Boy Ma Ayra Ma LUK Ɓiirimma 13:29 - Boy Lonana

²⁹ Suuna hin mbay u maɗiina may, u fiɗigina may, mbayaw may, dali may, asi hin kak a ti funa hu Mul Lonara.

Boy Ma Ayra Ma LUK Ɓiirimma 13:29 ပူးပေါင်းရင်းမြစ်များ

URA TIN AYRA 28:14

Njafaŋ hin zulni ko gugum ndaŋgara na, aŋ hin col ha u maɗiina, u fiɗigina, col ha mbayaw day gak gak daliya, suu kay ndaŋgarana halaŋ hin fi paɗvunna ni uŋ u njafaŋu.

EZAYI 43:6

An di mbayawra ana, «Ҥansina aya,» di dalira ana, «Vasi haɗi.» Goryon suu ay ki hu mbassa dayra hoŋonsina aya, u goryon suu tamagina suu ay hu vun ndaŋgara dodora bel bel.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

MALASI 1:11

Kay ana col ay maɗii day ta ta tew u fiɗigina ni anni ma ŋgolna duk suuna. Hu lina halaŋ li ɓivun ma ŋgal tlena ni u senu, u tlesuu jivi suu ɦasi ayna, kay ana anni ma ŋgolna duk suuna, Yawe, ma Saɓakŋa Kom Belna, di na.

MATIYE 8:11

An dagiya, suuna ŋgolo hin mbay u lo maɗiina, u fiɗigina, lak hu Mulla huulonara ko tasi u Abraham, u Isaak u Yakob.

MARK 13:27

Nam hin sun suu sunda huulona ay foko, a tok suu Lona manasina ki kay tasiya, kay yam mbassa halaŋ ay vun ndaŋgara dodora u maɗiina, u fiɗigina, mbayaw lay, dali lay.»

Boy Ma Ayra Ma LUK Ɓiirimma 13:30

Gologiya, suu cecemi daganna hin mbuɗ ki foko. Suu fokŋa hin mbuɗ ki dagan may.»

SUNDA 28:28

Pol dasi hu ɗaŋ ana, «Boy ma suɗta vi Lona sunum ay ni maŋ suu ka njaf suu Juifnaɗina, asi hin hum umu.» [

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.

KOLOSNA 1:6

Boy ma Ayra njay kiyo, mbaa paɗvunna ki hu duliyara halaŋ, ko nam li ay dukugi jew day hu buu ma agi hum kay oora vi Lona, wagi gasi ndaɗta lay.