An ka iiri kay tan cecemi oloɗi, Kristu ka iiri hurun ni namu, iiri manda an a sa warna cecemi wanda an ka iiri hu vira u Goŋ Lonana nam ma mininna ɦal iiri mamba ki kanna.
Agi miɗ ki u Kristu wani buɗ ki ko tlesuu hu duliyarana wa, agi hin poy ko agi ni vi duliyara tu na ni amege? Agi vi kagi a asi tinigi gaɗta kagi ko ndaɗta na ni kay mege?
«An dagi ha ni gasira, sa humun boy manna, tin hurum kay sa ma sunun ayna may ni, iirira ka daɓ kiɗira ka hurumu. Ɓakŋa vi Lona ka kambi, nam hin lina vi suu miɗina kiyo, jak hu iirira ka daɓ kiɗira.
Aygi ay jewni suu gonokka u Lonna, nam hin taɓaygi egemmi u miɗna vi Goromma. Ni kay ndaɗta nam hoŋ taɓaygi cecemi u namu, ay hin suɗuygi kini u iirira vi Goromma.
Fali ndaɗta Yesu di ana, «Bunu, mul ma kolo huulona, kaŋga kay ndaŋgara lay na, an gaŋ deɓpa kay aŋ ŋgay tlegeyeŋ ki ii suu wira u suu neeyna, hin takasi ki ii suu kaɗakina.
Lini sa ma humum ka huma ni hum boy ma Musuk Lonara dam maŋ suu vi Kristuna jiviya. Suu col eŋ na gak gak suu kay ndaŋgarana an hin ɦasi manna ma ka ŋgayna. Duk suu asina an hin ɦasi goyra haɓpa semma wilina ɓiiri huruɗna, wammi sa ma famma doy hol.
Banayanna aygi cecemmi goryoŋ Lonna, aygi li hin mbuɗ ŋgoo dagan ana me kala ni dla ndaɗta uɗ tak ka ki jivi tuɗi. Aygi a wi dla ndaɗta ki jivira wani falira Kristu hoŋ ayra, ni aygi hin mbuɗ ni ko ndal nam na, kay me aygi hin wam ki ni u tamba.
Sa ma ka u Musuk Lonara hurumbina ndak ka wi gasira vi Musukkaɗi may. Gasi ndaɗta irimmi ko va ma laɓa na, nam ndak ka a hum u boy nammaɗi, sana ndak a gi ii dlara kini u Musukka.
Hu li ma Boy ma Ayra, boy ma gasina, mbay varagi tani jewra tagi mini kay juɓpa agi hin faɗ ha kolora. Viigira u min magira coli ni kay va ma agi tin hurugi kamma, ka juɓugi koloo.
