Boy Ma Ayra Ma LUK Ɓiirimma 15:20 - Boy Lonana

²⁰ Nam hoŋ ay a nda vi bumba gaw. «Nam ay ki eg zina day tu ni, bum wam ay na ni, nam mbuɗ irim hahaw cocoo. Bum ndi liŋŋa ha a ŋgafamba gaw, mboɗom hurumu.

Boy Ma Ayra Ma LUK Ɓiirimma 15:20 ပူးပေါင်းရင်းမြစ်များ

URA TIN AYRA 33:4

Ezaw liŋ ay ŋgafamu, mboɗom hurum gi deɓ tasi u tiina.

URA TIN AYRA 45:14

Nam mboɗ wayamma Benjamin hurum mboɗni tiira, Benjamin tii may.

URA TIN AYRA 46:29

Yosef njun pus pus mamma ful a nda ŋgaf vok bum Israel hu Gosen. Hu li ma nam wam ha na ni mboɗom hurum mboɗni, tii na gak gak.

2 SAMUEL 14:33

Joab tuɗ eg mulna vam u dlara lira kiyo. Mulna yi Absalom aya. Nam mbay egem hin goɓ kaŋga vogom duk ndaŋgara fok mulna. Na ɗaŋŋi mulna mboɗ Absalom hurumu.

SOOLLA 86:15

May aŋ, Bu Suuna, Lo ma wi hahaw suuna, huruŋ ka ɓeŋ zakgi, huruŋ oy u ɗegeera u gasira,

SOOLLA 86:5

Bu Suuna, aŋŋi sa ma jivina, ma bulum cora kina, aŋ sa ma ɗegeena ka hum suu ka yaŋŋa tew tew.

EZAYI 49:15

Cara ndak a maa goroɗ ma ci pona ki su? Huruɗ ka haɗ kay goroɗ ma huruɗnaɗi su? Lini cara maa ki kay goroɗ lay ni, an may ni humun ka maa kaŋgi.

EZAYI 57:18

An wasi dlaasira asi laɗta, na may an garaɗasi ki wa, an ɗegeersiya, ɗilisi irisiya u suu ka tii dukusina halaŋ.

JEREMI 31:20

Efrayimmi goron ma an minim ɦayna su? Ni goo ma li dlara hurun vaɗta su? Tew tew hu li ma an ɓakŋa ni, an hin yam sem olo. Hurun minim cocoo. An saa kam ɦay. An minimu, gasi an minimu. Yawe di na.

Magaara Vi Sa Jok Vun Lona OZE 11:8

An hin lakŋi nanage Efrayim, an hin ɦakŋi maŋ gege, Israel? An hin lakŋi nana ko ndal Adma nage, an hoŋok ki ni ko ndal Seboim na su? Hurun ɓeŋŋi hurunu, na may ni oora hurunda mbuɗ yoo taɗ gaw may.

Boy Ma Ayra Ma LUK Ɓiirimma 15:19

An ka min ana aŋ golon ko goroŋŋa na oloɗi. Golon ni ko suu li sunda varaŋŋa ɦawa na.»

Boy Ma Ayra Ma LUK Ɓiirimma 15:21

Goona di bum ana, Bunu, an li cora eg Lona may egeŋ may. An ndak ka a aŋ a golon a goroŋŋa oloɗi.

SUNDA 2:39

Kay me ni vi vun ma vi Lonna, ni magi agi u goryogiya, maŋ suu ha ki egem dayna lay, maŋ suu Bu Suuna Lona mayna yasi halaŋŋa.»

SUNDA 20:37

Asi halaŋ mboɗ Pol hurusi u tiina kay a tinim voɗta.

EFESNA 2:13

Cecemi hu taɓpa u Yesu Kristu agi suu li ay ki dayna mbay wa tok u miɗna vi Kristu.

EFESNA 2:17

Ni Kristu mba di Boy ma Ayra vi heɓpa ni magi agi suu ka njaf suu Juifnaɗina, agi suu li ay ki day eg Lonana, maŋ Juif suu egem tokŋa lay.