Boy Ma Ayra Ma LUK Ɓiirimma 12:17 - Boy Lonana

¹⁷ Nam saa hurumu, ɓak tam ana, An lini ana mege? Li ma an a cuk tlegeyen huna kaɗi.

Boy Ma Ayra Ma LUK Ɓiirimma 12:17 ပူးပေါင်းရင်းမြစ်များ

MATIYE 5:42

Sa joɓoŋ va koŋ wani, aŋ ɦamu. Li co maŋ sa mba ka balna koŋŋaɗi.»

EZAYI 58:7

Ni ana ɓorow fu ma aŋ tamma u sa ma mayra camma. Olo ni suu wi hawra zi ka kasiɗina minisi zina kasiya. Lini aŋ wi sa maa ki siili wa ni, ɦam barawna tamu. Aŋ ka njun huruŋ ki eg wayaŋŋaɗi.

1 JAŊ 3:16

Gola aygi wi ana minda ni ana mege? Ni ana Yesu Kristu ɦal iiri mamba ki kaygiya aygi may ni ɦal maygira ki kay gorseygina may.

ROMMA 12:13

Njun u gorsegi suu ka hu loɓma, vi suu mba varagina jiviya.

SUNDA 16:30

Nam cukusi ay ki buru ca ni joɓosi ana, «Gorna, an lini nana a fi suɗta ge?»

Boy Ma Ayra Ma LUK Ɓiirimma 19:17

Mulna di ma namma ana, Ni jiviya, aŋŋi sa ma li sunda jivina. Aŋ li ɗegeera ka u tlesuu ewna, an kakaŋ a mulna kay zina doogo.

Boy Ma Ayra Ma LUK Ɓiirimma 18:22

Yesu hum na ɗaŋi dam ana, «Va ma dew maa ki uŋu. Tuɗ gus tlegeyeŋ ki halaŋ. Bege ndaɗta aŋ ɓorowoɗ ki maŋ suu wi hawra. Aŋ hin fi ɦizza ŋgolla ha kolo huulona. Ŋgoo daganda aŋ hin mbay unu.»

Boy Ma Ayra Ma LUK Ɓiirimma 16:9

Yesu gi boy mamma fun daŋŋi ana, «An dagiya, vagi banara kogi u tlesuu agi fasi kay ndaŋgarana. Falira kogi kaɗaki wa ni, asi hin vagi ni hu zi ma ka daɓ kiɗina.

1 TIMOTE 6:17

Gaɗ suu ka ɦizi hu duliyara tanina asi ŋga tasiɗi, dasi ana asi tin saa masira kay ɦizza bay gasira ndaɗtaɗi, tiniɗ ni kay Lona ma ɦaygi tlena ndakaygi ki halaŋ a aygi mba lak u furira.

SUNDA 2:37

Hu li ma asi hum boy namma na ni hurusi haɗ cocoo. Asi joɓ suu vovoɗta suu hiŋŋa ana, «Gorsemina ami lini nanage?»

Boy Ma Ayra Ma LUK Ɓiirimma 16:3

Sa sunda joɓ tam hurum ana, Saan ma ŋgolna hin dikin ki hu sunda wa ni, an hin li ni ana mege? Saɓakan ma horokŋa kaɗi may ni, an hin cen tlena ni, zolona hin canɗi su?

Boy Ma Ayra Ma LUK Ɓiirimma 12:33

Gusugi tlegeyegi kiyo, ɓorowogi begera agi faɗ u asira ki maŋ suu hawra. Minigi begera kolo huulonara. Hu li namma bege ndaɗta ka ba kiɗi, sa kul ka kuluɗɗi lay, toɓo ka taɗɗi lay.

Boy Ma Ayra Ma LUK Ɓiirimma 12:29

Viɗ ii tagi a hal tlesuu agi tasina u suu agi casina na gak gakgi.

Boy Ma Ayra Ma LUK Ɓiirimma 12:22

Yesu di suu haɗi mamsina ana, «Agi gola an dagiya, Vun dikigi ɓigigi kay tlesuu agi tasinaɗi, kay baraw ma agi cukum taginaɗi lay.

Boy Ma Ayra Ma LUK Ɓiirimma 11:41

Mariyaɗ ni agi ɦal tlegeyegi ki maŋ suu hawra, wanni asi hin mbuɗ jivi magiya.

Boy Ma Ayra Ma LUK Ɓiirimma 10:25

Mul ma wi magaara gaɗta mba ganyam Yesu joɓom ana, «Mala Haɗta, an hin li ni nana a fi iirira ka daɓ kiɗira ge?»

Boy Ma Ayra Ma LUK Ɓiirimma 3:11

Nam hoŋosi dira ana, «Sa baraw mamma kom mbana ɦal ki maŋ sa ka kombina dew. Sa va tira kom ŋgolna ɦal maŋ sa ka kombina may.»

DI BOLLA 11:2

Ɓorow bege maŋga duk u suu kiɗisiya kala, kalavandi kala, kay aŋ ka wi dla cora hin a mbay fokkaɗi.

MATIYE 16:7

Suu haɗina hosok tasi ana, «Nam ɓak na ni kay mappa ka koygiɗira.»

Boy Ma Ayra Ma LUK Ɓiirimma 12:16

Yesu tin ndal boyna ana, «Sa ɦizina dew sene mamma jivim wana cocoo.

Boy Ma Ayra Ma LUK Ɓiirimma 12:18

Nam ana, Va an a lamma ni, an to vee manna ki to ni, min ma ŋgolna. Ma namma an hin tok tlegeyen hurum halaŋ gaw.