Boy Ma Ayra Ma LUK Ɓiirimma 12:32 - Boy Lonana

³² «Lagi ndaaɗi, yoori suu ewna. Bugi hurum min a ɦagi mulla ni nam daŋ may.

Boy Ma Ayra Ma LUK Ɓiirimma 12:32 ပူးပေါင်းရင်းမြစ်များ

EZAYI 40:11

Ko ndal sa ma taa yoorina na, nam ka taa yoori mamsina, nam tokosi yasi ay halaŋ u bik komu. Nam yow gor timigii suu gorina kom koloo, tuɗ cukusi hu li ma asi a ci pona.

EZAYI 41:14

Yawe di ana, li ndaaɗi njaf Yakob, agi suu suuna tayagi ki ga ko njufulna nana, an min njunugiya. Sa ma suɗugi ay kina ni ma Teteɗ ma vi suu Israelna.

EZAYI 53:6

Aygi halaŋŋi ko timigiina na, ay ki viɗiya, gegelay ni tli voɗta nam tuɗ hura. Yawe tokoygi dla cooygira ki kam halaŋ.

JEREMI 3:19

An ɓak tan ana, an a mbuɗuk ki duk goryon zeɗta ni, an ɦak mbas mayra dlara tak taɗ ki ii suuna ɦayra, ni li ma su ki kay njaf suuna u jivira belna. An hin di ana, agi hin yan ki ana bugiya, agi hin ka noyon ki oloɗi.

MATIYE 14:27

Yesu ɓakasi zak gaw ana, «Cukugi musukugi kaŋgaa. Ni anu. Lagi ndaaɗi.»

MATIYE 20:16

Yesu faɗ vun boyna ki daŋŋi ana, «Suu ay daganna hin mbuɗ foko. Suu ay fokŋa hin mbuɗ dagan may.»

MATIYE 25:34

Hu li namma mulna mba di suu kay bikim ma njufna ana, Mbaagi ay tani, agi suu Bun minigina, paɗ vunum ay ki kagina. Kalagi hu Mulla Bun minigira ay fok jew duliyara bay tin tuwa.

MATIYE 7:15

«Lagi tagi jivi ko suu kaboyna ana asi ni suu jok vun Lonna. Asi mba egegi ni, mbuɗ tasi ko timigiina na, doy hurusi kurufu ni, ko bosokona na.

Boy Ma Ayra Ma LUK Ɓiirimma 10:21

Hu li namma na gaw ni Musuk Lonara oy hu Yesu u furira, nam di ana, «Bunu, mul ma kolo huulona, kaŋga kay ndaŋgara layna, an gaŋ deɓpa kay aŋ ŋgay tlegeyeŋ ki ii suu wira u suu neeyna, hin takasi ki ii suu kaɗakina. Na may Bunu, aŋ min ni na.

Boy Ma Ayra Ma JAŊ Ɓiirimma 18:36

Yesu hoŋ dira ana, «Mul manda ka kaŋga hu duliyara tanɗi. Lini mul manda ni kaŋga tani ni, suu manna hin li duuna doo kan a suu Juifna vanɗira mayɗi su? Ҥawaa, mul manda ka hu duliyara tanɗi.»

SUNDA 20:28

Gologi tagi jiviya, gol timigii suu Musuk Lonara ɦagisina kogi ana agi golosina jiviya. Gologi suu vi Kristuna vi Lona jiviya, suu nam vuɗusi u miɗna vi Goromma.

SUNDA 20:29

An wi ana hin ka ŋgoron dagan wanni an tuɗ ki wa suu ko bosoko ma saɓakŋa nana hin mba cuk dukugiya, asi hin ka hin suu vinaɗi.

ROMMA 6:23

Warak ma cora ɦamma ni miɗna, ɦala ɦawara vi Lona ni iirira bay daɓpa, taɓi u Bu Suuna mayna Yesu Kristu.

1 KORINTNA 1:21

Suu hu duliyara na ndak ka a wi Lona u neesira ana ni Lona gasiraɗi, kay ndaɗta Lona min suɗ suu tin hurusi kamma ki u boy ma puluɗi ma aygi damma.

FILIPINA 2:13

Lona li u agi na gak gak kay a mbuɗugi ki saɓakŋa u min mamba kay a mba li ko va ma nam ŋgaamma na.

2 TESALONIKŊA 1:11

Ni kay ndaɗta ami cen Lona kagi tew tew a Looyna mba mbuɗugi ndaki kay iirira nam yagi kaɗta. Ami cen Lona kay nam li u saɓak mamma kay dlara nam ŋgaaɗta halaŋ, u jivi mamba u sun magira agi laɗ u vira.

2 TESALONIKŊA 1:5

Ni tak ki ɗegeera kay kaɓakŋa vi Lona, a agi li suu ndaki kay mulla vi Londa ta agi ka wihawra kaɗta.

HEBRENA 12:28

Ni kay ndaɗta aygi fi mul mayra uɗ ka jok kiɗira, gaygi deɓ Lona u sunda sunum jivira lam ndaaramu, hum um may.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

2 PIYER 1:11

Ni agi hin a fi voɗta a cuk hu mul mayra ka daɓ kiɗira vi Bu Suuna, Sa Suɗta Yesu Kristu.

WIRA ŊGAYRA 1:6

Nam laygi a mulla vi muli suu li ɓivunna kay sun Lona, Bumu. Ŋgolla u saɓakŋa maŋ Yesu Kristu a fafatɗa, Amin.

WIRA ŊGAYRA 22:5

Njeŋgera hin ka li oloɗi, sa ka li va u kiɗikka vi lamba oloɗi lay, ta vi fatɗaraɗi lay, kay Lona njayasi kiɗik mamba ki kasi halaŋ. Asi hin kak hu mulla a fafatɗa.