Boy Ma Ayra Ma LUK Ɓiirimma 11:34 - Boy Lonana

³⁴ Iriŋŋi pindilla kay tliw taŋu. Iriŋ li wi jiviya ni, tliw taŋ ki ni kiɗik may. Iriŋ li wi co ni, tliw taŋŋi duk ndufunda.

Boy Ma Ayra Ma LUK Ɓiirimma 11:34 ပူးပေါင်းရင်းမြစ်များ

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

SOOLLA 119:18

Malan irin kiyo, an mbuɗ wiya, a wi dlaaŋga mbuɗ mbuɗta.

KOLOSNA 3:22

Agi mborɓiina humugi u maliyagina kaŋga kay ndaŋgara tani lagi jivira ni kosi ni fokosi hu li ma asi gologina ɦawaɗi, humugi usi u huu ma jivina ni kay humba agi hum vun Bu Suunara.

2 KORINTNA 11:3

An li ndaana kay yal magina ɓeŋ kiɗi, a agi noyogi taɓ magira gasira teteɗta u Kristu kiɗi ni ko Eve na, hin taɗ guyna ganaɗ yaɗ u kaboyna.

2 KORINTNA 4:4

Asi ka ndak a viɗi kay lo ma co ma hu ndaŋgara tanina kuluɓusi yal masina ki wa. Lo namma doorosi kay a wi kiɗikka vi Boy ma Ayra ma tak ki kay bibiŋilla vi Kristura, ma tli tam u Lonna.

JEREMI 5:21

Humugi boyna haa, suu saarasi u to'onosi kaɗina. Irisi ka kasi may asi ka wiɗi, humusi ka lay asi ka humbi.

EFESNA 1:17

An joɓ Lona vi Bu Suuna Yesu Kristu, mala ŋgolla, a nam ɦagi Musukka hin a takagi dlara ŋgayra vi Lona a agi hin wi Lona ki jivi suwa.

MARK 4:12

Kay, Wira asi wiya, ka wi ki ɗal ɗalɗi. A humba asi humma, ka wam um kiɗi. Lini asi wam umu ni, asi ndak hoŋ irisi eg Lona, nam hin hinisi coosira kiyo.»

2 KORINTNA 1:12

Gola ni va ma ami ŋga tami kamma, wiimira fokomira takami ana ami poyomi hu ndaŋgara tani dukugi ni u gasira u ɗegeera vi Lona u oora vi Lona ka u nera vi saɗi.

MARK 8:18

Irigi kagi a wira, agi ka wiɗi su? Humugi a humba, agi ka humbi lay su? Humugi ka gagiɗi su?

EZAYI 44:18

Suu asina yasi ka li sunɗi. Asi ka wiɗi lay. Humusi ka humbi lay. Hurusi ki sooy eŋ cocoo, ka hum dlaɗi, asi ka ɓorow ii dla kiɗi lay.

SUNDA 13:11

Cecemi aŋ hum haa Bu Suuna caŋ karam aŋ hin dug kiyo, iriŋ ka wi kiɗik faɗtaɗi njok tuwa.» Kak na njokŋi ii Elimas kuluɓ ndufunda na bim, nam mbuɗ gol tani ko njeŋgera na. Nam pereɗ irim tani may tani may a hal suu taɗam komma.

EZAYI 29:10

Kay Yawe gagi ŋgus mayra senna kagiya, ndaɗ dugugi irigi ki wa, ni suu jok vun Lonna. Ndaɗ baaragi yagi ki wa, suu wi dlara hu fokka.

EZAYI 6:10

Mbuɗ saa suu asina ki giniŋga, ŋgelesi humusi kiyo, dugusi irisi ki ka wiɗi may. A asi hum u humusiɗi, ka hurusi a saa dlaɗi lay, asi ka ndak a hom ki a garaɗ tasi kiɗi lay.»

SOOLLA 81:12

Na may suu mansina humun delen kaɗi, suu Israelna ka mininɗi,

EFESNA 6:5

Agi mborɓiina humugi u maliyagina kaŋga kay ndaŋgara tani, lasi ndaarasiya u huu ma jivina, ni ko agi sunni Kristu na.

SUNDA 2:46

Hu buuna tew tew ni asi tok tasi hu Ziŋ Lonara, ti funa vo hu zira dewra halaŋ ko tasiya, hurusi eg tasi jiviya.

MARK 7:22

li zoŋga lay, hurum haɗ kay tlesuu vi suunana lay, a ganyam suuna lay, a li dlara dadassa, a li gonokka lay, a li ŋgeŋŋa kay suuna lay, a ɓii tara, bay u dlara lay.

EZAYI 42:19

Sa ma ay dugina ni gege, ni ka saan ma sundaɗi su? Na daŋ may sa ma ŋgeli ko saan ma vun sunda na kaɗi, sa ma dugi ko saan ma vun sunda na kaɗi, sa ma ŋgeli ko sa sunda vi Yawe na kaɗi.

VUN ŊGOLNA 28:22

Sa ma liŋ ki dagan begera babana gol ni u iira cora. Nam ka wi ana may ŋgolla ndi kammi ndaɗuraɗi.

URA TIN AYRA 19:11

Asi dug i suu moli fun zinana ki halaŋ kemba u suu ŋgolona lay asi hal vun zina ni ka fambi.

VUN ŊGOLNA 21:4

Ii mayra gol golla ŋga tara u huu ma ŋga tara ɦayna, saɓak ma vi sa ma dlam cona, halaŋ ca ni sulukŋa.

EZAYI 5:20

Hahawra, asi yi jivira ki a cora, yi cora ki a jivira may. Asi mbuɗ ndufunda ki a kiɗikka, mbuɗ kiɗikka ki a ndufunda may. Asi mbuɗ va ma galaana ki a ma heɓma, mbuɗ ma heɓma ki a ma galaana may.

Boy Ma Ayra Ma LUK Ɓiirimma 11:35

Li kiɗik ma egeŋŋa aŋ golom um jiviya ka a nam li ndufunɗi.