Boy Ma Ayra Ma LUK Ɓiirimma 13:34 - Boy Lonana

³⁴ «Yerusalem agi ci suu jok vun Lonna kiyo, suu Lona sunusi ayna, agi casi ki u gogoyra lay. An min a tokoŋ suu huruŋŋa egenu ko tlekka tok goryoɗ u garaŋaɗta yan gage? Agiya agi min kaɗi lay.

Boy Ma Ayra Ma LUK Ɓiirimma 13:34 ပူးပေါင်းရင်းမြစ်များ

SUNDA 7:52

Suu jok vun Lona suu somoyogi lasasi kaɗina ni suurage? Asi ci suu di ki kay mbara vi sa ma Ɗegeena kiyo, Cecemi nam ma agi di kolokŋa kam cam kina,

EZAYI 30:15

Gola Yawe, Lo ma teteɗ ma vi suu Israelna, di ana, Suɗ magira ni homba u lakka enda. Saɓak magina ni hu li ma agi seŋ vunna tin hurugi kanna. Na may agi ka minɗi.

Boy Ma Ayra Ma LUK Ɓiirimma 23:28

Yesu pereɗ irim egesiya dasi ana, «Boyogi suu Yerusalemma tiirigi kanɗi. Tii kay tagi ɗow. Tii kay goryogi may.

Boy Ma Ayra Ma LUK Ɓiirimma 19:44

Asi hin hawaɗaŋ ki kaŋgaa, caŋ suu maŋŋa ki halaŋ lay. Ҥini ta dew hin ka a li jaki kolo kay ndaraɗɗi. Asi hin tooɗ ki kaŋga halaŋ, kayme aŋ wi buu ma Lona mba a njun uŋ huna kaɗi.»

ZAKARI 1:4

Lagi dlaŋ somoyogiraɗi, asi suu jok vun Lona ay jewna dasi ana, Yawe, ma Saɓakŋa Kom Belna, di ana, hoŋogi ay ɗaŋ, hinigi voɗ magira cora u dlagira cora kiyo, may asi hum kaɗi, tin saarasi ka kanɗi lay, Yawe di na.

Magaara Vi Sa Jok Vun Lona OZE 11:7

Suu mansina taɓ tasi u suu ɓeŋesi kina. Asi ka yasi ay koloo. Asi may ni ko wanda na halaŋ ka min a col koloɗi.

Magaara Vi Sa Jok Vun Lona OZE 11:2

Suu may suu yasina, asi ɦuɗ tasi ki egesi na day. Asi li ɓivunna ni maŋ Baal, ni maŋ fuli suu ceɗesi u kosina asi lasi ɓivun ma ŋgalam ki ŋgalina.

JEREMI 6:16

Yawe ɓak anaba, Cologi hu voɗta na jol a halagi lina. Joɓogi kay voɗta suu jewna tlaɗta, voɗta heɓpa huruɗta ni tarage, agi hin tlaɗu. Agi hin fi li ma agi kak u heɓpana. May ni asi di ana, «Ami ka tuɗ huruɗɗi.»

JEREMI 2:30

An poŋogi goryogi ni a wassa. Asi ka humun haɗ mandaɗi. Ŋgew magira cagi suu magi suu jok vun Lona ko ndal dlo ma vi mburina na.

SOOLLA 36:7

Ɗegee maŋga ni ko ɦinira vi Yawera na, ɓak ma aŋ kaamma ni ko zul ŋgolla na. Yawe aŋ suɗ suu warna u yoorina.

RUT Magaara Njaɗ Dlara vi Rut 2:12

Ko Yawe hak warakŋa kay dlara ndak laɗ wanda. Ko warak makŋa halaŋ col ay ni ko Yawe, Lona vi suu Israelna, ma ndak mba hal li ma ŋgayra egemma.»

MATIYE 22:6

Suu hiŋŋa yow suu vun sunda, lasasi cocoo, casi ki lay.

MATIYE 22:3

Nam sun suu mamsina ana asi tuɗ yi suu nam minisina ay kay funa. Asi ka min mbaɗi.

YOORA 1:16

An tii ni kay boy namma. Irin simina u dlaɗ jak kay ana sa heɓen hurunna ha ki egen day. Sa hin ɦan saɓakŋana. Gola goryon ki ciya kay sa babalira ni ma saɓak cocona.

EZAYI 50:2

An mbay tani fi sa kaɗi ni nanage? An yi lay sa ka humunɗi ni nanage? An ka ndaki a buɗugi kiraɗi su? Saɓakan ka ndaki a suɗugiɗi su? Gola u saɓak manna an so mbo lumma kiyo, li ma mbona huna an mbuɗum ki mbassa. Kay mbo kaɗira kuluf ma goloŋŋa halaŋ miɗ kiyo.

