Boy Ma Ayra Ma LUK Ɓiirimma 1:17 - Boy Lonana

¹⁷ Lona hin ɦam Musuk mamba a tuɗ fokom u saɓak ma vi sa jok vun Lona Elie. Nam taɓ duk suu ŋgolona u goryosi dew. Suu hurusi cona mbuɗ ki ɗegee, nam hin min huu suu njaf ma vi Lonna ki jiviya.»

Boy Ma Ayra Ma LUK Ɓiirimma 1:17 ပူးပေါင်းရင်းမြစ်များ

1 MULINA 17:1

Eli sa ma ay hu ɦoŋzi ma Tisbena hu mbassa Galaadta mba di mulna Akab ana, «U sem Yawe, Lona vi suu Israelna, ma ka iiri tew tewna, ma an ka sunum wanna, basara hin fok cara ni lo ka siɗi, mbaɗagi ka gi kay ndaŋgaraɗi lay, bay an di an na baɗi.»

1 MULINA 18:18

Eli hoŋom dira ana, «An mbaa wihawra kay suu Israelna ni ka anɗi, ni aŋ taŋga u suu vi buŋŋa. Agi noy gaɗta vi Yawera kiyo. Aŋ tin iriŋ ki a goɓmi Baal.

1 MULINA 21:20

Akab di Eli ana, «Aŋ sa ma babali manna, fan wa daŋ su?» Nam hoŋom dira ana, «An faŋ wa kay aŋ gus taŋ ki ni u busu sana kay dla cora aŋ laɗ fok Yawe wanda.

2 MULINA 1:16

Nam hin dam ana, «Gola ni boy ma Yawe damma. Aŋ sun a tuɗ joɓ Baal-Zebub, lo ma vi suu Ekronna ni, Lo ka vi suu Israelnaɗi su? Kay ndaɗta lay ma aŋ buuri kamma aŋ hin ka ɗiŋ ki kaŋga oloɗi. Aŋ hin miɗ ki gasi.»

1 DLAŊ MULINARA 29:18

Yawe, Lona vi Abraham, vi Isaak, vi suu Israelna, somoyomi ka u huu suu maŋsina hurusi a fafaɗta, tuɗusi u huu ma dewna egeŋu.

2 DLAŊ MULINARA 29:36

Ezekiyas u suu Israelna halaŋ furi coco kay Lona njunusi a li dla ndaɗta kira kay sunda li wanni yaɗ vi kaɗi.

SOOLLA 10:17

Yawe, suu hoŋ yasi gana, aŋ ka humusi cen masira, aŋ ka soosi usi lay.

SOOLLA 111:10

Mbeleŋ may ma ŋgolna ni ndaa ma lam u Bu Suunana. Suu ka lam ndaaramma halaŋ lak jiviya. Suuna geleɗem ha ni na gak gak.

SOOLLA 78:8

Ko asi li ko somoyosi naɗi, asi suu hin vun Lona ki mbuɗ yara u namma, njaf suu hurusi cona saa masira ka taɓ ura vi Lonaraɗi.

EZAYI 29:24

Suu yasi ka li sunɗina hin mbuɗ suu wi yalna. Suu li dla cora mbuɗ hin tasi a suuna haɗasiya.

AMOS 4:12

Na ɗaŋ, gol lassa an hin lasakka, Israel, ko ndaɗta na an a lasak may ni, min tak a ŋgaf Lookŋa Israel.

MATIYE 11:14

Lini agi min a vi boy namma kagiya ni, nammi Eli ma ɓiira di ki kam jew a mbayna.

MATIYE 3:3

Jaŋŋi sa ma Ezayi ma jok vun Lona di ki kam ana, «Del sana sawalla ki ŋgoo bagiya, Ɗoɓogi voɗta vi Bu Suunara kiyo, Mbuuɗ huruɗ kiyo.»

MATIYE 3:4

Jaŋ baraw mamma cili ni u tlimiɗ jamballa, gandina njuni hurumu. Tlesuu nam tasina ni baarina u mbul yumma ki ŋgoo bagiya.

Boy Ma Ayra Ma LUK Ɓiirimma 1:16

Nam hin holoŋ ii goryoŋ Israelna ay coco eg Lona mul masina.

Boy Ma Ayra Ma LUK Ɓiirimma 1:76

Aŋ, goonna, aŋ hin mbuɗ ni a sa jok vun Lo ma kolona. Aŋ hin tuɗ fok Bu Suuna a minim voɗ mamba ni aŋ lay.

Boy Ma Ayra Ma JAŊ Ɓiirimma 1:13

Asi vuɗ ka ko suu warna vuɗ gorra naɗi, col ay ka eg saɗi lay ka u minda fi sa njufnaɗi lay, Lona vuɗusi ni namu.

Boy Ma Ayra Ma JAŊ Ɓiirimma 1:34

Jaŋ di ana, «An wi dla ndaɗta, nammi Goŋ Lonna.»

Boy Ma Ayra Ma JAŊ Ɓiirimma 3:28

Agi ndak a diki kan ana an di ana, Anni ka Sa Lona Fuurummaɗi. Anni sa Lona sunun ay ki fokom jewna.

SUNDA 10:33

An cuk suuna ha ni na zak gaw a halaŋga, cecemi aŋ mba wa may, ami ka tani halaŋ a hum va ma Bu Suuna ɦaŋŋa a damma.»

ROMMA 9:23

Nam a tak ɦizza vi ŋgol mamba ki u oora nam laɗta ni, nam min ki fok jew a ɦay ŋgol mamba.

KOLOSNA 1:12

Gagi deɓ Buna u furira, kay nam mbuɗugi ndaki a fi tlesuu Lona hinisi maŋ suu mamsina ha kolo hu mul mamba hu kiɗikkana.

2 TIMOTE 2:21

Lini sa ma mbuɗ tam ki jivi pasiyak ko cora an ɓak kaɗ wanda, nam hin fi ni sun mamba kay tamu kay nam ɦal tam ki ni maŋ malamma bel, nam irim jiviya, nammi tok a ɦam sunda gaw, kay nam minimu, ni kay sunda jivira bel.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

1 JAŊ 2:28

Gasi goryonu, hurugi li taɓi dew u Kristu, a falira nam hin a mbara aygi wi ki kaygi gasi ana zolo ka caygi fokombi.

WIRA ŊGAYRA 20:4

Ŋgoo dagan an wi dlamba mulla, suu kaki kay dlam ndaɗta ɦasi saɓak ma kaɓakŋa kosiya, an wi musukka vi suu casi ki kay asi di gasira Yesu takara u Boy Lonana. Ni suu may suu goɓ ka kaŋga fok vabakŋaɗi cen va ma tli tam ko namma mayɗina, ni suu tin huɗukka vi vabakŋa ay ka vokosiɗina, ka kosiɗi lay. Asi yow ay ki kolo iiriya kak hu mulla ko tasi u Kristu basara bup dew.

1 SAMUEL 7:5

Samuel di ana, «Tokogi suu Israelna halaŋ hu Mispa. An hin joɓogi Yawe kagiya.»