Boy Ma Ayra Ma LUK Ɓiirimma 21:25 - Boy Lonana

²⁵ «Dlara mbuɗta hin li kay faɗta u tilna u ciciwra lay. Suu kay ndaŋgara hin yoo tasiya, hurusi hin haɗ kay soora bil mbona soo cocora.

Boy Ma Ayra Ma LUK Ɓiirimma 21:25 ပူးပေါင်းရင်းမြစ်များ

EZAYI 13:10

Ciciwra huulonara ugi dumussa, ka li kiɗik masira oloɗi. Faɗta day ay ki kolo na ni mbuɗ ki ndufunda, tilna ka li kiɗik mamba oloɗi lay.

DANYEL 12:1

Hu li namma mul ma ŋgol ma vi suu sunda vi Lona, Michel, hin col kolo yara, nam sa ma ka coli eg goryoŋ suu maŋsinana, li namma hin li ni li ma yoo tara, dla ndaɗta hin a lira ka bay li kay yam mbassa dew tuwa ta ta hu li namma. Hu li namma suu maŋsina hin suɗ kiyo, gegelay ma sem ka ɓiiri kaŋga hu magaarana.

EZAYI 24:23

Tilna hin maŋ kiyo, faɗta hin mbuɗ ki ndufunda. Na daŋ may Yawe ma Saɓakŋa Kom Belna ni mul ŋgolna. Ay kay ɦinira Siyonda hu Yerusalem hu bibiŋil mamba fok suu ŋgolona halaŋ.

WIRA ŊGAYRA 20:11

Ŋgoo dagan an wi dlamba haɓpa mulla ta ŋgolla, sa ma kaki kaɗna ndaŋgara u huulona yow liŋŋa fokomu, sa ka wasi u irim oloɗi.

SUNDA 2:19

An hin li dlara mbuɗta ha kolo huulona kaŋga kay ndaŋgara lay, Li busuna u kura, ɗugulla u ndoosna,

EZAYI 51:15

Anni Yawe, Looŋŋa, anni sa ma sulul mbo lum ŋgolna ay kolona, sen ana Yawe, ma Saɓakŋa Kom Belna.

MARK 13:26

Na ɗaŋ asi hin wi Goŋ Sanna mbay duk ɗugulla u saɓakŋa kom halaŋ, u bibiŋil mamba lay.

MARK 13:24

«Hu buu namma ŋgoo lassa dagan wanni, faɗta hin mbuɗ ki ndufunu, tilna ka wi haɓ oloɗi lay,

MATIYE 24:29

«Ŋgoo wihaw ndaɗta dagan ni, faɗta hin mbuɗ ki ndufunu, tilna ka wi haɓ oloɗi, ciciwra hin yak ki kaŋgaa, saɓakŋa vi tlesuu huulonna hin geŋeɗa.

SOOLLA 46:3

Kay ndaɗta ay ka li ndaaɗi, lini ndaŋgara geŋeɗ lay, lini ɦinira paɗ ha ki ndi ki duk mbo ŋgolna lay, ay ka li ndaaɗi.

MARK 15:33

Faali faɗta col duk wanni, lina mbuɗ ki ndufunda na gim, gak gak, faɗta leŋ ki u ndaɗta.

JEREMI 4:23

An gol ndaŋgara, ndaɗ mbuɗ ki fulla. Va ka kaɗɗi. Kiɗik mayra kolo huulonara daɓ ki lay.

EZAYI 5:30

Hu buu namma ni asi hin yal suu Israelna cocoo. Vunna hin zam ko ndal mbo lum ma ŋgolna a zamba na. Asi hin gol ndaŋgara na ni ndufunda u yoora cocoo. Kiɗikka hin mbuɗ ki ndufunda u kuɗna cocoo.

MATIYE 27:45

Faali faɗta col duk wanni, lina mbuɗ ki ndufunda na gim, gak gak, faɗta leŋ ki u ndaɗta.

MISE 7:4

Ma jivi dukusina ni ko ndal wayra na, ma jivi suna ko ndal kaa wayra na. Hu buu ma suu maŋ suu golla yaŋŋa aŋ mbay dukusiya, cecem wanda asi viɗ ki wa.

EZAYI 17:12

Hahawra, ni yoora suuna ka yoo tasira, suu asina ka ndumbi, yoora zam ko ndal mbo lum ŋgolna a zamba na, suuna halaŋ soo vunna kolo ko mbo lumma a soora na.

Boy Ma Ayra Ma LUK Ɓiirimma 21:24

Suuna hin casi ki u ɓagina hin yowosi, njayasi ha ki daŋgayna duk njaf suuna zeɗ zeɗ. Suu ɦawana kay to zi Yerusalemma ki ni toy na gak gak bay liisina ndak na baɗi.»

Boy Ma Ayra Ma LUK Ɓiirimma 21:26

Suuna hin miɗ lay ko ndaa tlesuu kay ndaŋgarana, saɓak ma huulona hin geŋeɗ lay.