Boy Ma Ayra Ma LUK Ɓiirimma 12:19 - Boy Lonana

¹⁹ An hin di tan ana, An li tlena ŋgolo asi ndakan a li basara cocoo, koɗ tanu. An hin ti may, ci may, furi ɗaŋ.

Boy Ma Ayra Ma LUK Ɓiirimma 12:19 ပူးပေါင်းရင်းမြစ်များ

JOB 14:1

Sa warna vuɗummi cara ɦawaa, iiri mamba kay ndaŋgara ni geɗeŋe, u lassa coco lay.

SOOLLA 49:18

Kay hu li ma nam miɗna ni, ka tli va kom dewɗi, Bibiŋil mamba ka kal ga umbi lay.

SOOLLA 62:10

Na daŋ may suu warna ni semeɗna ɦawaa, asi suu ŋgolona takŋi kaboyna. Lini sa a ŋgaasi nekesiya ni, asi ki ni fet ko semeɗna na.

VUN ŊGOLNA 10:2

Begera faɗ u li iira ka mbuɗuŋ vaɗi, may va ma fam u zamalaŋŋa mbuɗuŋ a kak iiri din din.

VUN ŊGOLNA 14:24

Suu wi dlara warak masina ni begera asi faɗta. Suu laɓana ka ndak a hin giniŋ masira kiɗi lay.

VUN ŊGOLNA 18:11

Begera vi sa ma ɦizina ni a ɦoŋziim ma saɓak cocona, u saa mamba nam goloɗ ni a gulumun ma ka to ki ko saɗina.

VUN ŊGOLNA 23:5

Aŋ tin saaraŋ wa kay begera ni ndaɗ u garaŋga uɗu, pii ko ndal bakŋa na tin iriɗ kolo huulona.

VUN ŊGOLNA 27:1

Ŋga taŋ kay dlara hin li ha vindaɗi. Kay dlara li hu buu ma karamma lay ni aŋ ka waɗɗi.

DI BOLLA 11:9

Aŋ goozoŋŋa furi kay zoŋ maŋga. Huruŋ furi coco hu li ma aŋ bay mbuɗ maa tuna. Aŋ li ni dlara huruŋ miniɗ ta iriŋ jivira. Na may aŋ mba wi ki ana tle asina halaŋŋi Lona hin kaaŋ ɓakŋa kaŋu.

DI BOLLA 2:24

Va ma daŋ ma jivi kay sana hu duliyara ni kaɗi. Ni kay a ti may, ci may, wi jiv sun mamba nam laɗta. An wi ana, halaŋ ca ni col ay ni hu duk ko Lona dew.

EZAYI 22:13

Agi may ni hin lini furira, agi ŋgaɗ yorina koma, ci summa, komogi tliwna tagiya cagi lay. Agi hin di ana, «Taygiya caygiya, kay vinni aygi hin miɗ kiyo».

EZAYI 5:11

Hahawra ka kay suu maɗii day day ɗik faɗta u guruɗ summa u suu heɓ lina u ci summana may.

EZAYI 5:8

Hahawra ka kay suu zul zina ha zuli na ɗow ɗow, ŋga senena ha fok na ɗow ɗow ta ta tli lina ki halaŋ halaŋ. Hin tasi a lak kay mbassa ni asi doy holna.

EZAYI 56:12

Gegelay di ana, mbaya an hin tuɗ ci suma, caygiya furuyuygiya, vinda hin li ni ko karamba na olo, li su ɗow.

Magaara Vi Sa Jok Vun Lona OZE 12:8

Kanaan vi va ma tli nekka ma ganyamba koɗu, ndaɗ minni kulla.

AMOS 6:13

Agi furuyugi kay Lodabar ni ɦawaa, agi ana ni u saɓakami ami li duu ma Karnaim saɓak ma mbana ni naɗi su?

HABAKUK 1:16

Na ɗaŋŋi nam li ɓivunna maŋ bay mamma, ŋgaɗ mbitla maŋ zew mamma, kay ana asi ɦam ti ma ŋgolna ni asiya.

Boy Ma Ayra Ma LUK Ɓiirimma 12:18

Nam ana, Va an a lamma ni, an to vee manna ki to ni, min ma ŋgolna. Ma namma an hin tok tlegeyen hurum halaŋ gaw.

Boy Ma Ayra Ma LUK Ɓiirimma 16:19

«Sana dew ni genewra kom cocoo. Nam cuk tammi baraw ma jivi ma gus loɓma. Nam kaki u furira tew tew, ti ti ma jivina lay.

Boy Ma Ayra Ma LUK Ɓiirimma 21:34

«Gologi tagi jiviya. Hinigi hurugi tin ki kay luu ma ɦawanaɗi, kay guruɗta summaɗi lay, kay tlesuu kay ndaŋgaraɗi lay. Li ka naɗi ni buu namma hin kafagi kagi ni kafiya.

1 KORINTNA 15:32

Lini kay dlara vi sa warna ɦawaa, an duu tan u vabaki suu cona hu Efes ni kay an a fi me huge? Lini suu miɗina ka paɗ ki kolo iiriɗi. Ko vun ŋgolna di ana, «Taygiya caygiya, vini aygi hin miɗ kiyo.»

FILIPINA 3:19

Daɓ masira ni ɓalakka, loosina ni ɦayasi gaw, asi ŋga tasi ni kay dlara zolona, saa masira ni kay tlena vi duliyara.

1 TIMOTE 5:6

Cara donora li u min maɗta kay taɗta kini miɗiya, lini ndaɗ ka ni iiri lay kini miɗiya.

1 TIMOTE 6:17

Gaɗ suu ka ɦizi hu duliyara tanina asi ŋga tasiɗi, dasi ana asi tin saa masira kay ɦizza bay gasira ndaɗtaɗi, tiniɗ ni kay Lona ma ɦaygi tlena ndakaygi ki halaŋ a aygi mba lak u furira.

2 TIMOTE 3:4

Asi hin a suu di kolokŋa, ka hum vun saɗi, ŋga tasiya, asi min a li dlara u min masira su Lona.

Magaara JAK Ɓiiriɗta 5:5

Hu ndaŋgara tani agi kaki hu li ma jivina u furira. Agi vagi tagi mbulna ni kay juɓ buu ma ŋgaɗta.

1 PIYER 4:3

Agi ay jew basara ŋgolo lagini ko suu bay vina lira na, lagi dla cora, ŋgiziɗ tlena vi suuna, guruɗ u summa, luu dam dam, luu ma ci summa, li ɓivun ma njenjena maŋ fulina.

WIRA ŊGAYRA 18:7

Ҥaɗ lassa u wihawra ko ndaɗ ɦal bibiŋilla u ŋgolla maŋ taɗu. Ndaɗ ana an kaki ni ko ca mulla na, an ka cara donoɗi, yara an ka faɗɗi lay.

1 SAMUEL 30:16

Nam tuɗ tin David ɗaŋ. Suu Amalekŋa njay kosi ki hu mbassa, ti may, ci may, li furira ŋgolla u tlesuu asi yowosi ay hu jo suu Filistinna, hu mbassa vi Yudara.