Boy Ma Ayra Ma LUK Ɓiirimma 15:24 - Boy Lonana

²⁴ Kayme goron ma namma ay ki gin ni miɗiya, nam dliɗ ki wa. Nam ay ki gin ni viɗiya, an fam wa.» Luu ma furira gi jaŋŋa ni na gaw.

Boy Ma Ayra Ma LUK Ɓiirimma 15:24 ပူးပေါင်းရင်းမြစ်များ

EFESNA 2:5

Hu li ma aygi ay miɗi fok Lona kay cooygira, nam hoŋ mbuɗuygi iiri hu Kristu, u oora vi Lona agi suɗ ki ni na.

EZEKIYEL 34:16

Yoo ma viɗ kina an hin halam aya, ma tuɗ ki dayna an hin koɗom irim ay may. Ma gayam ki kusina an hin jakamu, ma tuguɗiira an hin ɦam saɓakŋa. Na may yoori suu ɗoori cocona u suu saɓak cocona, an hin baasi kiyo. An hin taa yoori mansina ni u ɗegeera gasira.

KOLOSNA 2:13

Agi li ay jewni miɗi fok Lona kay coogira kay agi ay ni suu bay caw ɗiwra, suu bay vina. Cecemi Lona hoŋ mbuɗugi iiri u Kristu, ni Lona hoŋ daɓaygi cooygira ki halaŋ.

Boy Ma Ayra Ma LUK Ɓiirimma 19:10

Goŋ Sanna mba ni a hal suu ki viɗina a suɗusi kiyo.»

EFESNA 2:1

Agi ay jew miɗi fok Lona kay coogira, kay suluk magina.

Boy Ma Ayra Ma LUK Ɓiirimma 15:4

«Lini sa ma dukugi u timigiina kom kis, lini taa dew viɗ ki wa ni nam ka hin suu dok dleeŋe yam dleeŋe suu wanna ka um tani, tuɗ hal ta dewra ay tuɗi su?

Boy Ma Ayra Ma LUK Ɓiirimma 15:32

Ay ndak a luu luu ma furira kayme wayaŋŋa gin ay ki ni ko miɗira na, cecemi nam mbuɗ ki ni iiriya. Nam ay ki ni baaya, cecemi an fam wa.»

ROMMA 6:11

Agi may ni gol tagi ko miɗi eg dla cora na. Kak iiri maŋ Lona taɓi hu Yesu Kristu.

ROMMA 8:2

Na may gaɗta vi Musuk Lonara ɦal iirira taɓaygi eg Yesu Kristu buɗun ay ki hu gaɗta vi cora hu miɗna lay.

ROMMA 12:15

Lagi furira u suu ka furina, tiirigi u suu ka tiina.

EZAYI 35:10

Suu Yawe buɗusi ay kina hin hoŋ aya. Asi hin cuk hu zi ma Siyonna ni u soolla furira. Golosi irisi ni u furira ka daɓ kiɗira. Ayra u furira ŋgafasi aya. Yoora u hahawra yow liŋŋa may.

Boy Ma Ayra Ma JAŊ Ɓiirimma 11:25

Yesu daɗ ana, «An ni sa paɗ suuna ki kolo na lay, an ni iirira may. Sa ma tin hurum kanna, hin ka miɗɗi lay, hin kak iiriya.

EFESNA 5:14

Ni va ma tak ki ɗal ɗalna hin mbuɗ ki kiɗiki kay ndaɗta boyna di anaba, «Dliɗ ki koloo aŋ sa ma buu senna, col ki kolo duk suu miɗina, Kristu hin ɓo lina ki kaŋ kiɗiki.»

1 KORINTNA 12:26

Lini mbalatan ta dew wi hawra tliwin wi hawra uɗ halaŋ may, lini mbalatan taa dew fi ŋgara tliwin halaŋ li furira uɗ may.

1 TIMOTE 5:6

Cara donora li u min maɗta kay taɗta kini miɗiya, lini ndaɗ ka ni iiri lay kini miɗiya.

