Boy Ma Ayra Ma LUK Ɓiirimma 17:25 - Boy Lonana

²⁵ Lini nanagelay nam wi hawra ki tuwa, suu cukunina noyom ki tuwa.

Boy Ma Ayra Ma LUK Ɓiirimma 17:25 ပူးပေါင်းရင်းမြစ်များ

EZAYI 53:3

Suuna panam cocoo, sa ka caa yam kambi lay. Sa ma wihawra, haɗi u lassa, suuna wam na ni pereɗ irisi kiyo, panamu, sa ma saa kam kaɗi.

MATIYE 16:21

Hu li namma Yesu gijaŋ njaɗ maŋ suu haɗi mamsina ana, «Lini nanagelay ni ko an tuɗ Yerusalem. Hu li namma suu ŋgolona u muli suu li ɓivunna u suu wi magaara gaɗta hin lasan cocoo. Asi hin can ki lay. Hu buu ma hindina an hin paɗ ki kolo iiriya.»

MATIYE 21:42

Yesu dasi ɗaŋ ana, «Agi bay ndumugi va ma ɓiirina tu su? Ma di ana, Ҥinira suu min goŋga noyoɗ ki kaŋgara, hin mbuɗ a jiv goŋga ki ni ndaɗu. Gola ni dlara Bu Suuna laɗta, aygi goloɗ na ni, ndaɗ su ki kaygi cocoo.»

MARK 10:33

Nam dasi ana, «Humugi haa! aygi tuɗuygi ha kolo Yerusalem wanni, Goŋ Sanna asi hin ɦam ki maŋ muli suu li ɓivunna u suu wi magaara. Asi hin kaam ɓak mamma ana cam kiyo, ɦam ki maŋ suu ɦawana.

MARK 12:10

Agi hum boy ma ɓiiri hu magaarana kaɗi su? Ҥinira suu min goŋga noyoɗ ki kaŋgara, hin mbuɗ a jiv goŋga ki ni ndaɗu.

MARK 8:31

Yesu gijaŋ haɗasi ana, «Goŋ sanna hin fi lassa cocoo. Suu ŋgolona u muli suu li ɓivunna u suu wi magaara hin noyom kiyo. Asi hin cam kiyo. Hu buu ma hindina nam hin paɗ ki kolo iiriya.»

MARK 9:31

Nam haɗ suu haɗi mamsina, dasi ana, «Goŋ Sanna, sa hin di kolokŋa kamu, suuna hin vamu, cam kiyo, buuna hindi ŋgoo miɗ mamma, nam hin paɗ ki kolo iiriya.»

Boy Ma Ayra Ma LUK Ɓiirimma 18:31

Yesu yow suu haɗi suu doogo yam mbana umu. Nam dasi ana, «Humugiya aygi tuɗuygi ha Yerusalem wanni, nda faɗ ki ni vun dla mayra suu jok vun Lona daɗ kay Goŋ Sanara.

Boy Ma Ayra Ma LUK Ɓiirimma 18:33

Asi hin poŋomu, cam ki maɗna lay. Hu buu ma hindina nam hin paɗ ki kolo iiriya.»

Boy Ma Ayra Ma LUK Ɓiirimma 24:46

Nam hin dasiya, «Ki ɓiiri ana, Sa Lona Fuurumma hin wi hawra, nam hin paɗ ki kolo iiri hu bu ma hindina.

Boy Ma Ayra Ma LUK Ɓiirimma 9:22

Yesu di na olo ana, «Goŋ Sanna suuna hin lasam cocoo. Suu ŋgolona u muli suu li ɓivunna u suu wi magaara gaɗta hin noyom kiyo. Asi hin cam kiyo, nam hin paɗ ki kolo hu buu ma hindina.»

Boy Ma Ayra Ma JAŊ Ɓiirimma 1:11

Nam mbay duk suu mamsina asi vam kaɗi.

Boy Ma Ayra Ma JAŊ Ɓiirimma 12:38

A faɗ vun sa jok vun Lona Ezayi kira wanni, «Bu Suuna, sa vami boy mamina ni gege? Bu Suuna tak saɓak mamma ki maŋ gege?»

1 SAMUEL 10:19

Agi tagira karam may ni noyogi Loogina kiyo. Nam sa buɗugi ki ko dla cora fagira, hu hahaw magira halaŋŋa, agi hin dam ana, aŋ hin ɦami mulna. Cecem wanda ɗaŋŋi tuɗugi fok Yawe u deeregi lay, u njafagi lay.»

1 SAMUEL 8:7

Yawe di Samuel ana, «Aŋ hum dlara hin daŋgara halaŋ. Asi noyoŋ ka ki ni aŋgi, noyon ki ni anu. Asi ka min ana an ti mulla kasi oloɗi.