Boy Ma Ayra Ma LUK Ɓiirimma 15:4 - Boy Lonana

⁴ «Lini sa ma dukugi u timigiina kom kis, lini taa dew viɗ ki wa ni nam ka hin suu dok dleeŋe yam dleeŋe suu wanna ka um tani, tuɗ hal ta dewra ay tuɗi su?

Boy Ma Ayra Ma LUK Ɓiirimma 15:4 ပူးပေါင်းရင်းမြစ်များ

EZEKIYEL 34:16

Yoo ma viɗ kina an hin halam aya, ma tuɗ ki dayna an hin koɗom irim ay may. Ma gayam ki kusina an hin jakamu, ma tuguɗiira an hin ɦam saɓakŋa. Na may yoori suu ɗoori cocona u suu saɓak cocona, an hin baasi kiyo. An hin taa yoori mansina ni u ɗegeera gasira.

Boy Ma Ayra Ma LUK Ɓiirimma 19:10

Goŋ Sanna mba ni a hal suu ki viɗina a suɗusi kiyo.»

1 PIYER 2:25

Agi li ay ni ko timigii suu ki viɗina na, cecemi wanda agi mba eg sa ma taa yoona jivina a gologi Musuk magira.

MATIYE 12:11

Yesu dasi ana, «Dukugi tani, sa timii mamba kom dew, ndi hu giriŋŋa hu buu ma vi Lona ni, nam ka tlaɗ ay ki koloɗi su?

EZEKIYEL 34:31

«Agi ni yoori mansina. Yoori suu ka taa hu sene mannana. Agi ni suu warna. Anni Loogina may. Di ni Bu Suuna Yawe.»

SOOLLA 119:176

An poy ni ko goo timii ma viɗ ki ŋgoo bagina na, hal saaŋ ma sunda kay an maa ka ki kay gaɗ maŋgaɗi.

EZAYI 53:6

Aygi halaŋŋi ko timigiina na, ay ki viɗiya, gegelay ni tli voɗta nam tuɗ hura. Yawe tokoygi dla cooygira ki kam halaŋ.

JEREMI 50:6

Timigii suu viɗ kina, ni suu mansina mbuɗ ki ni asiya. Suu golosi iiri masirana viɗisi ki wa. Asi tuɗusi asi talal ay kolo kay ɦinira ta ta, kay ɦinira ŋgolora u mayra goorira lay, humusi ka gasi kay liisi ma buunaɗi lay.

Boy Ma Ayra Ma LUK Ɓiirimma 13:15

Bu Suuna hoŋom dira ana, «Suu hurugi mbambana agiya, hu buu ma vi Lonna gegelay ni vi mbutl mamma ɗowba koro mamba a haɗ yona naɗi su?

EZEKIYEL 34:8

Bu Suuna Yawe di ana, an suu tan u iiri manda ana, ni kayra yoori mansina suuna ɦurumusi kira, yoori mansina mbuɗ ki ni a ti ma vi vabakgi suu ŋgoo bagina, ni kay sa ma taarasi kaɗira. Suu man suu taa yoorina ka caa yasi kay yoori mansinaɗi. Suu taa yoorina gol ni hayasi doy hol, ka min a golon yoori mansinaɗi.

ROMMA 2:1

Aŋ sa ma kaɓakŋa kay suuna, vunuŋ hin vaŋ may. Hu li ma aŋ kaɓakŋa kay suuna, aŋ li ko asi na lay, ni aŋ kaammi kay taŋga tok.

JEREMI 33:13

Hu ɦoŋzi ma kay ɦinirana, hu ɦoŋzi ma hu mbassa kaŋga ura, hu mbassa Negebpa, hu mbassa ŋguy kay Yerusalemba hu mbassa vi Benjaminda. Hu ɦoŋzi ma vi Yudana, timigiina hin hoŋ ay balamasi, hin ulul fok sa ma hin ndumusina. Yawe di na.

EZEKIYEL 34:4

Agi gol yoori suu duk maŋina kaɗi. Suu tasi tasina agi lasi kumu kaɗi. Suu dagina agi njunusi mbilisi kaɗi. Agi koɗ yam suu ki njay dew dewna ka eg tasiɗi, hal mayra viɗ kira kaɗi lay. Agi ti kay yoorina ni u saɓakŋa.

Boy Ma Ayra Ma LUK Ɓiirimma 15:3

Nam Yesu tinisi ndal boyna ana,