KOLOSNA 4:3 - Boy Lonana

³ Cenegi kamiya, kay Lona mba ɦami voɗta jivira a di boy mamma ŋgayna vi Kristu, an ka cecemi daŋgayna ni kay boy mamma ŋgay namma.

KOLOSNA 4:3 ပူးပေါင်းရင်းမြစ်များ

SUNDA 14:27

Asi mba Antiok tok suu vi Kristuna halaŋ egesiya, vasi u boy ma Lona li sunda ay u asina halaŋ, u mayra nam mal voɗta ki maŋ njaf suu daŋŋa asi vira lay.

KOLOSNA 1:26

Ni a di ana dlaamba ay ki ŋgay day day, sa warna ka waɗɗira, ni nam takaɗ ki cecemi maŋ suu mamsina.

2 KORINTNA 2:12

Hu li ma an tew Troas a di Boy ma Ayra vi Kristu, u oora vi Bu Suuna an fi voɗta a li sunda.

2 TIMOTE 2:9

An wihawra ka njuni kaŋga u galina kay an ka di Boy ma Ayra namma ko sa ma li dla cora na lay ni Boy Lonana ka njuni kaŋgaɗi.

FILIPINA 1:7

Ko wani na ni jiviya an ka saa kagi halaŋ kay an yowogi hurunu a agi mba fi va ma Lona ɦanna na, lini an ka hu daŋgayna cecemi lay ni an li ay ki ɦawara lay, ni kay a doo kay Boy ma Ayra, colom ki u voɗom ɗegee.

EFESNA 4:1

An joɓogiya an sa ma daŋgayna kay sunda an sun Bu Suunara, kay sunda an sunumba, poyogi u minda vi Lona ko nam yagi ayra na.

1 KORINTNA 16:9

Ni voɗta mal ki kan a li sunda ŋgolla tani, lini suu gonok manda ka ŋgol masi lay.

1 KORINTNA 4:1

Agi golomi ni ko ami ni suu sunda vi Kristu suu di ki kay dlara ŋgayra vi Lonara.

1 TESALONIKŊA 5:25

Gorsenna cenegi ay kamiya.

MATIYE 13:11

Nam hoŋ dasi ana, «Agi ni suu Lona gagi u boy mamma ŋgay kay Mulla huulonara ki na, gam ka ki maŋ suu hiŋŋa koɗi.

FILEMONDA 1:22

Ni aŋ minin li ma buuna haa, an saa ana Lona hoŋ dira kay cen magira a ɦan voɗta kay tuɗ ha egegira.

FILIPINA 1:19

An wi ana dla ndaɗta li na ni kay suɗ manda, jivira kay cen magira u saɓak njunda vi Musuk Yesu Kristura.

2 TIMOTE 1:16

Bu Suuna ɦal jivi mamba maŋ Onesifor u suu mamma, kay nam ka heɓen hurun tew tew, an hu daŋgayna lay ni nam ka li zolo konɗi.

EFESNA 3:1

Ni an Pol sa ma daŋgayna vi Kristu an cen Lona kagi agi suu ka njaf suu Juifnaɗina.

ROMMA 16:25

Geleɗeygi Lona nam ndak a mbuɗuygi saɓak hu vira u Boy ma Ay ma an ka damma, dla mayra an ka daɗ kay sem Yesu Kristura, u dlara ŋgayra vi Lonara ta aygi haɗaɗta. Dlaamba ŋgay ndaɗta ay ki ni ŋgay day day sa ka waɗɗi.

EFESNA 3:3

Lona takan u dlaamba ŋgayra irin a an wam u ŋgol mamba kiyo, an ɓiirigi magaara ha nde ni kay boy namma.

EFESNA 3:4

Kay ndum boy namma wanni humugi hin gagi kay dlara ŋgayra a waɗta, ni kay Yesu Kristu.

EFESNA 3:9

Kay a suuna halaŋ mba wi u tlesuu ŋgayna vi Lona kiyo, Lona ma li tlena halaŋŋa dlaamba ay dayra nam ŋgayaɗ ay na gak gak.

KOLOSNA 4:18

Ɓiirigi boyna ha ni u kon tanda Pol, gagi deɓpa, humugi maa kay an ka hu daŋgaynaraɗi. Ko oora kak u agiya.

2 TIMOTE 4:2

Di Boy Lonana col kam eŋe, lini lina ka jivi ɗowba jiviɗi lay, mal huu suuna, yalasiya, gaɗasiya, haɗasi u lalamba jivira.