Boy Ma Ayra Ma LUK Ɓiirimma 16:15 - Boy Lonana

¹⁵ Yesu dasi ana, «Agi suu li tagi ɗegee ii suuna, Lona wagi hurugi kiyo. Kayme va suuna golom irisi ŋgolna, ii Lona ni ko va kaɗira na.

Boy Ma Ayra Ma LUK Ɓiirimma 16:15 ပူးပေါင်းရင်းမြစ်များ

1 SAMUEL 16:7

Na may Yawe di Samuel ana, «Aŋ ŋgaam kay jivim u wulum ma fiyekŋa na gawɗi. An hoŋ dira olo ka ni kay dlara suuna waɗ u irisira ɦawaɗi. Suuna wi ni dlara ki irisi kiɗikka, may Yawe wi ni huuna.»

VUN ŊGOLNA 21:2

Voɗta vi gegelay ni gol irimmi jiviya. May Yawe ni sa ma gol huu sana kurufuna.

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

JEREMI 17:10

An, Yawe, sa wi saa suuna, wi dlara hurusira lay, kaɓakŋa kay gegelay ni u dlaamba u sunumba nam laɗta.

VUN ŊGOLNA 16:5

Suu ŋga tasina halaŋŋi ka ii Yawe jiviɗi. Hu buu ma daɓpa ni nam ka hin bay kaasi ɓakŋa kasiɗi.

SUNDA 15:8

Lona ma wi huu suuna halaŋŋa tak ki ana nam vasiya, sunusi Musuk mamba kasi ko sunuɗ ay kaygira na may.

1 PIYER 3:4

Jivi magira li ay ni hurugi kurufu na ɗow, jivi ndaɗta lini ta bay panda, u lalamba, ndaɗta ni ta ii Lona jivi cocora.

Boy Ma Ayra Ma LUK Ɓiirimma 11:39

Bu Suuna dam ana, «Gola agi suu Farisenna ni na. Agi mbus ŋgoo ŋgotta, hurugi oyra u dlara kulna may boy ma cona may.

1 DLAŊ MULINARA 29:17

An wi ana aŋ, Loonna, wi huu suuna. Aŋ minni ɗegeera. An may ni u hurun ma ɗegeena an ɦaŋ tle asina halaŋ. Cecem wanda suu maŋsuu ka tanina an ka wasi asi ɦal tlena u furira u hurusi ma dewna.

Boy Ma Ayra Ma LUK Ɓiirimma 10:29

Mul ma wi magaara gaɗta a ɗoɓ boy mamma ii Yesura ni, nam joɓom ana, «Ndaranna ni gege?»

WIRA ŊGAYRA 2:23

Li ka naɗi ni an hin caɗ goryoɗ kiyo. Ni suu vi Kristuna halaŋ hin wi ana an ni sa ma wi saara u minda hu suunara. An hin warak gegelay ni u sun mamba nam laɗta.

1 PIYER 5:5

Na may agi gorzoŋina humugi u suu ŋgolona, agi halaŋ cukugi lalamba kagiya kay a njun u tagiya tagiya. Kay ɓiira di ana, «Lona hurum ɓeŋ eg suu ŋga tasina, nam ɦal oo mamba maŋ suu hoŋ yasi gaana.»

ROMMA 3:20

Sa ma li u va ma gaɗta damma ana nam ɗegee fok Lona ni kaɗi. Gaɗta tak ki ni cora vi sana.

Boy Ma Ayra Ma JAŊ Ɓiirimma 2:25

Nam ka min ana sa haɗam kay suunaɗi, nam u tamba wi dlara huu suunara.

MATIYE 23:5

Tlesuu asi lasi halaŋŋa ni ana suuna wasiya. Ni kay ndaɗta asi ɓii magaara gaɗta ɓii ni, njunuɗ kosiya. Asi ɗee tlesuu magaara gaɗta ɓiiri huna vun barawi masisina ŋgol lay.

Boy Ma Ayra Ma LUK Ɓiirimma 18:21

Sana hoŋom dira ana, «An vi gaɗ ndaɗta ay ni u goo tan day.»

VUN ŊGOLNA 20:6

Suuna bolowo ka ŋga tasi kay ɗegee masira, may a fi gasi sa ma ki na ɗegeena ni loɓ cocoo.

Boy Ma Ayra Ma LUK Ɓiirimma 18:11

Ma Farisenna col ki kay tamu, ɓak ana, Lona an gaŋ deɓpa kay an ka ko suu hiŋŋa naɗi. Asi ni suu kulla, suu hal boyogina vi ndarayasina. An gaŋ deɓpa olo kay an ka ko sa ma vi taara wanna naɗira.