SOOLLA 91:4

Nam gi garaŋam kaŋu, aŋ ay ŋgay ga ni u garaŋamu. Ɗegee mamba ni mbari maŋŋa u ɓagi maŋŋa may.

SOOLLA 81:13

an dikisi ki u hurusi ma sooyna, asi li dlara asi min a laɗta.

SOOLLA 57:1

Soolla vi sa ma fok suu gi soollana, soolla vi David, ɓalak va kiɗi. Nam gi sool ndaɗta ni hu li ma nam pii ki ko Sol, ŋgay tam ha gi hu zul ɦinirana.

NEHEMI 9:30

«Aŋ siɓ u asi basara bolowo. Aŋ neesi ki u saa maŋga ki fun suu maŋ suu jok vun Lona lay. May asi tin humusi kaɗi. Na ɗaŋŋi aŋ ɦasi ki ko suu hu mbassa daŋgana.

JEREMI 35:14

Doora Yonadab ma goŋ Rekabma doorogi ki kay sum veŋŋa a camba hiniɗ ka maŋ goryomba asi hum uɗ ɦay. Asi ci sum veŋŋa kaɗi ta ta karami, hummi u gaɗta vi busi ŋgolora. Na may an ɓakagi ta ta lay ni agi humun kaɗi.

JEREMI 26:23

Asi vi Uriya ay hu Egipte mbaaram ay ki maŋ mulna Joakim. Nam cam ki cini, hin gam maɗam ki hu zulla dukusi dewra.

SOOLLA 149:2

Ko suu Israelna furi kay sa ma lasina, ko goryoŋ Siyonna li luu ma vi mul masinana.

NEHEMI 9:26

«Na may asi mbuɗ ki honira, li yara u aŋu. Asi noyoŋ gaɗ maŋga ki ŋgoorosi dagan na day, asi ci suu jokoŋ vunuŋ kina, suu neesi ana asi hoŋ egeŋuna kiyo. Asi li suluk ma ŋgolona egeŋ cocoo.

GA 8ATAMBARA 32:29

Lini asi ni suu wi dlaa ni asi ii a hum gini, asi hin saa gin kay iiri masira ha fokka may.

GA 8ATAMBARA 5:29

Lini asi min gasi a lan ndaaranu, a li u gaɗ manda hu buuna tew tew may ni, kay jivi masira kay goryosi lay ha na gak gak.

WIRA ŊGAYRA 11:8

Maɗasi hin li cuki kaŋga hu voɗta hu ɦoŋzi ma ŋgolna ni hu li ma Bu Suuna masina li ɓali kolo hu gu garakŋa huna. Ҥoŋzi ma ŋgol namma ni ko Sodomma u Egipte na.

SUNDA 8:1

Sol vi kam a ci Etiyen kiyo. Hu buu namma ni lassa ŋgola ndi kay suu vi Kristuna hu Yerusalem. Suu vina halaŋŋi njay kiyo, hinni suu vovoɗta doy hol, asi njay ki ni hu ndaŋgara Yudera u Samari.

SUNDA 7:59

Asi gikim u gogoyra na ni Etiyen cen Lona ana, «Bu Suuna Yesu van ŋgus manda ha koŋu.»

Boy Ma Ayra Ma LUK Ɓiirimma 15:28

Nam ma ŋgolna ɓeŋ hurum ki gaw, ka a kal vo oloɗi. Nam bum kal ay ki mba tayam ana nam kal ay voo.

JOEL 2:23

Agi suu hu Siyonna lagi furira u Yawe Loogina. Nam ɦagi mbo lo ma ndolna a suɗugi kira. Nam si yo ma ndolna hu lina kagi ko ay fok jew dayra na.

YOORA 4:13

Ni kay dla cora vi suu maɗ suu jok vun Lona, ni kay dla cora vi muli maɗ suu li ɓivunna suu vo busu suu ɗegeena ki kaŋga huruɗna.

SOOLLA 17:8

Ŋgomon jiviya ko aŋ ka ŋgom wawal iriŋga na, ŋgayan ga u garaŋaŋu.

JEREMI 35:17

Na ɗaŋŋi Yawe ma Saɓakŋa, Lona vi suu Israel, ɓak anaba, An hin mba dla cora ay kay suu Yudana u suu hu Yerusalemma u bolowoɗ halaŋ ta an vi kan a lasira egesira. Kay ana an ɓakasi cocoo asi humun kaɗi, an yasi coco lay asi hoŋ dira kaɗi lay.»