Boy Ma Ayra Ma LUK Ɓiirimma 11:13 - Boy Lonana

¹³ Agi suu cona wi a ɦal tlesuu jivina maŋ goryogiya. Bugi ma kolo huulona ɦal Musuk mamba maŋ suu joɓomma ni nam ɗow.»

Boy Ma Ayra Ma LUK Ɓiirimma 11:13 ပူးပေါင်းရင်းမြစ်များ

URA TIN AYRA 8:21

His ɓivun namma cuk kay Yawe na ni, nam di ana, «An ka gi vun ndaŋgara ki kay cora vi suunara oloɗi. Sana ay hu gorom day ni hurumi saara cora. An ka min a ba tlesuu irina ki ko an li wanda na oloɗi.

SOOLLA 51:5

Kay an wi coonda wa, an ka waɗ fokon hu buuna tew tew.

VUN ŊGOLNA 1:23

Mbaagi ay humungi gaɗ manda. Gola an min kalagi saa manda ha hurugiya, an min takagi boy manna.

EZAYI 49:15

Cara ndak a maa goroɗ ma ci pona ki su? Huruɗ ka haɗ kay goroɗ ma huruɗnaɗi su? Lini cara maa ki kay goroɗ lay ni, an may ni humun ka maa kaŋgi.

EZEKIYEL 36:27

An hin kalagi hurugi ni Musuk manda taɗta. An hin mbuɗugi agi poy u gaɗ manda, li u neenda an neegira may.

MATIYE 5:16

Agi a li kiɗikŋa fok suuna ni na may. Suuna wagi jivi magira na ni, asi geleɗ Bugi ma kolo huulona may.»

MATIYE 5:45

Agi li li na ni, agi hin mbuɗ ki goryoŋ Lo kolona. Nam ti fat mamba kay suu cona lay, kay suu jivina lay. Nam si yoom ay kay suu cona ko suu jivina na lay.

MATIYE 6:14

«Agi bulumugi cora vi gorseginara kiyo ni, Bugi ma kolo huulonna hin bulumugi magira ki na may.

MATIYE 6:30

Tlesuu kura hin ŋgalasi kina, Lona lasi ɓoosi jivi coco lay. Agi suu hurugi ka tini kay Lona ŋgolɗina, nam lagi ni jivi su ɓo tle asinaɗi su?

MATIYE 6:32

Suu ka goɓ Lonɗina, hal dla ndaɗta ni asiya. Bugi ma kolo huulonna wi tlesuu agi minisina halaŋŋi namu.

MATIYE 7:11

Agi suu cona wi a ɦal tlesuu jivina maŋ goryogiya, Bugi ma kolo huulona ɦal tlesuu jivina maŋ suu joɓomma ni nam ɗowɗi su?

Boy Ma Ayra Ma LUK Ɓiirimma 11:12

Lini sa ma gorom joɓom kay sena wa ni, nam hin ɦam huuɗura su?

Boy Ma Ayra Ma LUK Ɓiirimma 11:2

Yesu dasi ana, «Agi li cenna ni, dagi ana, Bumiya, ko seŋ tii ŋgol suu tlen halaŋ, ko mul maŋga mbaa.

Boy Ma Ayra Ma LUK Ɓiirimma 18:7

Lona may ni ka njun u suu mam suu tii tasi egem tew tewna naɗi su? Nam vi yam a njunusira su?

Boy Ma Ayra Ma JAŊ Ɓiirimma 4:10

Yesu hoŋoɗ dira ana, «Lini ndak wi tlesuu Lona ɦasina ni, ndak wi sa joɓok yo ma cira may ni, ndak a joɓ yona ko sa namma ni ndak ɗow. Nam hin ɦak yo ma iirina.»

SUNDA 2:38

Piyer hoŋosi dira ana, «Jokogi hurugi ki zeɗ, gege gegelay dukugi ni mba mbus ki batemma u sem Yesu Kristu. Kay coogira hin bulum kiyo, agi mba fi ɦala vi Lonara ni Musuk Lonara.

ROMMA 5:17

Lini miɗna kak mulla kay suuna u cora vi sa ma dewna, u sa ma dewna Yesu Kristu aygi hin fini ŋgolla su halaŋga, suu fi oora vi Lona cocona u ɦala ɗegeera hin kak iiriya, ti mulla u Kristu lay.

ROMMA 7:18

An wi anaba jivira ka hurunɗi, ni hu maŋi manda sa warna, lini ana saa mayra a li jivira ka hurunu ni, doli an ndak ka a li dla ndaɗtaɗi.

ROMMA 8:32

Nam doo ka kay a ɦal goromma kiraɗi, nam ɦam ki ni kaygi halaŋ, nam hin hin bay ɦaygi tlesuu daŋŋa halaŋ u goromma ni nanage?

TITTA 3:3

Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may.