SOOLLA 7:9

Yawe kaɓakŋa kay suuna. Takan jivi manda kiyo, Yawe, u ɗegee manda kay an li va kaɗi.

2 DLAŊ MULINARA 6:30

aŋ ay kolo huulona hu li ma aŋ kaki huna day ni, bulum cora kiyo, li sana ni ko poy mamba nam poyra na may, kay ana aŋ wam hurum kiyo. Aŋ dew ni sa ma wi huu suu warna kina.

SUNDA 1:18

Sa namma gus senena u gursu mamma nam fam u coombana, nam du delem ki kaŋga mun kiyo yorodom sel ki bunsuwa.

Boy Ma Ayra Ma LUK Ɓiirimma 20:47

Asi daɓ tlesuu vi boyogi suu donona ki ni asi lay. Asi li cenda fiyekka a jiv tasi ki ii suuna. Suu asina Lona hin mba kaasi ɓak ma cona kasiya.»

Boy Ma Ayra Ma LUK Ɓiirimma 20:20

Asi gijaŋ pereɗ Yesu, hin sun suu pereɗ boyna ha egemu. Suu asina li tasi ki ko ndal suu a geleɗemma na. Doyɗi ni halam a vammi u boyna. Asi min tasi a vammi kay sem boy ma col ay fun mul ma ŋgolnana.

MATIYE 6:16

«Agi li laara ni, mbuɗ tagi ki hahawra ko suu ŋga tasina naɗi. Asi mbuɗ irisi ki hahawra zeɗ, a suuna wasi ana asi ka li laara. An dagi ni gasiya, suu asina fi warak masina ki kaŋga tani wa.

MATIYE 6:5

«Agi li a cen Lona ni, lagi ko suu ŋga tasina naɗi. Asi min a cen Lona coli hu Zira Tokka, keŋ voɗta lay, a suuna wasiya. An dagi ni gasiya, suu asina fi warak masina ki kaŋga tani wa.

MATIYE 6:2

«Aŋ li ɦal va maŋ sa hawra ni, sawal kolo a suuna hum dukgi. Suu ŋga tasina li dla ndaɗta hu Zira Tokka, hu voɗta lay, ni asiya. Asi li na ni ana suuna ŋgaasiya. An dagi ni gasiya, suu asina fi warak masina ki kaŋga tani wa.

MALASI 3:15

Cecem wanda, agi ndak li furira kay suu li dla cora, suu li dla cora zul ni zuli na ɗow ɗow, li ni asi ganyam Lona, asi hin suɗ ki lay.»

SOOLLA 49:18

Kay hu li ma nam miɗna ni, ka tli va kom dewɗi, Bibiŋil mamba ka kal ga umbi lay.

SOOLLA 49:13

Sa warna bibiŋil mamba ka ɗik faɗɗi, nammi ko tle bagi suu miɗ kina na.

Boy Ma Ayra Ma JAŊ Ɓiirimma 21:17

Nam hin joɓom a yamba hindira ana, «Simon, goŋ Jaŋŋa, aŋ minin su?» Piyer ɗus irim na dum dum kay joɓpa Yesu joɓom a yam hindira ana «Aŋ minin su?» Nam hoŋom dira ana, «Bu Suuna aŋ wi tlen halaŋ, aŋ wi kaŋ ana an miniŋu.» Yesu dam ana, «Golon timigii mansina.

SOOLLA 10:3

Sa ma cona ka ŋga tam kay godlom mamba, sa ma yow tlena vi suuna hin Yawe kiyo, ŋgulum lay.

Boy Ma Ayra Ma LUK Ɓiirimma 18:9

Yesu tin ndal boy namma na ni kay suu ɦiw wi tasi ana asi ni ɗegee fok Lona, hin pan ndarayasina lay na,

Boy Ma Ayra Ma LUK Ɓiirimma 18:14

An dagiya, sa namma hoŋ vo wanni mbuɗ ki ɗegee su ma Farisenna. Suu tli yasi kolona, hin hoŋ ki kaŋgaa. Suu ka tli yasi koloɗina, hin tuɗ ni foko.»

SUNDA 1:24

Asi halaŋ cen Lona ɗaŋ ana «Aŋ sa ma wi huu suuna halaŋŋa takami sa ma aŋ manam duk suu mba' asina,

ROMMA 8:27

Lona ma wi huu suuna wi va ma Musukka joɓomma. Musuk Lonara cen ni kay suu vi Lon suu nam manasina, ko Lona minda na.