Boy Ma Ayra Ma LUK Ɓiirimma 12:33 - Boy Lonana

³³ Gusugi tlegeyegi kiyo, ɓorowogi begera agi faɗ u asira ki maŋ suu hawra. Minigi begera kolo huulonara. Hu li namma bege ndaɗta ka ba kiɗi, sa kul ka kuluɗɗi lay, toɓo ka taɗɗi lay.

Boy Ma Ayra Ma LUK Ɓiirimma 12:33 ပူးပေါင်းရင်းမြစ်များ

MATIYE 19:21

Yesu dam ana, «Aŋ li a li ki jivi teteɗ ni, tuɗ gus tlege suu koŋŋa ay ki halaŋ. Begera aŋ faɗta ɓorowoɗ ha ki maŋ suu hawra. Aŋ hin fi ɦizza ŋgolla ha kolo huulona. Aŋ li wa na ni, hin tuɗ ay unu.»

Boy Ma Ayra Ma LUK Ɓiirimma 18:22

Yesu hum na ɗaŋi dam ana, «Va ma dew maa ki uŋu. Tuɗ gus tlegeyeŋ ki halaŋ. Bege ndaɗta aŋ ɓorowoɗ ki maŋ suu wi hawra. Aŋ hin fi ɦizza ŋgolla ha kolo huulona. Ŋgoo daganda aŋ hin mbay unu.»

SUNDA 2:45

Asi gus sene masina ki u tlegeyesi halaŋ tok yam gursura dew, ɓorowosi ki duk tasiya, gege gegelay ni u min mamba.

Boy Ma Ayra Ma LUK Ɓiirimma 16:9

Yesu gi boy mamma fun daŋŋi ana, «An dagiya, vagi banara kogi u tlesuu agi fasi kay ndaŋgarana. Falira kogi kaɗaki wa ni, asi hin vagi ni hu zi ma ka daɓ kiɗina.

Boy Ma Ayra Ma LUK Ɓiirimma 12:21

Yesu gi boy mamma fun ɗaŋi ana, «Sa ma tok tlena kay tamma fok Lona ni nam ka bege koɗi.»

Magaara Vi Sa Jok Vun Lona AGE 1:6

Agi zaa tlena kaŋga ŋgol coco may hin feɗ ni ew ɦawaa, agi ti tlena may hayagi ka hoɓbi, agi ci lay, ka furiɗi. Agi cukugi barawna egegi lay, tagi ka gi kuɗi lay, begera vi sa tli mboomma tuɗ ni hu mbumbura uɗ ki cooyra.

2 KORINTNA 8:2

Suu vina wihawra fasi ŋgol lay ni furi masira ay ŋgol suwa, asi haw ŋgol lay ni ɦizza, minda hurusira kaa.

Boy Ma Ayra Ma JAŊ Ɓiirimma 12:6

Nam di boy namma na ni, ka ana hurum haɗ kay suu hawra naɗi, kayme nammi sa kulna, gursu masira li ŋgayra kolo ni komu.

Boy Ma Ayra Ma LUK Ɓiirimma 11:41

Mariyaɗ ni agi ɦal tlegeyegi ki maŋ suu hawra, wanni asi hin mbuɗ jivi magiya.

VUN ŊGOLNA 13:7

Sa ma min suuna golom ko sa ma ɦizina nana va ka kom na dewɗi. Sa ma min suuna golom ko sa ma hawra nana ni sa ma tlena ka kom cocona.