An mal vunna ki maŋu, galanna, gola ni nam tuɗ wa, nam ka coli oloɗi. An kal ay ki tuɗ a cuɗum semba, an halammi ka fambi. An yam kolo cocoo, nam ka humbi lay.
An njaɗ dlara halaŋŋi ka ki ŋgayɗi, njaɗaɗ ka ki hu li ma ndufunɗi lay. An di njaf suu vi Yakobma ka ana asi halan ha ki ni hu li ma ɦawana naɗi, Anni Yawe, an di ni dlara gasira. An di ki ni dlara ɗegeera.
Gor suu mba' asina, sa hum vun bumma ni gege?» Asi hoŋom dira ana, «Ma jewna.» Yesu dasi ana, «An dagi ni gasira, suu vi taara u gawlaŋina hin cuk hu Mulla vi Lonara jewegiya.
Agi ŋgaɓan ka agiɗi, an ŋgaɓagi ni an ɗow. An cukugi ha ni ana agi tuɗ vuɗ vuɗta jivira ta ka daɓ kiɗira. Na ni, Bun hin ɦagi va ma agi hin joɓom u senna halaŋ.
Yesu hoŋoɗ dira ana, «Lini ndak wi tlesuu Lona ɦasina ni, ndak wi sa joɓok yo ma cira may ni, ndak a joɓ yona ko sa namma ni ndak ɗow. Nam hin ɦak yo ma iirina.»
Lona di hu magaa mamba ana, «An humuŋ vunuŋ hu li ma jivi manda tak kina. An njunuŋ hu buu ma suɗta.» Cecemi lina ndak wa kay fi jivira vi Lonara, karamba ni buu ma sana ndak suɗ kina.
Egegi agi suu hiŋŋa suu vi Kristuna hu Tiyatir ni agi njun tagi ka u haɗta co ndaɗtaɗi, agi ka hum va ma suu asina yam ana dlara ŋgayra ŋgolla vi Satannaraɗi. An min dagi ana an ka tinigi va ma nek ma daŋ kagiɗi.