Boy Ma Ayra Ma LUK Ɓiirimma 1:33 - Boy Lonana

³³ Nam hin li ni a mulna kay suu Israelna gak gak, mul mamba ka daɓ kiɗi.»

Boy Ma Ayra Ma LUK Ɓiirimma 1:33 ပူးပေါင်းရင်းမြစ်များ

2 SAMUEL 7:13

Nammi sa ma hin min zira u senna. An hin wulum mul mamba kolo a fafaɗta.

2 SAMUEL 7:16

Fokoŋ wanni mul maŋga u ziiŋ lay hin li kakira na en, mul maŋga hin li saɓakŋa ni a fafaɗta.»

SOOLLA 45:6

Mbuuru maŋga njaŋaraŋŋa saɓak cocoo. Suuna halaŋ cuk kaŋga uŋu, suu babali maŋsina halaŋ goɓ ga fokoŋu.

SOOLLA 89:4

Aŋ di ana, «An njun galamba u suu an manasi kina, an su tan ki u David, saan ma sunda, ana,

EZAYI 16:5

Hu li ma mulla mbuɗ ti ni u minda, ni hu zi ma vi Davidna. Sa ma ɗegeena hin kak a kaɓakŋa nam hin ɓak suuna ni u ɗegeera tam fet kay a gi ii dlara.»

EZAYI 9:7

Bu Suuna kaɓakŋa kay njaf suu vi Yakobma, ɓak namma ndi ni kay suu Israelna.

JEREMI 23:5

Buuna hin mbaa, Yawe di na, ma an hin ɦal goona hu njafna vi Davidna. Nam hin ti mulla u saɓakŋa. Nam hin njun kay ma ɗegeena u ma jivina hu mbassa.

DANYEL 2:44

Doli ɗaŋŋi hu buu ma vi muli suu asina wanni Lo ma ay kolo huulonana hin tin mul ma ka ɓeŋ kiɗina, ma mul mamba hin ka ɦaɗ ki maŋ suu daŋ oloɗina. Nam hin luɗusi kiyo, hin bulum muli suu asina ki halaŋ, nam hin hinni a fafaɗta.

DANYEL 4:34

Cecem wanda, an Nabukodonosor, an ŋgaamu, yam semu, goɓ mi Mul ma Kolo Huulonana, kay ana sun mamba halaŋŋi gasira, dlaamba halaŋŋi ɗegeera, nam hin hoŋ suu ŋga tasi ŋgayina ki kaŋgaa.»

DANYEL 6:26

Na ɗaŋŋi mulna Dariyus ɓii maŋ suuna halaŋ, njaf suuna u dee vunusi kay yam ndaŋgara halaŋ, «ko heɓpa li u agi ŋgolo.

DANYEL 7:18

May suu sunda vi Lo ma Kolo Dayna hin vasi mul masira, asi hin kak ti mulla a fafaɗta ka daɓpi.»

DANYEL 7:27

Kay mulla, saɓakŋa u ŋgolla vi muli suu kaŋga u huulona halaŋŋa ɦasi ki maŋ suu teteɗna vi Lo ma Kolo Dayna, mul mamba ni mulla didinda. Saɓakŋa halaŋ hin sunum may hin hum um may.»

ABDIYAS 1:21

Suu saɓakŋa ɗiŋ kolo kay ɦinira Siyonda a ti mulla kay ɦinira vi Edomba. Yawe hin vam a mulna.

MISE 4:7

Duk suu dalira an hin mbuɗusi a ura hinda, suu ay ki njayna a mbas mayra saɓakŋa. Kolo kay ɦinira Siyonda Yawe hin li ni a mul masina cecem wanda, hu fokka a fafaɗta.

MATIYE 1:1

Ni sem somoyoŋ Yesuna, hu njafna vi Davidna, hu njafna vi Abrahamma.

MATIYE 28:18

Yesu ɦuɗ tam egesi, dasi ana, «Saɓakŋa huulona may, kay ndaŋgarana may, an fam ki kon halaŋ.

Boy Ma Ayra Ma LUK Ɓiirimma 1:34

Mari di sa sunda huulona ana, «Dla ndaɗta hin li ni ana mege? An ka buu u saa njufi may ni ge?»

ROMMA 9:6

An ka min di ana vi vun ma vi Lonna mbuɗ ki ɦawaa naɗi, njafna vi suu Israelna ni ka asi suu Israel suu gasina halaŋgi.

GALATENA 3:29

Lini agi ni suu vi Kristuna agi ni hu njafna vi Abrahamma hin fagi va ma Lona vi vunum kamma ɦam ko jona nana.

GALATENA 6:16

Kay suu li u gaɗ ndaɗta hu iiri masira halaŋ an di kasi ana heɓpa u jivira halaŋ li u asiya li u suu vina vi Lona halaŋ.

FILIPINA 3:3

Aygi ni suu tak gasira vi caw ɗiwra, ni ka asiɗi, aygi ni suu sun Lona u Musuk mamba, aygi col gasi maygira ni hu Yesu Kristu, aygi tin huruygi ni ka kay dlara vi sa warnaɗi.

HEBRENA 1:8

Kay Goona ni, Lona di ana, «Dlam maŋga mulla, Lona, tiniŋ kaɗ ni a fafatɗa. Aŋ ti mul maŋga ni u ɗegeera.

WIRA ŊGAYRA 11:15

Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»