona kay tlesuu agi minisina halaŋ, joɓogina u gi deɓpa.

HEBRENA 12:15

Gologi tagi jiviya a sa mba hoŋ ki dagan, hin oora vi Lona kiɗi. Gologi tagi jiviya kay sa mba mbuɗ ko gu ma galaana li cora eg suuna ŋgolo u galaa mamba.

2 PIYER 3:10

Buu ma vi Bu Suunana hin mbani ko sa ma kulna na, hu buu namma wanni soora mbuɗ suuna ndaana ŋgolo tlesuu kolo huulonna hin yoo ki u kura, ndaŋgara u tlesuu huruɗna hin ŋgal kiyo.

2 PIYER 3:14

Kay ndaɗta banayanna a juɓ buu namma wanni soogi tagi kay lak ɗegee ii Lona kay taɓ u nam hu heɓpa.

WIRA ŊGAYRA 3:3

Humuŋ gaŋ kay va ma aŋ haɗamma, aŋ humummi jiviya. Hum u haɗ ndaɗta, mbuɗ huruŋ kay cooŋga. Lini aŋ ka dliɗ ki koloɗi, an hin mba kafaŋ ko sa ma kulna na, aŋ ka hin wi fat mayra ndaɗtaɗi.

1 SAMUEL 25:36

Abigal hoŋ ay vo vi Nabal. Gola ni nam ka li luuna, luu ma gasi ma vi mulnana. Nabal hurum ki oyra u furira. Nam guruɗ tam ki na tagalas. Ndaɗ neem yam ka kay vaɗi ta ta ŋgarpiiri.