Boy Ma Ayra Ma LUK Ɓiirimma 1:77 - Boy Lonana

⁷⁷ A tak maŋ suu mamma ana nam suɗusi ki u bulumba bulumusi coosira kira.

Boy Ma Ayra Ma LUK Ɓiirimma 1:77 ပူးပေါင်းရင်းမြစ်များ

JEREMI 31:34

Asi hin ka haɗ tasi u banayasina oloɗi, duk tasira wayaraɗi lay, ka hoŋoɗ ndumba ana, «Halagi yal ma wi Yawena», kay ana asi hin wan ki halaŋ halaŋ, kem gorira u suu ŋgolona. Yawe di na. An bulumusi dla coosira kiyo, suluk masina, an hin ka ɓak kasi oloɗi.

Boy Ma Ayra Ma LUK Ɓiirimma 3:3

Nam poy ki kay mbassa fun lumma Yurdanna halaŋ. Nam di suuna ana jokogi hurugi ki zeɗ, mbusugi batemma, Lona hin daɓagi coogira kiyo.

Boy Ma Ayra Ma LUK Ɓiirimma 3:6

Ni suuna halaŋ hin wi suɗta vi Lonara ni na tuwa.»

Boy Ma Ayra Ma JAŊ Ɓiirimma 1:29

Faɗta vinda wanni, Jaŋ wi Yesu mbay egemu, nam di ana, «Gola ni Goo Timiina vi Lona ma daɓ cora vi suuna kina.

Boy Ma Ayra Ma JAŊ Ɓiirimma 1:34

Jaŋ di ana, «An wi dla ndaɗta, nammi Goŋ Lonna.»

SUNDA 10:43

Suu jok vun Lona halaŋ di ki kam ana sa ma tin hurum kamma u saɓakŋa vi semu co mamba hin bulum kiyo.»

SUNDA 19:4

Pol dasi ana, «Jaŋ mbus batemma ni maŋ suu jok hurusi ki zeɗna, nam di suu Israelna ana tin hurusi kay sa ma ka mbay ŋgorom daganna, ni di ana Yesu.»

SUNDA 2:38

Piyer hoŋosi dira ana, «Jokogi hurugi ki zeɗ, gege gegelay dukugi ni mba mbus ki batemma u sem Yesu Kristu. Kay coogira hin bulum kiyo, agi mba fi ɦala vi Lonara ni Musuk Lonara.

SUNDA 3:19

Jokogi iiri magira ki zeɗ, mbuɗugi irigi eg Lona a nam hin bulumugi coogira kiyo.

SUNDA 5:31

Lona tlam kakam kay bikim ma njufna tinim a mulna, a Sa Suɗta a ɦal voɗta maŋ suu Israelna asi jok iiri masira ki zeɗ, a Lona hin bulumusi coosira kiyo.

ROMMA 3:25

Lona li ɓivunna ki u namu, u miɗ mamma Yesu yow cora vi suu vi umma kiyo, Lona li takka ki a wi ana nam ɗegee u jewra nam ɗil irim kay cora vi suuna.

EFESNA 1:7

Hu miɗna vi Kristu aygi buɗ ki hu cora wa, cooygira daɓ ki wa. Ni kay ndaɗta Lona takaygi ŋgolla vi oo mamba.