Boy Ma Ayra Ma LUK Ɓiirimma 13:4 - Boy Lonana

⁴ Suu doogo yam kalavandina suu zira Silowe bow kasi casi kina, agi saa ana ni suu co su suu Yerusalemma bel su?

Boy Ma Ayra Ma LUK Ɓiirimma 13:4 ပူးပေါင်းရင်းမြစ်များ

1 MULINA 20:30

Suu hin iirina pii tuɗ hu ɦoŋzi ma Afekŋa. Na may gulumunna bow kay suu hin iiri buɓ buɓ dok-mba' yam kiɗisiya asina. Ben-Hadad u tamba pii may. Nam tuɗ kal hu ɦoŋzina, ŋgay tam hu ziginina ni jok um hu zi hiŋga tani tani na gak gak.

NEHEMI 3:15

Sallum ma goŋ Kol-Hozena li sunda ni hu vun grek ma Goloŋga. Nammi mulna kay ii ko ma vi Mispana. Nammi sa minimma, malam yam ki lay, hin gam cogoromma funum u erje ma dukum una mayna. Gulumun ma fun hurgukka ma ɓaɗ tew ha ki hu li ma mulna vi sene ŋgusugina huna ta ta tew ha ki hu voɗta col ay hu Ҥoŋzi Davidna nara.

JOB 1:19

Babaa ma ŋgolna col ay ŋgoo bagi hu fulla na, mba geŋeɗ zira asi laki huruɗta. Ndaɗ bow kasi na halaŋ casi ki wa. An suɗ ay ki ni an na dew a mba jokoŋ boy nammara.»

EZAYI 8:6

«Suu asina ka min mbo ma hu Siloe ma ɓaɗ ɗil ɗilnaɗi, asi furi ni fok Ressin u goŋ Remaliyana.

MATIYE 18:24

Nam gijaŋ ndumba. Asi mbaaram sana ay fokomu. Bal mamma kam bup bup bolowo.

MATIYE 6:12

Bulumumi coomira, ko ami bulum cora vi suu lamira ay egemina na may.

Boy Ma Ayra Ma LUK Ɓiirimma 11:4

Daɓami coomira ko ami daɓ cora vi suu lami cora egemina na may. Hinimi hu ndembaɗi.»

Boy Ma Ayra Ma LUK Ɓiirimma 13:3

Ҥawaa, an dagi ha na, lini agi ka jok hurugi ki zeɗɗi ni, agi hin miɗ ni ko asi na may.

Boy Ma Ayra Ma LUK Ɓiirimma 13:5

Ҥawaa, an dagi ha na, lini agi ka jok hurugi ki zeɗɗi ni, agi hin miɗ ni ko asi na may.»

Boy Ma Ayra Ma JAŊ Ɓiirimma 9:11

Nam dasi ana, «Sa yam ana Yesuna yeres ndaŋgara ew ni, hooronda irinu, dan ana an tuɗ mbus irin ay ki hu goloŋ ma yam ana Silowena. An mbus irin ay ki mbusni, mbuɗ wi ni na gaw.»

Boy Ma Ayra Ma JAŊ Ɓiirimma 9:7

«Tuɗ mbus iriŋ ay ki hu goloŋ ma yam ana Silowena,» (sem namma ni ana sun aya). Sa dugina tuɗ mbus irim mbusni, hoŋ ay na ni mbuɗ wi gaw.

SUNDA 28:4

Suu hu ɦoŋzina kay daa ndaɗtana wi magira ɗuɗ ko Pol na ni, asi di tasi ana, «Sa namma ni sa ma ci maɗna, suɗ ay ki mam duk mbo lumma lay ni ɗegeera vi Lonara ka hinim a nam kak iiriɗi.»