ROMMA 11:15

Hu li ma asi ay ki keŋŋa suu duk ndaŋgarana halaŋ duk hoŋosi taɓ u Lona, asi hin hoŋ ay wa ni hin lini nana ologe? Hin lini ana suu ay ki miɗina mbuɗ iiriya.

ROMMA 6:13

Hinigi mbalatagi a li sunda maŋ dla cora ko tlesuu sunda vi dla cora naɗi, ɦal tagi ni maŋ Lona na ɗow. Ko suu paɗ aygi kolo iiri hu miɗnana na, hinigi tagi ni a lam sun mamba ɗegeera.

Boy Ma Ayra Ma JAŊ Ɓiirimma 5:21

Buna paɗ suu miɗina ki koloo, ɦasi iirira hurusiya, na may ni, Goona ɦal iirira maŋ suu nam min a ɦasira na.

MARK 8:22

Yesu u suu mamsina tew hu Betsaida. Asi mbaa sa irim dugina ay fokomu. Asi joɓom ana nam ŋgenemu.

EZEKIYEL 34:4

Agi gol yoori suu duk maŋina kaɗi. Suu tasi tasina agi lasi kumu kaɗi. Suu dagina agi njunusi mbilisi kaɗi. Agi koɗ yam suu ki njay dew dewna ka eg tasiɗi, hal mayra viɗ kira kaɗi lay. Agi ti kay yoorina ni u saɓakŋa.

WIRA ŊGAYRA 3:1

Ɓii Magaara maŋ sa sunda huulona vi suu vi Kristuna hu Sard. Humugi boyna vi sa ma Musuk Lonana kiɗisiya komu u ciciwra kiɗisiya mayna damma haa. An wi tlesuu aŋ lasina halaŋ, an wi saara suuna di kaŋga aŋ ka iiriya, doli aŋŋi miɗiya.

Magaara JUD Ɓiiriɗta 1:12

Asi mba dukugi a ti ti ma wayara u agi ni ganagi yagi ni ganiya. Asi luu luu masina bay zolona, saa ni kay tasira doy hol, asi ni ko ɗugulla semeɗna valawaɗ ki bay si yonara na. Asi ni ko guguni suu ka vuɗɗina na, lini hu tilisi ma vuɗta lay ni asi ki ni ɦawaa, ko guguni suu paɗ ki kolo u sariyasi bel bel ki miɗina na.

Boy Ma Ayra Ma LUK Ɓiirimma 10:19

Humugiya, an ɦagi saɓak ma tuɗ kay guygina u huuɗura, ɦagi saɓak ma su kay babali magisina lay. Va ma hin lagi co kaɗi.

URA TIN AYRA 45:28

Israel di ana, «Ndak wa na ga, goonna Yosef ka iiriya, an tuɗ wam ki jew u iiri tan gaw.»

EZAYI 66:11

Agi hin caɗ mbiiriɗu, hoɓogi u tlegeyeɗ may ko gogoona furi u po sumba na. Ko agi fi ŋgol coco, furiyugiya u pooɗ ma dlam ŋgol cocona.

MATIYE 8:22

Yesu hoŋom dira ana, «Tuɗ ay unu. Hin suu pi maɗna, pi maɗ masina haa.»

Boy Ma Ayra Ma LUK Ɓiirimma 9:60

Yesu hoŋom dira ana, «Hin suu pi maɗna pi maɗ masina haa. Aŋ taŋga tuɗ di ha ki kay Mul Lonara.»

Boy Ma Ayra Ma LUK Ɓiirimma 15:23

Vagi mbutl ma aygi ɗooromma aya, ŋgaɗamu, taygi fu furira.

Boy Ma Ayra Ma LUK Ɓiirimma 15:25

«Asi luu na ni, gorom ma ŋgolna ay ki hu senena, nam a hoŋ ay vora wanni, mba ŋgoo zin na tokŋi, hum timma tii may, suuna luu may.