Boy Ma Ayra Ma LUK Ɓiirimma 16:24 - Boy Lonana

²⁴ Nam sawalla ha kolo ana, Bun Abraham, wan hahawan aya. Sun Lazar ay sun ni, nam kal kom ay duk yona, mba laɓan sininu. An duk kura wanni, wi hawra cocowaɗi.

Boy Ma Ayra Ma LUK Ɓiirimma 16:24 ပူးပေါင်းရင်းမြစ်များ

WIRA ŊGAYRA 22:1

Sa sunda huulona takan mbo lumma vi iirira nam weleɗ ko kristal na, nam ɓaɗ ay ki u dlamba mulla vi Lonna u Goo Timiina.

Boy Ma Ayra Ma JAŊ Ɓiirimma 4:10

Yesu hoŋoɗ dira ana, «Lini ndak wi tlesuu Lona ɦasina ni, ndak wi sa joɓok yo ma cira may ni, ndak a joɓ yona ko sa namma ni ndak ɗow. Nam hin ɦak yo ma iirina.»

Boy Ma Ayra Ma JAŊ Ɓiirimma 4:14

Sa ma ci yo ma an ɦammana, laara ka cam oloɗi, yo namma hin egemmi a iirira ka daɓ kiɗira.»

MATIYE 25:41

«Dagan ni Mulna pereɗ irim eg suu bikim ŋgulna, dasi ana, Ҥuɗugi ha ki egen day. Lona gagi vunna wa. Tuɗugi duk kura ka miɗ kiɗira, ta miniɗ maŋ Satanna u suu mamsinara.

WIRA ŊGAYRA 20:15

Sa ma sem ay ka ɓiiri hu magaara vi iiriraɗina, gam ki duk mbo lum ma kura.

Magaara JAK Ɓiiriɗta 3:6

Sinda ni ko kura na. Ndaɗ ni duliyara cora ka duk mbalataygira. Ndaɗ ɓeŋeygi tliwiygi ki halaŋ u cora. Ndaɗ tum kura huruygiya. Ku ndaɗta col ay ni hu ku mayra ka daɓ kiɗira gaw.

Boy Ma Ayra Ma LUK Ɓiirimma 16:30

Nam dam ana, Ni ka ndakgi. Bun Abraham, lini sa ma ha duk suu miɗina hoŋ fasiya ni, asi hin jok dlaasira ki zeɗ.

Boy Ma Ayra Ma LUK Ɓiirimma 3:8

Lagi dlara jivira a tak ana hurugi ki joki zeɗ. Dagi ana Abrahammi bumiya naɗi. An dagiya, Lona ndak a mbuɗ ɦinira ki a goryoŋ Abrahamma layɗi su?

Magaara JAK Ɓiiriɗta 2:13

Kay mege Lona hin kaɓakŋa wanni ka wi hahaw sa ma ka wi hahaw ndarayamma ɗina ɗi may, dla mayra wi hahaw saara ni su kay ɓakŋa day.

ZAKARI 14:12

Gola, ni dla co mayra Yawe hin poŋ suu duu u Yerusalemma u ndaɗta. Nam hin cimisi kiyo, na ɗaŋŋi gegelay hin li colira ni kay semu, zozoy irisi hin cim ki hu zuluɗu, sinisi hin cim ki funusiya.

EZAYI 66:24

Asi cuk ay ki kiɗik wa ni wi ni maɗ suu babali mansina sak sak. Njuful masina ka miɗɗi. Kura ŋgalasira ka tewɗi lay. Maɗ masina hin tuɗ ta suu warna halaŋ halaŋ.

EZAYI 27:11

Hu li gorgor ko guna so ki wa ni asi hin kusum kiyo. Boyogina hin ŋgalam kiyo. Na daŋ may suu asina ka wi dlara asi laɗtaɗi. Kay ndaɗta sa ma li dla ndaɗta ka wasi hahawasiɗi may. Sa ma lasina ka wasi hahawasiɗi.

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.

2 TESALONIKŊA 1:8

Nam hin mbay ki duk sin kura ŋgolla a kaɓakŋa kay suu ka wi Lonaɗina, ka vi Boy ma Ayra vi Bu Suuna Yesuɗina.

ROMMA 4:12

Nammi bu suu caw ɗiwisi kina lay ni ka kay suu di kay tasi ana asi caw ɗiwisi kiwana ɦawa naɗi, li u viimba nam mbuɗ a buygi Abraham bay caw ɗiwim tura na.

Boy Ma Ayra Ma JAŊ Ɓiirimma 7:37

Buu ma daɓ dagan a luuna ni ma ŋgolna. Buu namma Yesu col kolo fok suuna sawalla ana, «Sa laara camma mbay egen, ciya.

MATIYE 5:22

Anu, an dagi ana, Sa ma ɓeŋ hurum ki eg wayammana, hin bay tuɗum ki fok suu kaɓakŋaɗi. Sa ma ŋgul wayamma ana, Ka wi vaɗina, ɓak namma ka ni fok suu ŋgolo suu kaɓakŋa. Sa ma ŋgul wayamma ana, Puluɗiyana, ɓak namma ni gam duk kura.

MATIYE 3:9

Saaragi hurugi ana, Abraham ni bumiya naɗi. An dagiya, Lona ndak a mbuɗ ɦinira ki a goryoŋ Abrahamma layɗi su?

1 SAMUEL 28:16

Samuel di ana, «Lini Yawe ɦuɗ tam ki egeŋ day, mbuɗ ki egeŋ cora wa ni aŋ hin joɓonni kay mege?»

Boy Ma Ayra Ma LUK Ɓiirimma 19:9

Yesu dam ana, «Suɗta kal karam hu taraŋ ndaɗta wa. Kay sa namma ni goŋ Abrahamma lay.

JOB 20:21

Kurufuk mam ndaɗta ni va ka hin kom dewɗi. Furi mamba ka li ŋgolɗi lay.