50 Nam hurum haɗ kay suu hum umma.
An hin vi Galamba u aŋu, u njafaŋ ma hin ka ŋgoroŋ daganna lay, u deeresi zeɗ zeɗ halaŋ, hin li ni Galamba dindinda. An hin li ni a Looŋŋa, Lo ma vi njafaŋ ma ka ŋgoroŋ daganna lay.
Yawe, Loogina, agi hin lammi ndaaram na hol. Nammi sa ma hin suɗugi ki ko suu babali magisinana.»
Ko huulona ka kolo day kay ndaŋgara, ɗegee mamba su ki kay suu lam ndaaramma ni na may.
Yawe paɗ vunum ki kay suu lam ndaaramma, kem gorira u suu ŋgolona lay.
Suu li ndaa Yawena di boy namma tew tew, «Ɗegee mamba ka ni na din din.»
Nam li minda vi suu lam ndaaramma, nam humusi tii masina, suɗusi kiyo.
Yawe minni suu lam ndaaramma, u suu minim ɗegee mambana.
Suu pan suuna u ŋga tasina vunusi ma kaboyna mbuɗ ki ndumu wa, vunusi ma ɓak dla cora eg suu ɗegeena.
An hummi va ma Yawe, Lona, damma, nam di ana, «Heɓpa» maŋ suu mamsina, maŋ suu ɗegeena. Mariyaɗ asi hoŋ hu dlaasira dawira oloɗi.
May kay suu li u gaɗ mandana, an li jivira ha kay njafasi fokosi buɓ buɓ lay suu minin gaɗ manda li uɗ mayna.
Kay saɓakŋa vi Lona ma sem tiina lan dlara ŋgolla egenu.
An hum della di ay kay dlamba mulla ana, «Geleɗegi Looygina agi suu sunumma halaŋ, agi suu lam ndaaramma, suu ŋgolona u kemba halaŋ.»
