Boy Ma Ayra Ma LUK Ɓiirimma 18:12 - Boy Lonana

¹² Hu buu ma kiɗisiyana ni, an li laara hu yan mba', tlesuu an fasina halaŋŋi an ɦaŋsina yasi ki bel bel.

Boy Ma Ayra Ma LUK Ɓiirimma 18:12 ပူးပေါင်းရင်းမြစ်များ

2 MULINA 10:16

Hin dam ana, «Mbay u anu, mbay golon tanda ki fet kay Yawera tu ɗaŋ.» Asi tuɗ ko tasi u Jehu hu pus pus mamma dew.

EZAYI 1:15

Hu li ma agi yow kogi kolo a cenda ni an baa irin kiyo, agi zul cenda coco lay ni an ka humbi. Kogi oyra ni u busuna.

MALASI 3:8

Sa warna ndak a ganyam Lona su? Agi ganan yanu. Agi di ana, «Ami ganaŋ yaŋŋi u mege?» Ҥalla ɦal yam tlena u tlege suu ɦasi ɦawana.

NDUMBA 18:24

Na may an ɦasi keŋ ma doogo ma suu Israelna ɦam ay maŋ Yawe kay sunda asi laɗta halaŋŋi masiya, kay ndaɗta an dasi ana asi ka fi joo ma daŋ duk suu Israelna oloɗi.»

NDUMBA 23:4

Lona mbay fok Balaam, Balaam hin dam ana, «An min givin ma togolla ka kiɗisiya, hu li namma an ŋgaɗ bolo mbutl dew may, gamla dew may, ki kasi dew dew bel.»

MATIYE 5:20

An dagi ana, Agi li ka hum vun Lona su suu wi magaara gaɗta u suu Farisennaɗi ni, agi ka kal hu Mulla huulonaraɗi.»

MATIYE 6:1

«Lagi tagi jiviya kay tlesuu agi lasi maŋ Lona fok suuna halaŋ, ana asi gologiya na. Agi li lagi ni ii suuna ɦawaa ni, ka fi va ko Bugi ma kolo huulonaɗi.

MATIYE 6:16

«Agi li laara ni, mbuɗ tagi ki hahawra ko suu ŋga tasina naɗi. Asi mbuɗ irisi ki hahawra zeɗ, a suuna wasi ana asi ka li laara. An dagi ni gasiya, suu asina fi warak masina ki kaŋga tani wa.

MATIYE 6:5

«Agi li a cen Lona ni, lagi ko suu ŋga tasina naɗi. Asi min a cen Lona coli hu Zira Tokka, keŋ voɗta lay, a suuna wasiya. An dagi ni gasiya, suu asina fi warak masina ki kaŋga tani wa.

MATIYE 9:14

Suu haɗi suu vi Jaŋ ma mbus batemma ɦuɗ tasi eg Yesu, joɓom ana, «Ami u suu Farisenna li laara may ni, suu maŋsina ka liɗi ni kaymege?»

Boy Ma Ayra Ma LUK Ɓiirimma 11:42

«Hahawra kagiya agi suu Farisenna, derekka ganak lay ni, agi gusuɗ ki wa ni, haɗ yaɗ maŋ Lona. Agi maa ɗegeera u minda min Lonara kiyo. Aŋ li li mayra hiŋga, ta hiŋga hiniɗ kiɗi may.

Boy Ma Ayra Ma LUK Ɓiirimma 17:10

Dla ndaɗta hin li u agi ni na may. Lini agi li dlara joɓogi kaɗta wani, agi di ana, Ami ni suu sunda ɦawaa. Ami lini sun mamira.»

ROMMA 3:27

Ni dlara sa hin a ŋga tam kaɗ daŋ olo su? Ka naɗi, ni kay mege? Kay nam hum u gaɗta, ni ka naɗi, ni kay mege? Kay nam tin hurumu.

1 KORINTNA 1:29

Sa warna ka ndak a ŋga tam fok Lonaɗi.

GALATENA 1:14

An su kay ndarayan suu Juifna suu wul u tamina u vira vi suu Juifna, tan feɗ coco kay a li u gaɗta vi somoyonda.

EFESNA 2:9

Ni ka u saɓak maginaɗi, kay ndaɗta sa ndak ka a ŋga tambi.

1 TIMOTE 4:8

Haɗta vi mbalatara jivi maɗta ka ŋgolɗi, vira vi tara eg Lonara ni ŋgol su na ɗow. Nam ɦaygi iirira cecemba ni lay, ta ha fokka lay.

1 SAMUEL 15:13

Samuel tuɗ eg Sol. Sol dam ana, «Ko Yawe paɗ vunum ki kaŋu. An vi ki u boy ma vi Yawena wa.»