Boy Ma Ayra Ma LUK Ɓiirimma 20:21 - Boy Lonana

²¹ Asi joɓom ɗaŋi ana, «Mala Haɗta, boy ma aŋ haɗamma ni ɗegee. Aŋ tin yaŋ ka kay ŋgolla vi saɗi, aŋ haɗ ni kay gasira Lona miniɗta.

Boy Ma Ayra Ma LUK Ɓiirimma 20:21 ပူးပေါင်းရင်းမြစ်များ

MATIYE 22:16

Asi cuk suu masina u suu vi Herodna ɦiw a di Yesu ana, «Mala Haɗta, ami wi ana aŋ di ni gasira, aŋ haɗ ni dlara ɗegeera a li jivira ko Lona minda na. Aŋ ka li ndaa ko boy ma vi saɗi. Lini sa ma megelay ni, aŋ dam lay.

GALATENA 1:10

Ni di ana an hal a li jivira ni ii suuna su? Ka naɗi, an hal a li jivira ni ii Lona na ni an li na a suuna golon jivira na su? Lini an hal a li jivira ni ii suuna ɦawaa ni an ka sa sunda vi Kristu oloɗi.

2 KORINTNA 2:17

Ami ka ko suu may suu li paara u Boy Lonana naɗi, ni na ɗow Lona sunumi a di gasira ki fokomu ko suu sunda vi Kristu na.

Boy Ma Ayra Ma JAŊ Ɓiirimma 3:2

Nam mbay eg Yesu njeŋge, dam ana, «Mala Haɗta, ami wi ana Lona sunuŋ ay a haɗami ni namu, sa Lona ka u nambina ka ndak a li dlara mbuɗta ko aŋ laɗta naɗi.»

MARK 12:14

Asi mbay eg Yesu dam ana, «Malaŋ Haɗta, ami wi ana aŋŋi sa gasina. Aŋ ka tin yaŋ kay saara vi saɗi lay. Aŋ takŋi voɗta vi Lona ta gasira. U gaɗ maygira ni, ɦal taara maŋ Sesar, ɗowba ɦalɗi su?»

SOOLLA 55:21

Sa namma mbuɗ um kay banayamma, nam bulum bana mamba ki wa.

SOOLLA 12:2

Yawe, njununu. Suu ɗegeena ka coco oloɗi. Duk suu warna halaŋ, suu li dlara jivira ka coco oloɗi.

JOB 34:19

Nam dew ni sa ma ka njun u mulɗi lay, ka ɗoɓ dlara vi suu ɦizina su mayra vi suu hawraɗi lay. Kay suuna halaŋ nam lasi ni namu.

2 DLAŊ MULINARA 19:7

Humugi u Yawe ŋgol cocoo, gol dlara agi laɗta jiviya kay Yawe Looygina ka min bay ɗegeera u ɓak ma sek ii suunaɗi, ka min ɓak ma lam u gursunaɗi lay.»

GALATENA 2:6

Suu masi suu ay ko suu ŋgolona nana dlaasira asi laɗta ndolon kaɗi, kay Lona ka ɓorow ii saɗi, suu ŋgolo asina an dasi ana sa joɓon kay vaɗi.

Boy Ma Ayra Ma LUK Ɓiirimma 20:20

Asi gijaŋ pereɗ Yesu, hin sun suu pereɗ boyna ha egemu. Suu asina li tasi ki ko ndal suu a geleɗemma na. Doyɗi ni halam a vammi u boyna. Asi min tasi a vammi kay sem boy ma col ay fun mul ma ŋgolnana.

Boy Ma Ayra Ma LUK Ɓiirimma 20:22

Dami aya, Gaɗ maygira hiniygi a ɦal taara maŋ Sesar ɗowba ka ɦaɗɗi su?»