Boy Ma Ayra Ma LUK Ɓiirimma 12:15 - Boy Lonana

¹⁵ Nam hin di suuna halaŋ ana, «Gologi tagi jivi kay godlom begera. Lini sana bege coco lay ka kak iirira ni kay ndaɗtaɗi.»

Boy Ma Ayra Ma LUK Ɓiirimma 12:15 ပူးပေါင်းရင်းမြစ်များ

HEBRENA 13:5

Hin saara vi begera a su kagiɗi, furiyugi u va ma ka kogina, kay Lona di ana «An ka hiniŋ kiɗi, ka noyoŋ kiɗi lay.»

VUN ŊGOLNA 15:16

Mariyaɗ ni hin taŋ hawra hum u Yawe, ni jivi su mayra aŋ ɦiz taŋ ki u begera ɦaramba.

VUN ŊGOLNA 16:16

Haɗta haɗ yalna jivi su lorra, Vi wira u nera jivi su gursuna ki na day.

2 TIMOTE 3:2

Suuna hin mbuɗ ki ni kurufuku, li banara ni u gursura, tli yam tasi koloo, ŋga tasiya, asi, hin duu u Lona, ka hum u somoyosiɗi, asi ka gi deɓ kay tlenaɗi, ka li zolo kay tlesuu teteɗnaɗi lay.

Boy Ma Ayra Ma LUK Ɓiirimma 16:14

Suu Farisenna hum boy namma ki halaŋ ɗaŋi, gijaŋ pan Yesu kay asi min gursura.

KOLOSNA 3:5

Cagi dla mayra cora egegi hu duliyara wanda ki halaŋ, boy zoŋga, dlara ka teteɗɗira, bay ɗegeera, saara cora, huu ma ŋgiziɗ tlena, (ŋgiziɗta ŋgiziɗ tlena ni ko goɓ fulinara na).

Boy Ma Ayra Ma LUK Ɓiirimma 8:14

Ii njaf ma ndi duk wayara ni suu hum Boy ma vi Lonna hummi, hurusi ki tini kay tlesuu kay ndaŋgarana, begera mbaɗasi hurusiya, tlesuu asina muruɗusi boy ma vi Lonna ki hurusiya, boy namma ka zul hurusiɗi.

SOOLLA 62:10

Na daŋ may suu warna ni semeɗna ɦawaa, asi suu ŋgolona takŋi kaboyna. Lini sa a ŋgaasi nekesiya ni, asi ki ni fet ko semeɗna na.

SOOLLA 37:16

Va ma ka ko sa ma ɗegeena ewna, su begera ko sana moli faɗ u ɦarambara.

2 PIYER 2:3

Saa masira ni kay a fi gursura, suu haɗ haɗta co asina hin taɗagi usi u dlara ka gasiɗira. Sa ma kaɓakŋa kasina kaki day day ka buu senɗi, ɓeŋ masira ka juɓ ta taɗi lay.

MARK 7:22

li zoŋga lay, hurum haɗ kay tlesuu vi suunana lay, a ganyam suuna lay, a li dlara dadassa, a li gonokka lay, a li ŋgeŋŋa kay suuna lay, a ɓii tara, bay u dlara lay.

HABAKUK 2:9

Cora ka kamu. Nam yow li ma cona kom a ziimu, a min ziim ha ki kolo na day a puruɗ tam ki ko dla cora.

SOOLLA 10:3

Sa ma cona ka ŋga tam kay godlom mamba, sa ma yow tlena vi suuna hin Yawe kiyo, ŋgulum lay.

JOB 2:4

Sa ma gaŋawna hoŋ dira maŋ Yawe ana, «Bakka u bakka kay tlesuu sana fasina halaŋ nam baasi ni kay a suɗ tliw tamba.

JOSUWE 7:21

An wi baraw robba ŋgolla jivi cocora ay hu Babilonni, doonora kis kis mba' may, tokolo lorra dew may. An irin filiw yowosi aya. An pasi ka ga hu mbutluɓma, doonora ŋgay ki kaŋga u may.»

1 KORINTNA 6:10

suu kulna, suu ŋgiziɗ tlen vi suuna, suu guruɗ u summa, suu ŋgul ndarayasina, suu kaboyna, asi halaŋ ka fi Mul Lonaraɗi.

Boy Ma Ayra Ma LUK Ɓiirimma 21:34

«Gologi tagi jiviya. Hinigi hurugi tin ki kay luu ma ɦawanaɗi, kay guruɗta summaɗi lay, kay tlesuu kay ndaŋgaraɗi lay. Li ka naɗi ni buu namma hin kafagi kagi ni kafiya.

MISE 2:2

Asi ŋgisiɗ senena, hin kulumu, ziginina, hin tlasi may. Asi vi malaŋ zina u ziimu, sana u bege mamba.

JEREMI 6:13

Asi halaŋ, kemba u suu ŋgolona gegelay hal ni li ma nam fi huna. Asi halaŋ, suu jok vun Lona u muli suu li ɓivunna tuɗ masira ki coo.

VUN ŊGOLNA 28:16

Mul ma ka neeyɗina las suuna cocoo. Sa ma ka min a vi warak ma kul ko saɗina ni buu mamma kay ndaŋgarana hin ɦuɗ foko.

2 PIYER 2:14

Irisi hal ni dlara zoŋga, cora ka ndakasi liraɗi, asi ganyam suu maŋina, hurusi oyra u kurufuk begera, givun ma vi Lonna ka kasiya.

EZEKIYEL 33:31

Suuna hin tok ay cocoo. Asi hin mba mol fokoŋu. Asi lak fokoŋ a hum dlara aŋ hin dasirara. Na may asi ka ndak a li uɗɗi. Boy maŋŋa kal humusi jivi cocoo, may hurusi ki tinira ni kay ɦizza.

Boy Ma Ayra Ma LUK Ɓiirimma 12:16

Yesu tin ndal boyna ana, «Sa ɦizina dew sene mamma jivim wana cocoo.

1 MULINA 2:40

Simey gan kor mamba ful tuɗ hu Gat vi Akis a hal suu mam suu sunda. Sime tuɗ ni sem dew ɦawaa a hal suu mam suu sunda ay hu Gatta hol.